‘n Vreemdeling se skaduwee?

ǀAWEBAHE JOHANNES ǁHOESEB WRITES:

Vroeër was die pas geweldig snel

Deesdae is dit maar net slakkepas

Vroeër was die wandelery penreguit

Deesdae is dit herwaarts, derwaarts

Vroeër was die sit penregop gewees

Deesdae is die sittery ineengekrimp

Vroeër se liggaam was bekend vir my

Deesdae s'n is eenvoudig onbekend

Volg ek nog steeds die egte eienaar?

Of is ek 'n vreemdeling se skaduwee?