Ons taal
Koester jou sorgsame soortgenote
Die Boet Botma Voortrekkers en die Woordspoorspan, Petronella Genis en Nicoline Woest, is tans besig met ’n projek waar hul daagliks kosbare woorde in hul wakis laai om Afrikaans se 100ste bestaansjaar as amptelik erkende taal te vier. Daar het tot dusver al ’n paar bekende, maar dalk ook vergete woorde, en selfs nuutskeppings in die “Wakis vol wonder(like) woorde” verskyn.
’n Paar weke gelede lees ek die woord “soortgenoot” in die wakis raak en ek dink dadelik – dis ’n mooi woord! Juis iets wat eie is aan ons taal – soms kan ’n woord sommer net mooi klink, selfs al het jy nog nie eers na die betekenis of gebruik daarvan gaan kyk nie. Nog só ’n mooi woord wat ek onlangs weer op ’n Afrikaanse TV-reeks gehoor het, is “sorgsaam”. Dis ’n woord wat mens nie baie hoor nie, maar as mens dit hoor, sê dit eintlik so baie. ’n Paar sinonieme van hierdie woord is: oppassend, versigtig, oplettend, dienswillig, behulpsaam, hulpvaardig, sorgvuldig, noukeurig, verantwoordelik.
’n Soortgenoot verwys na iemand wat jou belangstelling of houding teenoor iets deel. Verlede week was dit weer die jaarlikse PVATN-kongres en ek het net weer, soos ná elke Afrikaanse kongres, besef hoe kosbaar dit is om soortgenote te kan hê. Asook hoe belangrik dit is om tyd saam met hulle deur te bring en by mekaar te leer.
My soortgenote is mense wat sorgsaam met die Afrikaanse taal omgaan en ek sien uit na nog ’n hele paar vieringe van Afrikaans100.
Nicolette Steyn
Afrikaansdosent
Universiteit van Namibië
[email protected]
’n Paar weke gelede lees ek die woord “soortgenoot” in die wakis raak en ek dink dadelik – dis ’n mooi woord! Juis iets wat eie is aan ons taal – soms kan ’n woord sommer net mooi klink, selfs al het jy nog nie eers na die betekenis of gebruik daarvan gaan kyk nie. Nog só ’n mooi woord wat ek onlangs weer op ’n Afrikaanse TV-reeks gehoor het, is “sorgsaam”. Dis ’n woord wat mens nie baie hoor nie, maar as mens dit hoor, sê dit eintlik so baie. ’n Paar sinonieme van hierdie woord is: oppassend, versigtig, oplettend, dienswillig, behulpsaam, hulpvaardig, sorgvuldig, noukeurig, verantwoordelik.
’n Soortgenoot verwys na iemand wat jou belangstelling of houding teenoor iets deel. Verlede week was dit weer die jaarlikse PVATN-kongres en ek het net weer, soos ná elke Afrikaanse kongres, besef hoe kosbaar dit is om soortgenote te kan hê. Asook hoe belangrik dit is om tyd saam met hulle deur te bring en by mekaar te leer.
My soortgenote is mense wat sorgsaam met die Afrikaanse taal omgaan en ek sien uit na nog ’n hele paar vieringe van Afrikaans100.
Nicolette Steyn
Afrikaansdosent
Universiteit van Namibië
[email protected]
Kommentaar
Republikein
Geen kommentaar is op hierdie artikel gelaat nie