Ons woestynland

MOGAMAT SALIE SABAN SKRYF:

So met ‘n tweespoor verdwaal

Woestyn skakeer met somerreent

Waar koue Atlanties groet

Welwitschias dankbaar vir die seën

In gange van die Namib-see

Appelkoos duine bring heimwee

Narrabos in rep en roer

Toktokkies wemel oppi woestynvloer

Skeepswrak verroes inni Skedelkus

Kamera. Aksie. Kliek. Vergewis

Soos die grys kombers verdwaal.

Verskuiwe warmte deur Kuiseb gange

Topnaar glimlag by narrabos

Kameeldoring takke hang los

Vanaf Kunene bo tot Oranje onner.

Woestynland mooi, droog in besonder

Brandberg se kelkiewyn

Suiderkruis en maneskyn

Sandvishawe verberge ‘n gawe.

Ons woestynland sal nie verdwyn