Reënweer en Oosweer in Walvisbaai

MOGAMAT SALIE SABAN SKRYF:

Winterreent

Koud kom jy aan.

Vanaf die verre suid.

Suisend oor die oseaan.

Brousel soet en beskuit.

Geen sonskyn virri dag.

Woestyn se dors kom les.

Bibber en geen glimlag.

Vanaf die oos na die wes.

Welwitschias en narrabos.

Groot duin en volstruisgras waternat.

Ons Hemelblou grys verlos.

Duin 7 se soutpad is seepglad.

Tussen vier mure.

Voorie kolestoof in geloof.

Reent ja, so tel ons die ure.

Buite is die son verdoof.

Moeder natuur

U ontgeld ons hierdie uur.

Sedoos uit volle bors.

Als is nie van korte duur.

Erens is daar fout met die aardkors.

Neentien ses en sewentig se les.

Gebeur toe in twee duisend en ses.

Dan kom sing sedoos uit volle bors.

Twee duisend en twee en twintig met vrede vors.

Duinsand op tanne en ooral oor.

Hou vas jou matras of jou perm waai weg.

Weerprofeet het nou verloor.

Erens tuis oor die blou dam se blye reg.

Ja nee ... die blou dam se kuif waai weg.

Als bewe en sta skuins.

Opgevrommel na moeder natuur se reg.

Sedoos laat my gedagtes bepeins.

Vyftig knope klink nou reg.

Met spoed afdraend na die kus.

Maak reg, hou vas die sedoos is eg.

Vanaand gaan niemand rus.