Rustig

MOGAMAT SALIE SABAN SKRYF:

Sorgeloos en skeef soos die plaashek hang

So rustig is my lewe vir niks bang

Soos die windpomp droogte skreeu

Op my knieg rustig vir ’n eeu.



Soos die seemeeu hoog vlieg

Die suidwes wind in my hare klief

Daai witperdjies skop teen die kaai

Glo ek die weer kom oor die baai.



My hartklop sagkuns in my oor

Oë na Bo ek sal nie moed verloor

’n Tweespoorpad kronkeldraai

Rustig met arms na Bo geswaai.



Soos die vuurherd warm blaas

Kole stoof verdoof sal my nie verbaas

Rustig met ’n brousel warm

Hart vol lief sal my nie verarm.



Vrede en geduld soos Job van ouds

Smag my hart na ’n loutery kouds

Rustig op God se weg

Suiderkruis wys my reg.



* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.