Skedelkus

MOGAMAT SALIE SABAN SKRYF:

By Toscanini diamante gegrou

Toeka se blink in goud onthou

So tussen blou en hemelgrou

Skedelkus gekliek om te onthou.

Daar inni Ugab gety

Dril flaminke sy aan sy

Die appelkoos duin warm en hoog

Gryskombers sal jou betoog.

Die stilte by die skeepswrak

Eens trots versier op papier

Olieboor by Toscanini draai

Jakkals tjank by Springbok-wasser kwaai.

Sonskyn en visvang by Torrabaai

Asemrowend gekliek en verfraai

Duskant die Kunenemond

Groet suidwes die oggendstond.

Ugabhek se skedels verbleik

Skedelkus het ‘n hartseer uitkyk

Soutpad na tweespoor verdraai

Skedelkus sal altyd hartsnare verfraai.

Onder warm woestyngrond is water skaars

Dors ja droog my oë vertroos

Myle se mirages is grim

Belofte van water is baie min.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.