SMS’e vir 19 Desember 2022

Stut Sethie se skorsing van rugby: Dis absoluut onsin en arrogant dat WR verwag spelers met sogenaamde opleiding daaroor en al, bewus moet wees van moontlike verbode middels! Ek is geen dokter, maar enige bloeddrukpil het newe-effekte. Om te probeer knoei daarmee is plein dom en so ook WR se reëls. Dan kan jy ook net ’n waarskuwing kry of twee jaar! Om die onus op die speler te plaas dat hy vrywaring moet kry, is slu skuiwergat soek van WR. Later spandeer die manne meer tyd met boeke, navorsing en in apteke as in skrums! Absurd!

Mariene akwakultuur, Langstrand. Verskaf asseblief vir ons ’n landkaart gemerk waar dit beplan word.

Inwoners en winkels wat waterskade gely het, verhaal jul skade by CoW, want dit is hulle wat nie in staat is om die stormwaterpype en waterkanaale skoon en oop te hou nie. Die kanaal by Wernhil is vol vuilgoed en toegegroei, water kan nie vrylik afloop net soos Klein-Windhoekrivier wat ook nie skoongemaak word nie.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.