Verlange. . .

MOGAMAT SALIE SABAN SKRYF:

’n Tikkie verlange in my hart

Glimlag inni warm son

Klippe oppi rant verbrand

Heimweë aani Namib se kant

So ver as die dag breek rooi

Oggend warm op my gesig ontplooi

Daar waar die eggo’s verdwaal

Deur berge en dale vertaal

Vanaf die koue Atlanties wes

Inni warm Namib my dors les

Hoog bo die Brandberg sê

By sy voete waar Welwitschias lê

Ruacana en Kavango-Noord

Makalanis en Palmwag voort

Tot die gange vanni Visrivier

Kronkel suid die Oranje met swier

Halfmens staan die kokerboom

Brouselsoet virri groot oom

Daar by die Kalahari-rant

Kameeldoringboom inni rooisand

Amen ja Amen 'O Heer.

Verlange, het my siel kry seer

Namibië kruie warm of koud

Wyd en syd oë verwoë benoud.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.