Walvisbaai

MOGAMAT SALIE SABAN SKRYF:

Groete vanaf die kaai.

Fluister die suidwes.

Vismeul reuk van geld.

’n Belofte van sukses.

Geniet die vier seisoene dag.

Gryskombers laat jou glimlag.

Duin sewe se appelkoos kleur.

Narrabos bloeisels verweer.

Die soutpad is seepglad.

Noordwes laat jou sweet.

Grou en koud onthou.

Sedoos het jou beet.

Walvisbaai ja Walvisbaai.

Welwitschias se dors kom les.

Koelte vanaf die baai ingewaai.

Hier gee ons altyd bes.

Kabeljou, harders en snoek.

Gesmoor, gebak of gerooster.

Vars gebak virri mondhoek.

Vensters digtoe virri suid ooster.

Walvisbaai se reuk van geld.

Stof en sand tussen jou hare.

Vis raak skaars, trek vas jou belt.

Grysheid en wysheid inni jare...

Walvis skoorstene is stil.

Sardyn tyd en snoek tyd.

’n Gemis van geld wat my longe vul.

Geduld kom met die skuit.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.