Woestyngroete

MOGAMAT SALIE SABAN SKRYF:

Kwaai uit die suide kom jy aan

Vroegdag met wyse manne in hul baan

Namib se rose lê naak besaai

Storm en grom, suidwester waai.

Stofdig is ons verwaai

Namib se groete vanaf die kaai

Witskuimperdjies die galop

Windverwaaid vol stof geskop.

Bulk oor die Namibvlaktes heen

Vroegdag stof kom ons reent

Ou mense glo dit is ons seën

Namibvlakte wag vir reent.

Volstruisgras droog en geel

!Narabos wag vir sy deel

Welwitschias verstrooi, die wag

Woestyngroete met ’n glimlag.

Ons glo dat die wind moet waai

’n Voorspelling, kyk oor die baai

So wrintiewaar kom sy aan

Bulkend, ’n gesuis in haar baan.

O, siesa Mona Lisa, hou vas

Ja-ja anker jou skeepsmatras

Suidwester stuur groete my kind

Woestynvoete inni Namib gevind.

* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.