"Akademie het my nog altyd aangegryp"
Nadat Andries "Boei" Blaauw einde matriek 50% behaal het vir wiskunde en sy droom om chemiese ingenieurswese te studeer skynbaar daarmee heen is, het hy besluit om weer te probeer.
Sedertdien het sy benadering tot wiskunde wesenlik verander en hou hy homself besig met die skryf van handboeke vir wiskunde en wetenskappe tussen sy aktuariële studies deur.
"Ek dink dit was vir my ’n emosionele ding," vertel Boei oor sy wiskundeonderwyser, na wie hy geweldig opgesien het, wat vir sy pa gesê het sy dink hy is slegs tot 50% in staat. Sedertdien het hy nege akademiese sertifikate en grade in besigheidsadministrasie, asook wiskunde en statistiek agter sy naam gekry. "Akademie het my nog altyd aangegryp ... dit is vir my my identiteit," sê Boei.
Hy het die volgende jaar die vak herhaal en moes homself toe wiskunde leer. In daardie stadium het vriende van sy ouers se seun ook swaar getrek met wiskunde in matriek - só het Boei vir die eerste keer ’n tutor geword.
Daarna het Boei in 2018 sy tersiêre onderrig begin en toe die IEB-kurrikulum later nuwe vakke beskikbaar aan leerlinge beskikbaar maak, het Boei besluit om hierdie vakke ook baas te raak en handboeke daarvoor te ontwikkel.
"Dit was vir my ’n pure passieprojek," sê Boei wat verduidelik dat hy ook al eksamens afgelê het saam met matrieks waarvoor hy ekstra klasse gegee het. "Dit is nogal eienaardig as hulle beter as jy doen."
Oor die passie vir wiskunde en wetenskap wat hy op sy tweede probeerslag ontdek het: "Ek dink ek het besef dat jy kan jouself enigiets leer - sit net en maak jou boek op bladsy 1 oop. Ek dink ook dit is ’n sielkundige ding. Dit motiveer jou as jy ’n moeilike probleem oplos en so sien jy kans vir moeiliker probleme," verduidelik hy.
Boei beskou wiskunde as die waghond van die wetenskappe. "As jy kyk na die heelal en al die planete tot dinge soos kernkrag - wiskunde is die polisie. Wiskunde meet dit op - dit moet alles binne die reëls van wiskunde gebeur," sê hy.
Mnr. SUPRANASIONAAL
Tans is Boei ook een van die finaliste in die Mnr. Supranasionaal-kompetisie, waarvan die finale op 1 Februarie sal plaasvind. Hy sê hy was oorspronklik selfbewus weens sy lengte. "Ek is ’n kort man en ek het altyd gedink dit is net vir mooi, lang mense tot ek die direkteure ontmoet het. Daar het ek besef dit gaan oor wie jy is meer as hoe jy lyk," sê hy.
Boei verduidelik dat sy deelname aan Mnr. Supranasionaal ook ’n doel dien vir sy filantropiese doelwitte. "Ek wil jongmense help om beter te doen op skool. Van my studente sou nie kon swot as hulle nie goeie beurse gekry het nie. Sonder goeie matriekuitslae sou hulle nooit vir hulself kon beter doen nie - en as mense weet wie jy is kan jy ook aandag lok na jou liefdadigheid," sê hy.
- [email protected]
Sedertdien het sy benadering tot wiskunde wesenlik verander en hou hy homself besig met die skryf van handboeke vir wiskunde en wetenskappe tussen sy aktuariële studies deur.
"Ek dink dit was vir my ’n emosionele ding," vertel Boei oor sy wiskundeonderwyser, na wie hy geweldig opgesien het, wat vir sy pa gesê het sy dink hy is slegs tot 50% in staat. Sedertdien het hy nege akademiese sertifikate en grade in besigheidsadministrasie, asook wiskunde en statistiek agter sy naam gekry. "Akademie het my nog altyd aangegryp ... dit is vir my my identiteit," sê Boei.
Hy het die volgende jaar die vak herhaal en moes homself toe wiskunde leer. In daardie stadium het vriende van sy ouers se seun ook swaar getrek met wiskunde in matriek - só het Boei vir die eerste keer ’n tutor geword.
Daarna het Boei in 2018 sy tersiêre onderrig begin en toe die IEB-kurrikulum later nuwe vakke beskikbaar aan leerlinge beskikbaar maak, het Boei besluit om hierdie vakke ook baas te raak en handboeke daarvoor te ontwikkel.
"Dit was vir my ’n pure passieprojek," sê Boei wat verduidelik dat hy ook al eksamens afgelê het saam met matrieks waarvoor hy ekstra klasse gegee het. "Dit is nogal eienaardig as hulle beter as jy doen."
Oor die passie vir wiskunde en wetenskap wat hy op sy tweede probeerslag ontdek het: "Ek dink ek het besef dat jy kan jouself enigiets leer - sit net en maak jou boek op bladsy 1 oop. Ek dink ook dit is ’n sielkundige ding. Dit motiveer jou as jy ’n moeilike probleem oplos en so sien jy kans vir moeiliker probleme," verduidelik hy.
Boei beskou wiskunde as die waghond van die wetenskappe. "As jy kyk na die heelal en al die planete tot dinge soos kernkrag - wiskunde is die polisie. Wiskunde meet dit op - dit moet alles binne die reëls van wiskunde gebeur," sê hy.
Mnr. SUPRANASIONAAL
Tans is Boei ook een van die finaliste in die Mnr. Supranasionaal-kompetisie, waarvan die finale op 1 Februarie sal plaasvind. Hy sê hy was oorspronklik selfbewus weens sy lengte. "Ek is ’n kort man en ek het altyd gedink dit is net vir mooi, lang mense tot ek die direkteure ontmoet het. Daar het ek besef dit gaan oor wie jy is meer as hoe jy lyk," sê hy.
Boei verduidelik dat sy deelname aan Mnr. Supranasionaal ook ’n doel dien vir sy filantropiese doelwitte. "Ek wil jongmense help om beter te doen op skool. Van my studente sou nie kon swot as hulle nie goeie beurse gekry het nie. Sonder goeie matriekuitslae sou hulle nooit vir hulself kon beter doen nie - en as mense weet wie jy is kan jy ook aandag lok na jou liefdadigheid," sê hy.
- [email protected]
Kommentaar
Republikein
Geen kommentaar is op hierdie artikel gelaat nie