Die dominee met die omgeehart
Boet Matthews - Huldeblyke het ingestroom ná die dood van die alombekende dominee Johannes Mattheus (JM) Benz wat op Rehoboth bekend gestaan het as die dominee met die “omgeehart en nederige uitkyk op die lewe”.
Ds. Benz was een van Rehoboth se grootste steunpilare veral by die Rynse Kerk van Namibië waar hy die afgelope jare met onwrikbare geloof, liefde en wysheid gedien het.
Hy was bekend en geliefd as ’n pilaar van krag en ’n ware herder vir sy kudde, altyd bereidwillig om met ’n oop hart en ’n luisterende oor by te staan.
“Sy passie vir die woord van God en sy toewyding om dit aan almal te bring was aansteeklik en ’n aansporing. Onder sy leiding het die Rynse Kerk aansienlik gegroei in geloof en in liefde vir mekaar.
“Sy nalatenskap sal lewend bly in talle lewens wat hy geraak het en in die geestelike vrugte wat sy bediening voortgebring het. Ons dra ons opregte medelye oor aan sy familie, vriende en almal wat geraak word. Mag ons getroos word deur die wete dat hy nou in die teenwoordigheid van ons Hemelse Vader is,” lui ’n verklaring.
Een van die manne wat ’n pad saam met ds. Benz geloop het, pastoor Dean du Toit van die Martin Lutherse Kerk op Rehoboth, het by navraag aan Republikein gesê, “dié sterfgeval is ’n groot terugslag vir die gemeenskap van Namibië! Ons gaan sy gehunker mis van dinge op die regte manier te doen ongeag die uitkoms.
“Hy was boonop ’n man met groot integriteit. So het ek hom leer ken toe ons as studente by die Paulinium op Otjimbingwe studeer het. Soos hy geken was as nederig, saggeaard en ’n geloofsvader vir baie van ons.
“Jy kon by sy voete sit en wys word uit Godswoord. Ds. Benz ken reguit paaie en jy kon saam met hom en sy sterk karakter op geestelike slagvelde loop. Ons gaan hom mis, en glo my dat sy heengaan plaas die hele gemeenskap op Rehoboth in rou. Dit is ’n onbeskryflike seer wat ons moet laat saamstaan en verenig. Ek glo baie van die gemeenskap is platgeslaan en verpletter deur die heengaan van ons broer, vriend, pa, oom, oupa en nederige dominee.”
Ds. Benz het in 1981 sy studies op Otjimbingwe voltooi en in 1982 was sy ordening in die Rynse kerk. Hy het nege gemeentes vanaf 1982 tot 1996 bedien waarna hy as voltydse moderator tot 2004 gedien het. In 2005 word hy die eerste programkoördineerder vir die Rynse Vigs-program tot en met sy aftrede.
Hy word oorleef deur agt kinders, een broer, ses susters, skoonkinders, kleinkinders en agterkleinkinders.
Ds. Benz se begrafnis vind môre om 10:00 by die Rynse Moedergemeente Kerk op Rehoboth plaas.
– [email protected]
Ds. Benz was een van Rehoboth se grootste steunpilare veral by die Rynse Kerk van Namibië waar hy die afgelope jare met onwrikbare geloof, liefde en wysheid gedien het.
Hy was bekend en geliefd as ’n pilaar van krag en ’n ware herder vir sy kudde, altyd bereidwillig om met ’n oop hart en ’n luisterende oor by te staan.
“Sy passie vir die woord van God en sy toewyding om dit aan almal te bring was aansteeklik en ’n aansporing. Onder sy leiding het die Rynse Kerk aansienlik gegroei in geloof en in liefde vir mekaar.
“Sy nalatenskap sal lewend bly in talle lewens wat hy geraak het en in die geestelike vrugte wat sy bediening voortgebring het. Ons dra ons opregte medelye oor aan sy familie, vriende en almal wat geraak word. Mag ons getroos word deur die wete dat hy nou in die teenwoordigheid van ons Hemelse Vader is,” lui ’n verklaring.
Een van die manne wat ’n pad saam met ds. Benz geloop het, pastoor Dean du Toit van die Martin Lutherse Kerk op Rehoboth, het by navraag aan Republikein gesê, “dié sterfgeval is ’n groot terugslag vir die gemeenskap van Namibië! Ons gaan sy gehunker mis van dinge op die regte manier te doen ongeag die uitkoms.
“Hy was boonop ’n man met groot integriteit. So het ek hom leer ken toe ons as studente by die Paulinium op Otjimbingwe studeer het. Soos hy geken was as nederig, saggeaard en ’n geloofsvader vir baie van ons.
“Jy kon by sy voete sit en wys word uit Godswoord. Ds. Benz ken reguit paaie en jy kon saam met hom en sy sterk karakter op geestelike slagvelde loop. Ons gaan hom mis, en glo my dat sy heengaan plaas die hele gemeenskap op Rehoboth in rou. Dit is ’n onbeskryflike seer wat ons moet laat saamstaan en verenig. Ek glo baie van die gemeenskap is platgeslaan en verpletter deur die heengaan van ons broer, vriend, pa, oom, oupa en nederige dominee.”
Ds. Benz het in 1981 sy studies op Otjimbingwe voltooi en in 1982 was sy ordening in die Rynse kerk. Hy het nege gemeentes vanaf 1982 tot 1996 bedien waarna hy as voltydse moderator tot 2004 gedien het. In 2005 word hy die eerste programkoördineerder vir die Rynse Vigs-program tot en met sy aftrede.
Hy word oorleef deur agt kinders, een broer, ses susters, skoonkinders, kleinkinders en agterkleinkinders.
Ds. Benz se begrafnis vind môre om 10:00 by die Rynse Moedergemeente Kerk op Rehoboth plaas.
– [email protected]
Kommentaar
Republikein
Geen kommentaar is op hierdie artikel gelaat nie