Elago stap vir ’n goeie doel
Elago Nantana het Saterdag manalleen ’n elf dae lange staptoer vanaf Okahandja na Walvisbaai afgeskop.
Dis nie bloot ’n fisieke uitdaging nie, Elago beoog om bewustheid oor kwessies soos selfdood, depressie, angs, verslawing en geestelike welstand te skep.
Dié staptoer staan as die “Mental Peace Walk, walking for peace in Namibia” bekend en het ten doel om gemeenskappe te verenig, vrede te bevorder en hoop te skep, veral in ’n verkiesingsjaar “wat deur verhoogde maatskaplike spanning gekenmerk word”.
Elago het in sy beroep om ondersteuning die samewerking van plaaslike owerhede, munisipaliteite en gemeenskapslede langs die roete versoek om te verseker dat hy veilig deur hul gebiede beweeg.
Die teenwoordigheid van een stapper met kamptoerusting kan kommer wek, dus is vooraf kennisgewings en gekoördineerde pogings van relevante belanghebbendes noodsaaklik, het hy gesê.
Die doel is om ’n veilige omgewing te bevorder, nie net vir hom nie, maar ook vir die gemeenskapslede wat by hom wil aansluit.
GEESTELIKE WELSTAND
Tydens sy staptoer sal Elago sy ervarings deur middel van video-opnames dokumenteer, wat op verskeie sosialemediaplatforms gedeel sal word.
Hierdie opnames het ten doel om die positiewe impak van fisieke aktiwiteit op geestelike welstand uit te lig, die natuurlike skoonheid van Namibië ten toon te stel en die roete se onderliggende boodskap van vrede en eenheid te beklemtoon.
Daarbenewens sal Elago “The Delivery Room Mental Health Booklet” bevorder – ’n waardevolle hulpbron wat ondersteuning, inspirasie en praktiese raad bied aan individue wat geestesgesondheidsuitdagings ervaar.
Die boekie beklemtoon die waarde daarvan om hulp te soek, selfversorging te beoefen en krag te vind in ’n mens se geloof en persoonlike reis.
Volgens Elago dien hierdie staptoer as ’n kragtige herinnering aan die behoefte aan harmonie, eenheid en ’n beter toekoms soos Namibië die verkiesing nader. Ongeag die politieke uitkomste, moedig Elago die nasie aan om hul waardes van vrede, gemeenskap en geloof te handhaaf.
“Die liefde van Jesus Christus verseker almal dat hulle wenners is,” het hy gesê.
– [email protected]
Dis nie bloot ’n fisieke uitdaging nie, Elago beoog om bewustheid oor kwessies soos selfdood, depressie, angs, verslawing en geestelike welstand te skep.
Dié staptoer staan as die “Mental Peace Walk, walking for peace in Namibia” bekend en het ten doel om gemeenskappe te verenig, vrede te bevorder en hoop te skep, veral in ’n verkiesingsjaar “wat deur verhoogde maatskaplike spanning gekenmerk word”.
Elago het in sy beroep om ondersteuning die samewerking van plaaslike owerhede, munisipaliteite en gemeenskapslede langs die roete versoek om te verseker dat hy veilig deur hul gebiede beweeg.
Die teenwoordigheid van een stapper met kamptoerusting kan kommer wek, dus is vooraf kennisgewings en gekoördineerde pogings van relevante belanghebbendes noodsaaklik, het hy gesê.
Die doel is om ’n veilige omgewing te bevorder, nie net vir hom nie, maar ook vir die gemeenskapslede wat by hom wil aansluit.
GEESTELIKE WELSTAND
Tydens sy staptoer sal Elago sy ervarings deur middel van video-opnames dokumenteer, wat op verskeie sosialemediaplatforms gedeel sal word.
Hierdie opnames het ten doel om die positiewe impak van fisieke aktiwiteit op geestelike welstand uit te lig, die natuurlike skoonheid van Namibië ten toon te stel en die roete se onderliggende boodskap van vrede en eenheid te beklemtoon.
Daarbenewens sal Elago “The Delivery Room Mental Health Booklet” bevorder – ’n waardevolle hulpbron wat ondersteuning, inspirasie en praktiese raad bied aan individue wat geestesgesondheidsuitdagings ervaar.
Die boekie beklemtoon die waarde daarvan om hulp te soek, selfversorging te beoefen en krag te vind in ’n mens se geloof en persoonlike reis.
Volgens Elago dien hierdie staptoer as ’n kragtige herinnering aan die behoefte aan harmonie, eenheid en ’n beter toekoms soos Namibië die verkiesing nader. Ongeag die politieke uitkomste, moedig Elago die nasie aan om hul waardes van vrede, gemeenskap en geloof te handhaaf.
“Die liefde van Jesus Christus verseker almal dat hulle wenners is,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie