Familie se ergste vrees bevestig
Sheehama se lyk gevind
Die liggaam van 'n 24-jarige man wat as vermis aangemeld is, het gister by Walvisbaai uitgespoel.
Die liggaam van ’n 24-jarige student aan die Universiteit van Namibië (Unam), wat verlede week as vermis aangemeld is, het gister op ’n strand by Walvisbaai uitgespoel.
Sheehama Matheus se liggaam is omstreeks 13:25 deur ’n verbyganger naby die vlootbasis by Independence Beach gevind.
Familielede het die liggaam geïdentifiseer as dié van die vermiste student, wat 'n tragiese einde gebring het aan die soektog na die jong man wat op 27 Julie verdwyn het.
Matheus is laas by sy meisie se huis in Walvisbaai gesien, waar hy na bewering deur verskeie jong mans aangerand is.
Vyf verdagtes is sedertdien in hegtenis geneem en het verlede week in die landdroshof op Walvisbaai verskyn op aanklag van aanranding met die doel om ernstig te beseer. Die verdagtes is Jimmy Gaeb (24), Marvin Wapota (20), Romano Paulus (20), Enrico Gomachab (20) en Michael Awaseb (24). Hulle saak is tot 22 Augustus uitgestel en hulle bly sonder borgtog in aanhouding. Sommige van Matheus se vriende en familie het saam met gemeenskapslede Vrydag voor die landdroshof ’n vreedsame betoging gehou en verklaar dat hulle moeg is om onveilig te voel in die strate van Steenbras, Topaz en Opaal waar die beweerde aanranding plaasgevind het.
Die polisie het ’n nuwe ondersoek na die omstandighede rondom Sheehama se dood oopgemaak. Die nadoodse ondersoek moet nog uitgevoer word.
– [email protected]
Sheehama Matheus se liggaam is omstreeks 13:25 deur ’n verbyganger naby die vlootbasis by Independence Beach gevind.
Familielede het die liggaam geïdentifiseer as dié van die vermiste student, wat 'n tragiese einde gebring het aan die soektog na die jong man wat op 27 Julie verdwyn het.
Matheus is laas by sy meisie se huis in Walvisbaai gesien, waar hy na bewering deur verskeie jong mans aangerand is.
Vyf verdagtes is sedertdien in hegtenis geneem en het verlede week in die landdroshof op Walvisbaai verskyn op aanklag van aanranding met die doel om ernstig te beseer. Die verdagtes is Jimmy Gaeb (24), Marvin Wapota (20), Romano Paulus (20), Enrico Gomachab (20) en Michael Awaseb (24). Hulle saak is tot 22 Augustus uitgestel en hulle bly sonder borgtog in aanhouding. Sommige van Matheus se vriende en familie het saam met gemeenskapslede Vrydag voor die landdroshof ’n vreedsame betoging gehou en verklaar dat hulle moeg is om onveilig te voel in die strate van Steenbras, Topaz en Opaal waar die beweerde aanranding plaasgevind het.
Die polisie het ’n nuwe ondersoek na die omstandighede rondom Sheehama se dood oopgemaak. Die nadoodse ondersoek moet nog uitgevoer word.
– [email protected]
Kommentaar
Republikein
Geen kommentaar is op hierdie artikel gelaat nie