Robbie en sy nuwe stootwaentjie
Piet Hansen (25) en sy hond, Robbie, is bekende gesigte in Swakopmund.
Toe Robbie ses maande oud was, het ’n voertuig hom gestamp en een van sy voorbene moes geamputeer word.
Piet woon in die informele nedersetting DRC en hulle loop elke dag Swakopmund toe op soek na geld, kos en los werkies.
Wanneer dit warm word en Robbie begin swaar trek, het Piet die hond op sy rug getel en hulle het verder gestap.
Foto’s hiervan is in 2022 in die sosiale media gedeel en mense het ’n stootwaentjie aan Piet geskenk.
“Ek het vir Robbie geleer om in die waentjie te sit. Hy is ’n baie slim hond. Ek sê net een keer iets vir hom en hy luister. Ek het nou onlangs ’n nuwe stootwaentjie vir Robbie gekry omdat die vorige een oud was en besig was om stukkend te gaan.”
Piet is oorspronklik van Maltahöhe in die Suide. Hy en sy stiefpa het in 2009 Swakopmund toe getrek.
“Daar het ek en hy skrynwerk gedoen, maar nou het ek nie werk nie. Ek het ook nie skool klaargemaak nie. In Swakopmund het Steve vir my geleer hoe om teëls te lê en ek het baie van dié tipe werk gehou. Dit is baie moeilik om werk te kry, so ons loop maar dorp toe en die mense gee vir ons kos en water.”
Diewe het op 22 Desember verlede jaar by Piet se kamer ingebreek en Robbie met ’n klip oor die kop geslaan toe hy homself en sy eienaar wou beskerm.
’n Barmhartige Samaritaan het vir die operasie betaal en Robbie het vinnig herstel.
“Ek is baie lief vir Robbie, want hy verstaan my. Hy is my maatjie en hy is altyd daar vir my en luister vir my.”
– [email protected]
Toe Robbie ses maande oud was, het ’n voertuig hom gestamp en een van sy voorbene moes geamputeer word.
Piet woon in die informele nedersetting DRC en hulle loop elke dag Swakopmund toe op soek na geld, kos en los werkies.
Wanneer dit warm word en Robbie begin swaar trek, het Piet die hond op sy rug getel en hulle het verder gestap.
Foto’s hiervan is in 2022 in die sosiale media gedeel en mense het ’n stootwaentjie aan Piet geskenk.
“Ek het vir Robbie geleer om in die waentjie te sit. Hy is ’n baie slim hond. Ek sê net een keer iets vir hom en hy luister. Ek het nou onlangs ’n nuwe stootwaentjie vir Robbie gekry omdat die vorige een oud was en besig was om stukkend te gaan.”
Piet is oorspronklik van Maltahöhe in die Suide. Hy en sy stiefpa het in 2009 Swakopmund toe getrek.
“Daar het ek en hy skrynwerk gedoen, maar nou het ek nie werk nie. Ek het ook nie skool klaargemaak nie. In Swakopmund het Steve vir my geleer hoe om teëls te lê en ek het baie van dié tipe werk gehou. Dit is baie moeilik om werk te kry, so ons loop maar dorp toe en die mense gee vir ons kos en water.”
Diewe het op 22 Desember verlede jaar by Piet se kamer ingebreek en Robbie met ’n klip oor die kop geslaan toe hy homself en sy eienaar wou beskerm.
’n Barmhartige Samaritaan het vir die operasie betaal en Robbie het vinnig herstel.
“Ek is baie lief vir Robbie, want hy verstaan my. Hy is my maatjie en hy is altyd daar vir my en luister vir my.”
– [email protected]
Kommentaar
Republikein
Geen kommentaar is op hierdie artikel gelaat nie