Hupstoot van sowat N$383 m. vir waterinfrastruktuur
Namibië en Duitsland het drie ooreenkomste van sowat N$383 miljoen (altesaam 20 miljoen euro) onderteken wat geoormerk is vir die ontwikkeling van kritieke waterinfrastruktuur en die opgradering van informele nedersettings.
Die ooreenkomste, wat deur die KfW Ontwikkelingsbank gefasiliteer is, is soos volg gestruktureer:
• Sowat N$192 miljoen (10 miljoen euro) vir die Ohangwena-akwiferprojek;
• Sowat N$134 miljoen (7 miljoen euro) vir stedelike ontwikkeling, met die fokus op infrastruktuurverbeterings in informele nedersettings; en;
• Sowat N$57 miljoen (3 miljoen euro) vir tegniese bystand aan NamWater, insluitend maatreëls vir kapasiteitsbou.
Hierdie inisiatiewe is noodsaaklik vir Namibië se langtermyn-ontwikkelingsdoelwitte, veral in die verbetering van watervoorsiening en lewensomstandighede vir lae-inkomstegroepe.
Obeth Kandjoze, die direkteur-generaal van die Nasionale Beplanningskommissie, het die blywende vennootskap tussen Namibië en Duitsland geloof. “Sedert 2013 het ons regerings gesamentlik meer as 241 miljoen euro aan ontwikkelingsprojekte toegewy, wat ’n gedeelde visie vir volhoubare groei is.”
Abraham Nehemia het as uitvoerende hoof NamWater se rol beklemtoon: “Hierdie toekenning bevestig ons mandaat om volhoubare, billike en betroubare watervoorsiening te verseker. Ons is dankbaar teenoor die Nasionale Beplanningskommissie vir die fasilitering van hierdie ooreenkomste en aan KfW vir hul voortdurende belegging in Namibië se waterinfrastruktuur.”
WATERUITDAGINGS
Namibië, die droogste land in Afrika suid van die Sahara, staar beduidende uitdagings van watervoorsiening in die gesig weens sy droë klimaat en gereelde droogtes, wat doeltreffende waterbestuur van kritieke belang maak.
Die Ohangwena-akwiferprojek, wat deur die toekenning van sowat N$192 miljoen gefinansier word, sal watervoorsiening vir meer as 40 000 mense in die streke van Ohangwena en Oshikoto verbeter.
Die projek sal veelvuldige gedesentraliseerde stelsels vir wateronttrekking, behandeling en verspreiding installeer, wat die afhanklikheid van tradisionele putte en reëngevoede stelsels verminder, wat dikwels onbetroubaar is en openbare gesondheidsrisiko’s inhou.
Hierdie inisiatief vorm deel van ’n groter poging onder die Watersektor-ondersteuningsprogram (WSSP 2), wat ’n konsessielening van sowat N$1,4 miljard (75 miljoen euro) vir prioriteitswaterprojekte in die Noorde insluit.
NamWater sal dien as die implementeringsagentskap vir hierdie projekte, met tegniese bystand wat deur ’n bykomende toekenning van sowat N$57 miljoen (3 miljoen euro) verskaf word.
Die toekenning sal NamWater se bedryfsdoeltreffendheid verbeter deur energiedoeltreffende tegnologieë, soos sonkragstelsels, te integreer en gespesialiseerde personeelopleiding vir verbeterde uitvoering van projekte te verskaf.
“Hierdie projekte is meer as net infrastruktuurbeleggings; dit is beleggings in mense se toekoms. Ons is vol vertroue dat die projekte daartoe sal bydra dat Namibië sy nasionale ontwikkelingsdoelwitte bereik,” het Ulrike Metzger, die hoof van samewerking by die Duitse ambassade, gesê.
NamWater sê dit bly onwrikbaar in sy missie om volhoubare wateroplossings vir alle Namibiërs te lewer.
“Deur vennootskappe soos hierdie bou Namibië ’n veerkragtige toekoms, wat watersekerheid vir kwesbare gemeenskappe verseker terwyl dit sosioëkonomiese ontwikkeling bevorder.”
DAMVLAKKE
Kommer oor die uiters lae damvlakke duur voort. Volgens NamWater se jongste dambulletin is die Von Bachdam slegs 10,5% vol met water wat uit die Swakoppoortdam gepomp word wat 18% vol is. Gobabis se damme is gesamentlik slegs 1,2% vol met die Tilda Viljoendam se vlak op ’n skrale 2% en Daan Viljoen s’n op 5,5%.
In die Suide staan die Hardapdam se vlak op 5,9% met die besproeiingskrane vir die Hardapskemaboere wat steeds toegedraai is.
Die Nautedam is 33,1% vol, Oanoabdam 32,5% en die Neckartaldam is 77,9% vol ná ’n verlies van 2,184 miljoen kubieke meter water.
– [email protected]
Die ooreenkomste, wat deur die KfW Ontwikkelingsbank gefasiliteer is, is soos volg gestruktureer:
• Sowat N$192 miljoen (10 miljoen euro) vir die Ohangwena-akwiferprojek;
• Sowat N$134 miljoen (7 miljoen euro) vir stedelike ontwikkeling, met die fokus op infrastruktuurverbeterings in informele nedersettings; en;
• Sowat N$57 miljoen (3 miljoen euro) vir tegniese bystand aan NamWater, insluitend maatreëls vir kapasiteitsbou.
Hierdie inisiatiewe is noodsaaklik vir Namibië se langtermyn-ontwikkelingsdoelwitte, veral in die verbetering van watervoorsiening en lewensomstandighede vir lae-inkomstegroepe.
Obeth Kandjoze, die direkteur-generaal van die Nasionale Beplanningskommissie, het die blywende vennootskap tussen Namibië en Duitsland geloof. “Sedert 2013 het ons regerings gesamentlik meer as 241 miljoen euro aan ontwikkelingsprojekte toegewy, wat ’n gedeelde visie vir volhoubare groei is.”
Abraham Nehemia het as uitvoerende hoof NamWater se rol beklemtoon: “Hierdie toekenning bevestig ons mandaat om volhoubare, billike en betroubare watervoorsiening te verseker. Ons is dankbaar teenoor die Nasionale Beplanningskommissie vir die fasilitering van hierdie ooreenkomste en aan KfW vir hul voortdurende belegging in Namibië se waterinfrastruktuur.”
WATERUITDAGINGS
Namibië, die droogste land in Afrika suid van die Sahara, staar beduidende uitdagings van watervoorsiening in die gesig weens sy droë klimaat en gereelde droogtes, wat doeltreffende waterbestuur van kritieke belang maak.
Die Ohangwena-akwiferprojek, wat deur die toekenning van sowat N$192 miljoen gefinansier word, sal watervoorsiening vir meer as 40 000 mense in die streke van Ohangwena en Oshikoto verbeter.
Die projek sal veelvuldige gedesentraliseerde stelsels vir wateronttrekking, behandeling en verspreiding installeer, wat die afhanklikheid van tradisionele putte en reëngevoede stelsels verminder, wat dikwels onbetroubaar is en openbare gesondheidsrisiko’s inhou.
Hierdie inisiatief vorm deel van ’n groter poging onder die Watersektor-ondersteuningsprogram (WSSP 2), wat ’n konsessielening van sowat N$1,4 miljard (75 miljoen euro) vir prioriteitswaterprojekte in die Noorde insluit.
NamWater sal dien as die implementeringsagentskap vir hierdie projekte, met tegniese bystand wat deur ’n bykomende toekenning van sowat N$57 miljoen (3 miljoen euro) verskaf word.
Die toekenning sal NamWater se bedryfsdoeltreffendheid verbeter deur energiedoeltreffende tegnologieë, soos sonkragstelsels, te integreer en gespesialiseerde personeelopleiding vir verbeterde uitvoering van projekte te verskaf.
“Hierdie projekte is meer as net infrastruktuurbeleggings; dit is beleggings in mense se toekoms. Ons is vol vertroue dat die projekte daartoe sal bydra dat Namibië sy nasionale ontwikkelingsdoelwitte bereik,” het Ulrike Metzger, die hoof van samewerking by die Duitse ambassade, gesê.
NamWater sê dit bly onwrikbaar in sy missie om volhoubare wateroplossings vir alle Namibiërs te lewer.
“Deur vennootskappe soos hierdie bou Namibië ’n veerkragtige toekoms, wat watersekerheid vir kwesbare gemeenskappe verseker terwyl dit sosioëkonomiese ontwikkeling bevorder.”
DAMVLAKKE
Kommer oor die uiters lae damvlakke duur voort. Volgens NamWater se jongste dambulletin is die Von Bachdam slegs 10,5% vol met water wat uit die Swakoppoortdam gepomp word wat 18% vol is. Gobabis se damme is gesamentlik slegs 1,2% vol met die Tilda Viljoendam se vlak op ’n skrale 2% en Daan Viljoen s’n op 5,5%.
In die Suide staan die Hardapdam se vlak op 5,9% met die besproeiingskrane vir die Hardapskemaboere wat steeds toegedraai is.
Die Nautedam is 33,1% vol, Oanoabdam 32,5% en die Neckartaldam is 77,9% vol ná ’n verlies van 2,184 miljoen kubieke meter water.
– [email protected]
Kommentaar
Republikein
Geen kommentaar is op hierdie artikel gelaat nie