Ministerie ontken bewerings oor groenskemas
Die ministerie van landbou, water en grondhervorming het bewerings ontken dat van die groenskemas in die Kavango-Oosstreek in weiding omskep is.
Die ministerie het gereageer op onlangse mediaberigte wat beweer het dat groenskemas, soos onder meer Shitemo en Ndonga Linena nie voedsel produseer nie, maar eerder in weiding vir beeste omskep is.
Jona Musheko, die woordvoerder van die ministerie, het in ’n skriftelike reaksie aangedui dat die ministerie oor kwessies rondom die Ndonga Linena-groenskema kommentaar kan lewer, terwyl die Shitemo-groenskema deur die agentskap vir nywerheidsontwikkeling in Namibië (Nida) bestuur word.
“Ons wil dit duidelik maak dat die Shitemo-groenskema nie noodwendig onder die landbouministerie val nie, maar Nida bestuur dit en die ministerie word ingelig dat dit deur private entiteite bedryf word,” het Musheko verduidelik.
“Dit is misleidend om van die Ndonga Linena-groenskema te insinueer dat daar geen produksiebedrywighede plaasvind nie, vandaar ons pleidooi vir ’n regstelling.
“Tans by die kommersiële deel het ons reeds 66 hektaar onder mielies geplant en hulle voltooi die aanplanting van nog 132 hektaar binne die volgende paar dae.
“Laastens werk ons daaraan om produksie na fase 2 van die plaas uit te brei deur meer as 80 hektaar grond by te voeg.”
Intussen het Musheko ook meer inligting verskaf oor die regering se plan om 11 groenskemas aan plaaslike en internasionale beleggers uit te verhuur.
Nuus oor die verhurings het in Maart 2022 gebreek toe Calle Schlettwein, die minister van landbou, water en grondhervorming, destyds aan beleggers in Dubai gesê het dat die Namibiese regering ’n versoek sal uitreik vir voorstelle om die skemas uit te verhuur.
Musheko het gesê twee van die 11 groenskemas is reeds toegeken, terwyl die ander nog in die proses is.
– [email protected]
Die ministerie het gereageer op onlangse mediaberigte wat beweer het dat groenskemas, soos onder meer Shitemo en Ndonga Linena nie voedsel produseer nie, maar eerder in weiding vir beeste omskep is.
Jona Musheko, die woordvoerder van die ministerie, het in ’n skriftelike reaksie aangedui dat die ministerie oor kwessies rondom die Ndonga Linena-groenskema kommentaar kan lewer, terwyl die Shitemo-groenskema deur die agentskap vir nywerheidsontwikkeling in Namibië (Nida) bestuur word.
“Ons wil dit duidelik maak dat die Shitemo-groenskema nie noodwendig onder die landbouministerie val nie, maar Nida bestuur dit en die ministerie word ingelig dat dit deur private entiteite bedryf word,” het Musheko verduidelik.
“Dit is misleidend om van die Ndonga Linena-groenskema te insinueer dat daar geen produksiebedrywighede plaasvind nie, vandaar ons pleidooi vir ’n regstelling.
“Tans by die kommersiële deel het ons reeds 66 hektaar onder mielies geplant en hulle voltooi die aanplanting van nog 132 hektaar binne die volgende paar dae.
“Laastens werk ons daaraan om produksie na fase 2 van die plaas uit te brei deur meer as 80 hektaar grond by te voeg.”
Intussen het Musheko ook meer inligting verskaf oor die regering se plan om 11 groenskemas aan plaaslike en internasionale beleggers uit te verhuur.
Nuus oor die verhurings het in Maart 2022 gebreek toe Calle Schlettwein, die minister van landbou, water en grondhervorming, destyds aan beleggers in Dubai gesê het dat die Namibiese regering ’n versoek sal uitreik vir voorstelle om die skemas uit te verhuur.
Musheko het gesê twee van die 11 groenskemas is reeds toegeken, terwyl die ander nog in die proses is.
– [email protected]
Kommentaar
Republikein
Geen kommentaar is op hierdie artikel gelaat nie