Ministerie verduidelik nuwe visumbeleid
Staar tegniese uitdagings in die gesig
Agt grensposte wat aan 'n ander land grens, kan nie visums verwerk nie en sluit die grensposte by Veloorsdrif, Klein Manasse, Mata Mata, Dobe, Kasika, Singalamwe, Sarusungu en Nkurenkuru in.
Nadat die ministerie van binnelandse sake, immigrasie, veiligheid en sekuriteit Maandag ’n lys van grensposte bekend gemaak het wat nie e-visumgeriewe bied nie, heers daar verwarring in die toerismebedryf.
Die ministerie se woordvoerder, Margaret Kalo, het by navraag in dié verband gesê daar is geen dienste vir visums by sekere punte beskikbaar nie weens die feit dat dit in die binneland geleë is.
“As jy byvoorbeeld op Keetmanshoop se lughawe is, is jy reeds in Namibië – jy sal deur ’n ander grenspos moes gaan om tot daar te kom,” verduidelik sy.
Oor grensposte wat wel aan ander lande grens, maar steeds nie e-visums kan verwerk nie, sê Kalo die ministerie staar tegniese uitdagings in die gesig.
“Op die e-visum is daar ’n QR-kode wat geskandeer moet word, en daar is sommige grensposte waar daar nie sein is nie en daarom is dit nie moontlik om e-visums daar te verwerk nie.
“Ons raai reisigers dus af om daardie grensposte te gebruik indien hulle met ’n visum die land moet binnekom,” het sy gesê.
Alle grensposte en doeanepunte wat in die Staatskoerant gepubliseer is, is met die ministerie se lys vergelyk. Dit dui daarop dat 16 van die 36 grensposte en doeanepunte in staat is om óf visums met aankoms uit te reik óf e-visums te verwerk.
Altesaam 11 grensposte kan beide dienste aanbied. Van die 36 doeanepunte is agt by plaaslike lughawens.
Agt grensposte wat aan ’n ander land grens, kan nie visums verwerk nie en sluit die grensposte by Veloorsdrif, Klein Manasse, Mata Mata, Dobe, Kasika, Singalamwe, Sarusungu en Nkurenkuru in.
ALTERNATIEWE GRENSPOSTE
Besoekers aan Namibië wat nie deur Veloorsdrif kan reis nie, kan Noordoewer of Ariamsvlei as alternatiewe grensposte gebruik.
Ariamsvlei se grenspos is ongeveer 330 km (3 uur en 30 minute se ry) vanaf Veloorsdrif terwyl die Noordoewer-grenspos ongeveer 340 km (3 uur 21 minute se ry) vanaf Veloorsdrif is.
As alternatief vir die Dobe-grenspos kan Mohembo, wat ongeveer 320 km ver is, gebruik word. Die Ngoma-grenspos kan ook as alternatief vir die Kasika-grenspos dien, aangesien daar ongeveer ’n uur se ry tussen die twee liggings is.
Indien besoekers wat visums benodig Namibië deur die Sarusungu- of Nkurenkuru-grensposte wil binnekom, sal hulle die Katwitwi-grenspos as ’n alternatief moet gebruik. Die Katima Mulilo-grenspos kan as alternatief vir die Singalamwe-grenspos gebruik word.
Die gebrek aan kapasiteit by die Mata Mata-grenspos om visums uit te reik en te verwerk, het wenkbroue laat lig weens die gewildheid van dié grenspos vir besoekers wat Namibië deur die Kgalagadi-oorgrenspark wil binnekom.
REAKSIE
Die adjunkvoorsitter van die Namibiese Toerismevereniging (Fenata), Delphin Ilunga, sê egter dit behoort nie ’n groot ontwrigting te wees nie.
“Hulle kan die visums by ’n ander grenspos soos Noordoewer of Ariamsvlei kry en dan deur Mata-Mata inkom,” verduidelik hy. – [email protected]
Die ministerie se woordvoerder, Margaret Kalo, het by navraag in dié verband gesê daar is geen dienste vir visums by sekere punte beskikbaar nie weens die feit dat dit in die binneland geleë is.
“As jy byvoorbeeld op Keetmanshoop se lughawe is, is jy reeds in Namibië – jy sal deur ’n ander grenspos moes gaan om tot daar te kom,” verduidelik sy.
Oor grensposte wat wel aan ander lande grens, maar steeds nie e-visums kan verwerk nie, sê Kalo die ministerie staar tegniese uitdagings in die gesig.
“Op die e-visum is daar ’n QR-kode wat geskandeer moet word, en daar is sommige grensposte waar daar nie sein is nie en daarom is dit nie moontlik om e-visums daar te verwerk nie.
“Ons raai reisigers dus af om daardie grensposte te gebruik indien hulle met ’n visum die land moet binnekom,” het sy gesê.
Alle grensposte en doeanepunte wat in die Staatskoerant gepubliseer is, is met die ministerie se lys vergelyk. Dit dui daarop dat 16 van die 36 grensposte en doeanepunte in staat is om óf visums met aankoms uit te reik óf e-visums te verwerk.
Altesaam 11 grensposte kan beide dienste aanbied. Van die 36 doeanepunte is agt by plaaslike lughawens.
Agt grensposte wat aan ’n ander land grens, kan nie visums verwerk nie en sluit die grensposte by Veloorsdrif, Klein Manasse, Mata Mata, Dobe, Kasika, Singalamwe, Sarusungu en Nkurenkuru in.
ALTERNATIEWE GRENSPOSTE
Besoekers aan Namibië wat nie deur Veloorsdrif kan reis nie, kan Noordoewer of Ariamsvlei as alternatiewe grensposte gebruik.
Ariamsvlei se grenspos is ongeveer 330 km (3 uur en 30 minute se ry) vanaf Veloorsdrif terwyl die Noordoewer-grenspos ongeveer 340 km (3 uur 21 minute se ry) vanaf Veloorsdrif is.
As alternatief vir die Dobe-grenspos kan Mohembo, wat ongeveer 320 km ver is, gebruik word. Die Ngoma-grenspos kan ook as alternatief vir die Kasika-grenspos dien, aangesien daar ongeveer ’n uur se ry tussen die twee liggings is.
Indien besoekers wat visums benodig Namibië deur die Sarusungu- of Nkurenkuru-grensposte wil binnekom, sal hulle die Katwitwi-grenspos as ’n alternatief moet gebruik. Die Katima Mulilo-grenspos kan as alternatief vir die Singalamwe-grenspos gebruik word.
Die gebrek aan kapasiteit by die Mata Mata-grenspos om visums uit te reik en te verwerk, het wenkbroue laat lig weens die gewildheid van dié grenspos vir besoekers wat Namibië deur die Kgalagadi-oorgrenspark wil binnekom.
REAKSIE
Die adjunkvoorsitter van die Namibiese Toerismevereniging (Fenata), Delphin Ilunga, sê egter dit behoort nie ’n groot ontwrigting te wees nie.
“Hulle kan die visums by ’n ander grenspos soos Noordoewer of Ariamsvlei kry en dan deur Mata-Mata inkom,” verduidelik hy. – [email protected]
Kommentaar
Republikein
Geen kommentaar is op hierdie artikel gelaat nie