Ministerie wil afhandeling van boedels bespoedig
Wil ‘verouderde wet’ herroep, wysig
Die ministerie van justisie beoog om die wet op die administrasie van boedels te herroep en te vervang met 'n meer omvattende wet wat die proses meer vaartbelyn sal maak.
Die buitensporige vertragings met die afhandeling van boedels deur die direktoraat vir die meester van die hoërhof, is ’n kwessie wat talle Namibiërs raak.
Volgens die minister van justisie, Yvonne Dausab, het haar ministerie talle klagtes van die publiek hieroor ontvang, maar hulle is gretig om dit te verander deur die wet op die administrasie van boedels te herroep en te wysig.
“Ons wil nie hê mense moet in die moeilike tyd van verlies stres oor die proses by die kantoor van die meester [van die hoërhof] nie.
“Daarom is ons bedoeling met hierdie wysigings en herroeping van die wet om sommige van die mense se bekommernisse aan te spreek,” het Dauasb verlede week tydens ’n onderhoud met die ministerie van inligting en kommunikasietegnologie gesê.
WYSIGINGS
Dausab sê daar is tans ’n tekort aan menslike hulpbronne binne dié direktoraat. Dit dra glo ook by tot die reuse-agterstand in die afhandeling van hangende sake.
“Daar is eenvoudig nie genoeg mense nie, maar ons werk hard daaraan om hierdie getal te verhoog. Ons probeer om die hele proses van aanmelding en terugvoering aan die kliënte te herontwerp.”
Sy verduidelik dat die ministerie van voorneme is om meer adjunkdirekteure aan te stel wat die werklas sal verlig.
Die voorgestelde wet sal glo ook voorsiening maak vir buigsaamheid in hierdie verband deur die ministerie te bemagtig om meer aanstellings te maak soos nodig.
Dausab sê verder dat die ministerie beoog om dienste na meer dele van die land uit te brei aangesien dit tans net in Oshakati en Windhoek beskikbaar is.
Die ministerie wil ook sy elektroniese stelsel verbeter.
Verder verduidelik Dausab dat hulle ook die dokumente vir die aanmelding van bestorwe boedels meer gebruikersvriendelik wil maak aangesien dit tans baie ingewikkeld is.
Sy het ook daarop gewys dat die wet van 1965 af kom en dus verouderd is. Sy meen ook dat dit baie ingewikkeld is en verskeie skuiwergate het.
Die wet bestaan ??ook uit kleiner wetgewing en die Rehoboth-gebied het byvoorbeeld sy eie proklamasie wat op die bereddering van boedels van toepassing is.
“Wat ons met hierdie herroeping wil bereik, is om al hierdie afsonderlike stukke wetgewing in een wet te kombineer.”
Dausab het ook bekend gemaak dat hulle ’n nuwe aspek wil inbring wat sy glo “revolusionêr” is. Dit hou verband met die selfhersiening (self review) van besluite.
Sy meen dié wysiging sal verhoed dat mense die hof moet nader om ’n besluit te hersien.
“Die wet laat jou nie toe om terug te gaan op ’n besluit wat jy reeds geneem het nie, maar ons wil ’n aspek in die wet insluit wat jou toelaat om weer na jou besluit te kyk in gevalle waar daar ’n oortuigende rede is,” het Dausab verduidelik.
MISBRUIK
Dausab het verder verduidelik dat die ministerie ook talle klagtes ontvang wat verband hou met die misbruik en wanbestuur van bates. Daarom wil hulle ook wetgewing inbring wat op boedelpraktisyns gerig is.
“Hierdie wet sal die meester meer mag gee om kwessies van boedelpraktisyns te takel. Ons soek nou gekwalifiseerde mense. Ons is opsoek na trustrekeninge. Ons soek sekuriteit,” het sy benadruk en bygevoeg dat praktisyns ook streng spertye sal moet nakom, anders sal daar sanksies wees.
“Selfs voordat die eksekuteur van die boedel aangewys is, sal mense begin om goed te verkoop. Daarom wil ons die integriteit van daardie proses beskerm.”
KONSULTASIES
Volgens Dausab sal hulle in die komende maande konsultasies met die publiek en teikengroepe voer.
“Ons het reeds al die werk gedoen. Ons het al die navorsing gedoen. Die taakspan het ongelooflike werk gedoen.
“Hulle het na verskillende lande gekyk, in Afrika en oraloor die wêreld, oor hoe ander mense hierdie proses meer doeltreffend gemaak het.”
– [email protected]
Volgens die minister van justisie, Yvonne Dausab, het haar ministerie talle klagtes van die publiek hieroor ontvang, maar hulle is gretig om dit te verander deur die wet op die administrasie van boedels te herroep en te wysig.
“Ons wil nie hê mense moet in die moeilike tyd van verlies stres oor die proses by die kantoor van die meester [van die hoërhof] nie.
“Daarom is ons bedoeling met hierdie wysigings en herroeping van die wet om sommige van die mense se bekommernisse aan te spreek,” het Dauasb verlede week tydens ’n onderhoud met die ministerie van inligting en kommunikasietegnologie gesê.
WYSIGINGS
Dausab sê daar is tans ’n tekort aan menslike hulpbronne binne dié direktoraat. Dit dra glo ook by tot die reuse-agterstand in die afhandeling van hangende sake.
“Daar is eenvoudig nie genoeg mense nie, maar ons werk hard daaraan om hierdie getal te verhoog. Ons probeer om die hele proses van aanmelding en terugvoering aan die kliënte te herontwerp.”
Sy verduidelik dat die ministerie van voorneme is om meer adjunkdirekteure aan te stel wat die werklas sal verlig.
Die voorgestelde wet sal glo ook voorsiening maak vir buigsaamheid in hierdie verband deur die ministerie te bemagtig om meer aanstellings te maak soos nodig.
Dausab sê verder dat die ministerie beoog om dienste na meer dele van die land uit te brei aangesien dit tans net in Oshakati en Windhoek beskikbaar is.
Die ministerie wil ook sy elektroniese stelsel verbeter.
Verder verduidelik Dausab dat hulle ook die dokumente vir die aanmelding van bestorwe boedels meer gebruikersvriendelik wil maak aangesien dit tans baie ingewikkeld is.
Sy het ook daarop gewys dat die wet van 1965 af kom en dus verouderd is. Sy meen ook dat dit baie ingewikkeld is en verskeie skuiwergate het.
Die wet bestaan ??ook uit kleiner wetgewing en die Rehoboth-gebied het byvoorbeeld sy eie proklamasie wat op die bereddering van boedels van toepassing is.
“Wat ons met hierdie herroeping wil bereik, is om al hierdie afsonderlike stukke wetgewing in een wet te kombineer.”
Dausab het ook bekend gemaak dat hulle ’n nuwe aspek wil inbring wat sy glo “revolusionêr” is. Dit hou verband met die selfhersiening (self review) van besluite.
Sy meen dié wysiging sal verhoed dat mense die hof moet nader om ’n besluit te hersien.
“Die wet laat jou nie toe om terug te gaan op ’n besluit wat jy reeds geneem het nie, maar ons wil ’n aspek in die wet insluit wat jou toelaat om weer na jou besluit te kyk in gevalle waar daar ’n oortuigende rede is,” het Dausab verduidelik.
MISBRUIK
Dausab het verder verduidelik dat die ministerie ook talle klagtes ontvang wat verband hou met die misbruik en wanbestuur van bates. Daarom wil hulle ook wetgewing inbring wat op boedelpraktisyns gerig is.
“Hierdie wet sal die meester meer mag gee om kwessies van boedelpraktisyns te takel. Ons soek nou gekwalifiseerde mense. Ons is opsoek na trustrekeninge. Ons soek sekuriteit,” het sy benadruk en bygevoeg dat praktisyns ook streng spertye sal moet nakom, anders sal daar sanksies wees.
“Selfs voordat die eksekuteur van die boedel aangewys is, sal mense begin om goed te verkoop. Daarom wil ons die integriteit van daardie proses beskerm.”
KONSULTASIES
Volgens Dausab sal hulle in die komende maande konsultasies met die publiek en teikengroepe voer.
“Ons het reeds al die werk gedoen. Ons het al die navorsing gedoen. Die taakspan het ongelooflike werk gedoen.
“Hulle het na verskillende lande gekyk, in Afrika en oraloor die wêreld, oor hoe ander mense hierdie proses meer doeltreffend gemaak het.”
– [email protected]
Kommentaar
Republikein
Geen kommentaar is op hierdie artikel gelaat nie