N$2 mjd. om veterane tevrede te stel
Doen uitbetalings voor verkiesings, sê Swapo
Met geldsake wat reeds knyp, is daar toenemende druk op die regering om fondse te verkry om aan oorlogsveterane se finansiële eise te voldoen.
Ogone Tlhage – Die regering sal ’n bykomende N$1,89 miljard aan projekfinansiering moet opdok – benewens die N$1,87 miljard wat hy reeds aan veterane van die bevrydingstryd uitbetaal het.
Die minister van verdediging en veteranesake, Frans Kapofi, het sy begroting gemotiveer wat verlede week in die Nasionale Vergadering ter tafel gelê is, en gesê sy ministerie sit met ’n groot agterstand te midde van verwagtinge dat meer veterane sal aansoek doen om betalings van N$170 000 elk te ontvang.
“Hoewel die ministerie tot dusver 11 035 individuele veteraanprojekte uitbetaal het, is daar steeds ’n groot agterstand van 11 125 ongefinansierde projekte. [Hierdie] getal sal waarskynlik toeneem as gevolg van die feit dat veterane wat nie aansoek gedoen het nie, begin aansoek doen vir dié projekte,” het hy gesê.
Kapofi het bygevoeg 93% van die totale begroting is aangewend vir aktiwiteite wat hoofsaaklik gemik is op veterane se welsynsprogramme en om die geskiedenis van die bevrydingstryd lewend te hou.
GEDENKTERREIN VOLTOOI
Intussen het hy aangekondig dat konstruksiebedrywighede vir die Cassinga-gedenkterrein voltooi is.
“Dit sal vanjaar ingehuldig word en julle sal mettertyd na die geleentheid genooi word,” het Kapofi gesê.
Planne sal ook in werking gestel word om veterane van die bevrydingstryd op te grawe en na aangewese nasionale gedenkterreine en begraafplase te verskuif, het hy gesê.
ׅ“’n Opgrawingskomitee is gestig om toesig te hou oor die opgrawing en herbegrawing van die oorblyfsels van die martelare van die bevrydingstryd by aangewese nasionale gedenkterreine of begraafplase,” het hy gesê.
’n Resolusie is by die onlangse Swapo-kongres aanvaar wat die regering beveel om te verseker dat veterane van die bevrydingstryd al hul uitstaande gelde voor 2024 ontvang.
Die opdrag is oënskynlik daarop gemik om veterane wat koppe stamp met die regering oor onbetaalde projekgelde, te paai voor die algemene verkiesing in 2024.
“Die party beveel die regering om die kontantuitbetalings aan veterane van die bevrydingstryd voor 2024 ten volle af te handel, en om die veteranevereniging se aansoek vir affiliasie-lidmaatskap te bespoedig en af te handel,” lui die konsepresolusie.
– [email protected]
Die minister van verdediging en veteranesake, Frans Kapofi, het sy begroting gemotiveer wat verlede week in die Nasionale Vergadering ter tafel gelê is, en gesê sy ministerie sit met ’n groot agterstand te midde van verwagtinge dat meer veterane sal aansoek doen om betalings van N$170 000 elk te ontvang.
“Hoewel die ministerie tot dusver 11 035 individuele veteraanprojekte uitbetaal het, is daar steeds ’n groot agterstand van 11 125 ongefinansierde projekte. [Hierdie] getal sal waarskynlik toeneem as gevolg van die feit dat veterane wat nie aansoek gedoen het nie, begin aansoek doen vir dié projekte,” het hy gesê.
Kapofi het bygevoeg 93% van die totale begroting is aangewend vir aktiwiteite wat hoofsaaklik gemik is op veterane se welsynsprogramme en om die geskiedenis van die bevrydingstryd lewend te hou.
GEDENKTERREIN VOLTOOI
Intussen het hy aangekondig dat konstruksiebedrywighede vir die Cassinga-gedenkterrein voltooi is.
“Dit sal vanjaar ingehuldig word en julle sal mettertyd na die geleentheid genooi word,” het Kapofi gesê.
Planne sal ook in werking gestel word om veterane van die bevrydingstryd op te grawe en na aangewese nasionale gedenkterreine en begraafplase te verskuif, het hy gesê.
ׅ“’n Opgrawingskomitee is gestig om toesig te hou oor die opgrawing en herbegrawing van die oorblyfsels van die martelare van die bevrydingstryd by aangewese nasionale gedenkterreine of begraafplase,” het hy gesê.
’n Resolusie is by die onlangse Swapo-kongres aanvaar wat die regering beveel om te verseker dat veterane van die bevrydingstryd al hul uitstaande gelde voor 2024 ontvang.
Die opdrag is oënskynlik daarop gemik om veterane wat koppe stamp met die regering oor onbetaalde projekgelde, te paai voor die algemene verkiesing in 2024.
“Die party beveel die regering om die kontantuitbetalings aan veterane van die bevrydingstryd voor 2024 ten volle af te handel, en om die veteranevereniging se aansoek vir affiliasie-lidmaatskap te bespoedig en af te handel,” lui die konsepresolusie.
– [email protected]
Kommentaar
Republikein
Geen kommentaar is op hierdie artikel gelaat nie