Nóg olie ontdek
Oliereuse in wedloop om te ontgin
TotalEnergies maak ook 'n ligte olie-ontdekking langs Namibië se suidelike kuslyn.
TotalEnergies het Donderdag aangekondig hy het “’n beduidende ontdekking van ligte olie en gas” in die see langs Namibië se suidelike kus gemaak.
In Blok 2913B se Venus 1-X-boorgat is op ongeveer 84 meter goeie gehalte olie ontdek, sê die oliereus.
“Hierdie ontdekking, en die belowende aanvanklike resultate, bewys die potensiaal van hierdie bate in die Oranjekom waarin TotalEnergies ’n belangrike aandeel besit, beide in Namibië sowel as Suid-Afrika,” het mnr. Kevin McLachlan, senior visepresident van eksplorasie by TotalEnergies, gesê.
Kort daarna het die ministerie van myne en energie ook die ontdekking bevestig. Die ministerie sê ligte olie is in PEL0056 (Blok 2913B) gevind, soos aangekondig deur die gesamentlike vennootskap tussen TotalEnergies (40%), QatarEnergy (30%), Impact Oil and Gas (20%) en Namcor (10%).
PEL0056 dek ongeveer 8,215 km² in diepsee langs die Namibiese kus.
“Die olie-ontdekking, kort op die hakke van dié van Shell, is nog ’n bewys dat Namibië wel ’n goeie beleggingsbestemming is,” het minister Tom Alweendo gesê.
“Terwyl ons wag op bevestiging dat die hulpbron kommersieel ontgin kan word, het die ontdekking ons met ongekende opwinding gelaat.” “As die rentmeesters van ons natuurlike hulpbronne, vereis dit nou van ons om te verseker die hulpbronne word optimaal benut.
“Inderdaad is die ontdekkings sterk boustene in die konstruksie van die Namibiese huis, waar niemand uitgesluit voel nie. Met hierdie ontdekkings kan ons duidelik ’n dinamiese en gediversifiseerde Namibiese ekonomie voorstel,” het Alweendo gesê.
Namibië se petroleumkommissaris, me. Maggy Shino, sê sy is opgewonde oor die bykomende ontdekking en dat haar kantoor uitsien na die suksesvolle uitvoer van die komende waardebepalingsprogram.
Shell se olie-ontdekking by sy Graff-1 diepsee boorgat het in die middel van Januarie uitgelek en is daarna deur die oliereus en Shino se kantoor bevestig, met die waarskuwing dat Namibiërs nie té vinnig té opgewonde moet raak nie.
Shell en vennote QatarEnergy en Namcor is besig met ’n tweede Graff-2 boorgat om die grootte van hul ontdekking te bevestig. – [email protected]
In Blok 2913B se Venus 1-X-boorgat is op ongeveer 84 meter goeie gehalte olie ontdek, sê die oliereus.
“Hierdie ontdekking, en die belowende aanvanklike resultate, bewys die potensiaal van hierdie bate in die Oranjekom waarin TotalEnergies ’n belangrike aandeel besit, beide in Namibië sowel as Suid-Afrika,” het mnr. Kevin McLachlan, senior visepresident van eksplorasie by TotalEnergies, gesê.
Kort daarna het die ministerie van myne en energie ook die ontdekking bevestig. Die ministerie sê ligte olie is in PEL0056 (Blok 2913B) gevind, soos aangekondig deur die gesamentlike vennootskap tussen TotalEnergies (40%), QatarEnergy (30%), Impact Oil and Gas (20%) en Namcor (10%).
PEL0056 dek ongeveer 8,215 km² in diepsee langs die Namibiese kus.
“Die olie-ontdekking, kort op die hakke van dié van Shell, is nog ’n bewys dat Namibië wel ’n goeie beleggingsbestemming is,” het minister Tom Alweendo gesê.
“Terwyl ons wag op bevestiging dat die hulpbron kommersieel ontgin kan word, het die ontdekking ons met ongekende opwinding gelaat.” “As die rentmeesters van ons natuurlike hulpbronne, vereis dit nou van ons om te verseker die hulpbronne word optimaal benut.
“Inderdaad is die ontdekkings sterk boustene in die konstruksie van die Namibiese huis, waar niemand uitgesluit voel nie. Met hierdie ontdekkings kan ons duidelik ’n dinamiese en gediversifiseerde Namibiese ekonomie voorstel,” het Alweendo gesê.
Namibië se petroleumkommissaris, me. Maggy Shino, sê sy is opgewonde oor die bykomende ontdekking en dat haar kantoor uitsien na die suksesvolle uitvoer van die komende waardebepalingsprogram.
Shell se olie-ontdekking by sy Graff-1 diepsee boorgat het in die middel van Januarie uitgelek en is daarna deur die oliereus en Shino se kantoor bevestig, met die waarskuwing dat Namibiërs nie té vinnig té opgewonde moet raak nie.
Shell en vennote QatarEnergy en Namcor is besig met ’n tweede Graff-2 boorgat om die grootte van hul ontdekking te bevestig. – [email protected]
Kommentaar
Republikein
Geen kommentaar is op hierdie artikel gelaat nie