Nuwe distrikshospitaal na verwagting teen 2027 voltooi
‘’n Siek nasie is ’n onproduktiewe nasie’
Die beplande hospitaal in die informele nedersetting Havana in die hoofstad sal 500 beddens akkommodeer.
As deel van sy pogings om gesondheidsdienste nader aan die mense te bring, het die ministerie van gesondheid en maatskaplike dienste Donderdag ’n sooispitseremonie gehou vir die Windhoek-distrikshospitaal in die informele nedersetting Havana, wat amptelik deur die visepresident, Netumbo Nandi-Ndaitwah, namens president Nangolo Mbumba bygewoon is.
Die hospitaal, wat na verwagting in 2027 voltooi sal wees, sal 500 beddens akkommodeer, wat die Katutura-staatshospitaal se werkslas sal verlig en gesondheidsdienste meer toeganklik vir die publiek sal maak.
Die visepresident het gesê daar is ’n behoefte vir almal om die idee van ’n gesonde nasie te verwelkom.
“’n Siek nasie is ’n onproduktiewe nasie. ’n Onproduktiewe nasie sal onderontwikkel bly en mense sal aanhou in armoede ly,” het Nandi-Ndaitwa gesê.
Sy het verder aangedui dat die leiers van die land vasberade is om te verseker dat doeltreffende gesondheidsdienste gelewer word.
Die gesondheidsminister, dr. Kalumbi Shangula, het tydens die seremonie gesê benewens die konvensionele hospitaalafdelings, ’n eenheid vir geestesgesondheid en ’n sorgeenheid vir verswakte pasiënte, sal die hospitaal verblyf vir die personeel en ontspanningsgeriewe aanbied.
“Die projek sal werksgeleenthede skep, veral vir jong professionele mense en vir algemene ondersteuningsdienste,” het hy opgemerk.
– [email protected]
Die hospitaal, wat na verwagting in 2027 voltooi sal wees, sal 500 beddens akkommodeer, wat die Katutura-staatshospitaal se werkslas sal verlig en gesondheidsdienste meer toeganklik vir die publiek sal maak.
Die visepresident het gesê daar is ’n behoefte vir almal om die idee van ’n gesonde nasie te verwelkom.
“’n Siek nasie is ’n onproduktiewe nasie. ’n Onproduktiewe nasie sal onderontwikkel bly en mense sal aanhou in armoede ly,” het Nandi-Ndaitwa gesê.
Sy het verder aangedui dat die leiers van die land vasberade is om te verseker dat doeltreffende gesondheidsdienste gelewer word.
Die gesondheidsminister, dr. Kalumbi Shangula, het tydens die seremonie gesê benewens die konvensionele hospitaalafdelings, ’n eenheid vir geestesgesondheid en ’n sorgeenheid vir verswakte pasiënte, sal die hospitaal verblyf vir die personeel en ontspanningsgeriewe aanbied.
“Die projek sal werksgeleenthede skep, veral vir jong professionele mense en vir algemene ondersteuningsdienste,” het hy opgemerk.
– [email protected]
Kommentaar
Republikein
Geen kommentaar is op hierdie artikel gelaat nie