Ongeveer 100 000 kry nasionale dokumente
Die ministerie van binnelandse sake, immigrasie, veiligheid en sekuriteit se massaregistrasieveldtog duur nog net tot 31 Julie.
Die adjunkminister Lucia Witbooi het onlangs bevestig dat tot en met 16 Julie altesaam 94 317 Namibiërs baat by die veldtog gevind het.
Tydens die veldtog reik die ministerie landswyd uit om nasionale dokumente uit te reik, insluitend geboortesertifikate, identiteitsdokumente (ID’s) en aansoeke om burgerskap.
Daarbenewens is besonderhede van inwoners van Namibië wat nie amptelike burgerskap het nie, ingesamel vir verifikasie en op te volg om burgerskap te bevestig en toe te ken, brei sy uit.
Sy betreur egter die feit dat teen 17 Julie slegs 52 896 uit 93 019 nuwe identiteitskaarte, wat deur die ministerie gedruk is, afgehaal is. Die meer as 40 000 Namibiërs wat nog nie hul nuwe identiteitskaarte afgehaal het nie, word versoek om dit so gou as moontlik te doen.
By dieselfde geleentheid het die adjunkminister ook die kwessie van visumfooie geopper vir lande wat nie Namibië se standpunt van visumvrye besoeke weergegee het nie.
Volgens Witbooi het Namibië met onafhanklikwording besluit om verskeie lande vry te stel van visumvereistes ten opsigte van diplomatieke, amptelike en gewone burgerlike paspoorthouers.
Sy sê lande veral in die Suider-Afrikaanse streek en oraloor die vasteland het soortgelyke besluite geneem. Ander lande het nie, sê sy met spesifieke verwysing na Kanada en die Verenigde Koninkryk (VK), wat onderskeidelik toegang vir Namibiërs in 2012 en 2023 moeiliker gemaak het.
Die kabinet het daarom onlangs besluit om visumvrye toegang tot Namibië vir burgers van 35 lande op te skort.
Hierdie burgers kan steeds by aankoms vir visums aansoek doen en die visums sal N$1 600 elk beloop.
Verder word daar van besoekers verwag om vliegkaartjies terug na hul eie lande te toon, mediese versekering te hê, te kan bewys dat hulle hulself kan onderhou tydens die besoek aan Namibië en dat enige ander lande hulle nie vir kriminele aktiwiteite soek nie.
Paspoorte moet ook vir ten minste nog 6 maande geldig wees. Dié veranderde voorwaardes tree eers op 1 April 2025 in werking, sê sy.
“Die regering van die Republiek van Namibië sal altyd kyk na hoe Namibiërs elders behandel word, vir die stelsel om wederkerige maatreëls te tref, waar onderhandeling nie die gewenste uitkoms opgelewer het nie,” sê Witbooi.
Verder sê die adjunkminister dat die wetsontwerp op die regulering van die status van sekere inwoners van Namibië, buitelandse gades en hul nageslag opgestel is, om veral inwoners met verouderde Suidwes-Afrikaanse identiteitsdokumente te help om Namibiese burgerskap te verkry.
Sy sê die wetsontwerp op die vasstelling en beskerming van staatlose burgers sal ook binnekort in die parlement ter tafel gelê word. – [email protected]
Die adjunkminister Lucia Witbooi het onlangs bevestig dat tot en met 16 Julie altesaam 94 317 Namibiërs baat by die veldtog gevind het.
Tydens die veldtog reik die ministerie landswyd uit om nasionale dokumente uit te reik, insluitend geboortesertifikate, identiteitsdokumente (ID’s) en aansoeke om burgerskap.
Daarbenewens is besonderhede van inwoners van Namibië wat nie amptelike burgerskap het nie, ingesamel vir verifikasie en op te volg om burgerskap te bevestig en toe te ken, brei sy uit.
Sy betreur egter die feit dat teen 17 Julie slegs 52 896 uit 93 019 nuwe identiteitskaarte, wat deur die ministerie gedruk is, afgehaal is. Die meer as 40 000 Namibiërs wat nog nie hul nuwe identiteitskaarte afgehaal het nie, word versoek om dit so gou as moontlik te doen.
By dieselfde geleentheid het die adjunkminister ook die kwessie van visumfooie geopper vir lande wat nie Namibië se standpunt van visumvrye besoeke weergegee het nie.
Volgens Witbooi het Namibië met onafhanklikwording besluit om verskeie lande vry te stel van visumvereistes ten opsigte van diplomatieke, amptelike en gewone burgerlike paspoorthouers.
Sy sê lande veral in die Suider-Afrikaanse streek en oraloor die vasteland het soortgelyke besluite geneem. Ander lande het nie, sê sy met spesifieke verwysing na Kanada en die Verenigde Koninkryk (VK), wat onderskeidelik toegang vir Namibiërs in 2012 en 2023 moeiliker gemaak het.
Die kabinet het daarom onlangs besluit om visumvrye toegang tot Namibië vir burgers van 35 lande op te skort.
Hierdie burgers kan steeds by aankoms vir visums aansoek doen en die visums sal N$1 600 elk beloop.
Verder word daar van besoekers verwag om vliegkaartjies terug na hul eie lande te toon, mediese versekering te hê, te kan bewys dat hulle hulself kan onderhou tydens die besoek aan Namibië en dat enige ander lande hulle nie vir kriminele aktiwiteite soek nie.
Paspoorte moet ook vir ten minste nog 6 maande geldig wees. Dié veranderde voorwaardes tree eers op 1 April 2025 in werking, sê sy.
“Die regering van die Republiek van Namibië sal altyd kyk na hoe Namibiërs elders behandel word, vir die stelsel om wederkerige maatreëls te tref, waar onderhandeling nie die gewenste uitkoms opgelewer het nie,” sê Witbooi.
Verder sê die adjunkminister dat die wetsontwerp op die regulering van die status van sekere inwoners van Namibië, buitelandse gades en hul nageslag opgestel is, om veral inwoners met verouderde Suidwes-Afrikaanse identiteitsdokumente te help om Namibiese burgerskap te verkry.
Sy sê die wetsontwerp op die vasstelling en beskerming van staatlose burgers sal ook binnekort in die parlement ter tafel gelê word. – [email protected]
Kommentaar
Republikein
Geen kommentaar is op hierdie artikel gelaat nie