Stelsels moet mediese store verbeter
Bestuur van data, dienslewering
Die rede vir die tekort in medisyne is 'n gebrek aan langtermynkontrakte vir die aankoop en verskaffing van farmaseutiese produkte.
’n Diensvlak van net oor die 60% was verlede jaar by die sentrale mediese store aan die orde van die dag, met ’n koers van 90% wat nodig is om doeltreffende diens te kan lewer.
Die rede vir die gebrek aan beskikbaarheid van medikasie is volgens die minister van gesondheid en maatskaplike dienste, dr. Kalumbi Shangula, hoofsaaklik weens ’n gebrek aan langtermynkontrakte vir die aankoop en verskaffing van farmaseutiese produkte.
Shangula het by die bespreking van sy ministerie se begroting van N$9,6 miljard gesê verskeie stelsels gaan by die store geïmplementeer word in ’n poging om die bestuur van data en ook dienslewering te verbeter.
Met verwysing na gespesialiseerde dienste is 10 739 buitepasiënte by die Sentrale Hospitaal se harteenheid gesien, terwyl 116 opehartoperasies hier uitgevoer is. Namibië is een van net ’n paar lande in Afrika waar plaaslike kardioloë en kardio-torakschirurge
opehartoperasies uitvoer wat deur die ministerie se ontwikkelingsprogram vir menslike hulpbronne opgelei is.
Shangula was vol lof vir die land wat reeds ver gevorder het om die 95-95-95-doelwit te bereik vir inwoners wat met MIV/vigs saamleef. In Namibië is 92% van MIV-positiewe mense bewus van hul status, 99% van laasgenoemde is op behandeling en waarvan 94% op behandeling, se virale lading onderdruk is.
Maatreëls om tuberkulose (TB) in die land hok te slaan, is ook verhoog met toetsveldtogte wat in Otjozondjupa en Hardap van stapel gestuur is. Die sukseskoers van behandeling vir TB staan tans op 82% gevolg deur ’n 100%-sukseskoers vir melaatsheid.
Van die mediese toerusting wat verlede jaar aangekoop is, sluit twee mammogrammasjiene, 170 broeikaste, 13 X-straalmasjiene, sowel as 28 dialisemasjiene in.
Shangula sê hoewel die aantal Covid-19-gevalle aansienlik afgeneem het, bly dit steeds ’n bedreiging vir gesondheid. Hy het daarom kommer uitgespreek oor die inentingskoers van die geskikte bevolking wat teen 14 Maart op 28% gestaan het.
Volgens die minister het meer as 10 000 mense wat met gestremdhede saamleef voordeel getrek uit onder meer prostese wat teen ’n bedrag van N$7,3 miljoen aangekoop is. Meer as 200 mense het rolstoele ontvang.
Met verwysing na internskappe by geregistreerde geriewe, sê Shangula die kapasiteit is van 330 tot 612 verhoog. Danksy dit kon die ministerie al 315 mediese gegradueerdes vir hul internskap akkommodeer. Ander mediesverwante gegradueerdes wat met hul internskappe kon begin, sluit in 45 aptekers, 19 tandartse, nege arbeidsterapeute, vier fisioterapeute en twee sielkundiges.
Tydens die 2022-’23-finansiële jaar het ’n totaal van 306 Namibiërs as deel van Projek 2013 studeer. Hiervan het 49 tandartse en 12 dokters hul studies in Julie 2022 voltooi.
In die volgende finansiële jaar sal 181 dokters en twee fisioterapie-studente hul studies voltooi. Tydens die huidige finansiële jaar het 27 mediese beamptes hul onderskeie spesialisprogramme voltooi, terwyl 13 na verwagting aanstaande jaar hul studies voltooi.
Met verwysing na infrastruktuur, sê Shangula suurstofaanlegte gaan vroeg in die nuwe finansiële jaar by die distrikshospitale op Okahao, Eenhana, Okongo en Andarra opgerig word. Die plan is ook om aanlegte vir die oorblywende 27 openbare hospitale aan te koop.
Shangula sê 53 pasiënte is by die Etegameno-rehabilitasiesentrum vir dwelm- en alkoholverslawing behandel, terwyl 286 gesondheidswerkers by 18 gesondheidsgeriewe opleiding ontvang het om die vroeë misbruik van middele te identifiseer en na maatskaplike werkers te verwys. Die ministerie het ook begin met die ontwikkeling van ’n program vir buitepasiënte wat tans net by die Rundu-staatshospitaal aangebied word, maar wat later na die res van die land uitgebrei sal word.
– [email protected]
Die rede vir die gebrek aan beskikbaarheid van medikasie is volgens die minister van gesondheid en maatskaplike dienste, dr. Kalumbi Shangula, hoofsaaklik weens ’n gebrek aan langtermynkontrakte vir die aankoop en verskaffing van farmaseutiese produkte.
Shangula het by die bespreking van sy ministerie se begroting van N$9,6 miljard gesê verskeie stelsels gaan by die store geïmplementeer word in ’n poging om die bestuur van data en ook dienslewering te verbeter.
Met verwysing na gespesialiseerde dienste is 10 739 buitepasiënte by die Sentrale Hospitaal se harteenheid gesien, terwyl 116 opehartoperasies hier uitgevoer is. Namibië is een van net ’n paar lande in Afrika waar plaaslike kardioloë en kardio-torakschirurge
opehartoperasies uitvoer wat deur die ministerie se ontwikkelingsprogram vir menslike hulpbronne opgelei is.
Shangula was vol lof vir die land wat reeds ver gevorder het om die 95-95-95-doelwit te bereik vir inwoners wat met MIV/vigs saamleef. In Namibië is 92% van MIV-positiewe mense bewus van hul status, 99% van laasgenoemde is op behandeling en waarvan 94% op behandeling, se virale lading onderdruk is.
Maatreëls om tuberkulose (TB) in die land hok te slaan, is ook verhoog met toetsveldtogte wat in Otjozondjupa en Hardap van stapel gestuur is. Die sukseskoers van behandeling vir TB staan tans op 82% gevolg deur ’n 100%-sukseskoers vir melaatsheid.
Van die mediese toerusting wat verlede jaar aangekoop is, sluit twee mammogrammasjiene, 170 broeikaste, 13 X-straalmasjiene, sowel as 28 dialisemasjiene in.
Shangula sê hoewel die aantal Covid-19-gevalle aansienlik afgeneem het, bly dit steeds ’n bedreiging vir gesondheid. Hy het daarom kommer uitgespreek oor die inentingskoers van die geskikte bevolking wat teen 14 Maart op 28% gestaan het.
Volgens die minister het meer as 10 000 mense wat met gestremdhede saamleef voordeel getrek uit onder meer prostese wat teen ’n bedrag van N$7,3 miljoen aangekoop is. Meer as 200 mense het rolstoele ontvang.
Met verwysing na internskappe by geregistreerde geriewe, sê Shangula die kapasiteit is van 330 tot 612 verhoog. Danksy dit kon die ministerie al 315 mediese gegradueerdes vir hul internskap akkommodeer. Ander mediesverwante gegradueerdes wat met hul internskappe kon begin, sluit in 45 aptekers, 19 tandartse, nege arbeidsterapeute, vier fisioterapeute en twee sielkundiges.
Tydens die 2022-’23-finansiële jaar het ’n totaal van 306 Namibiërs as deel van Projek 2013 studeer. Hiervan het 49 tandartse en 12 dokters hul studies in Julie 2022 voltooi.
In die volgende finansiële jaar sal 181 dokters en twee fisioterapie-studente hul studies voltooi. Tydens die huidige finansiële jaar het 27 mediese beamptes hul onderskeie spesialisprogramme voltooi, terwyl 13 na verwagting aanstaande jaar hul studies voltooi.
Met verwysing na infrastruktuur, sê Shangula suurstofaanlegte gaan vroeg in die nuwe finansiële jaar by die distrikshospitale op Okahao, Eenhana, Okongo en Andarra opgerig word. Die plan is ook om aanlegte vir die oorblywende 27 openbare hospitale aan te koop.
Shangula sê 53 pasiënte is by die Etegameno-rehabilitasiesentrum vir dwelm- en alkoholverslawing behandel, terwyl 286 gesondheidswerkers by 18 gesondheidsgeriewe opleiding ontvang het om die vroeë misbruik van middele te identifiseer en na maatskaplike werkers te verwys. Die ministerie het ook begin met die ontwikkeling van ’n program vir buitepasiënte wat tans net by die Rundu-staatshospitaal aangebied word, maar wat later na die res van die land uitgebrei sal word.
– [email protected]
Kommentaar
Republikein
Geen kommentaar is op hierdie artikel gelaat nie