Weermag maak duisende uit afwesige soldate
Minder boetes, minder geld
Danksy die dissipline in die weermag wat verbeter het, word minder boetes uitgereik aan soldate wat sonder verlof afwesig is.
Die ministerie van verdediging en veteranesake sê dissipline onder lede van die Namibiese weermag (NDF) het daartoe gelei dat minder inkomste gegenereer word.
Dit volgens 'n ouditverslag vir die jaar 2023 oor sy finansiële aktiwiteite deur die kantoor van die ouditeur-generaal, wat ook opgemerk het dat die ministerie sy inkomste met meer as N$2 miljoen oorskat het.
Volgens die ouditverslag het die ministerie boetes van
N$207 278 uitgereik aan lede van die weermag wat sonder amptelike verlof afwesig (awol) was.
“Hierdie verminderde inkomste is te wyte aan 'n vermindering van boetes wat voortspruit uit afwesigheid sonder amptelike verlof, tesame met die algehele verhoogde dissipline van militêre personeellede. Gevolglik is minder inkomste uit boetes ingesamel as wat oorspronklik verwag is,” aldus die verslag.
Net in Desember 2023 het wyle president en die destydse opperbevelvoerder van die weermag, Hage Geingob, teen swak dissipline in die NDF gewaarsku en gesê sulke voorvalle moet getakel word sodra dit plaasvind.
"Dissipline is die katalisator vir professionaliteit. Dit is die siel van die weermag. Ek word ingelig dat daar verskeie gevalle van ongedissiplineerdheid in die Namibiese weermag aangemeld word. Sommige van hierdie sake het in die media verskyn. Dit is noodsaaklik dat ons hierdie tipe voorvalle summier in die kiem smoor."
Die ministerie het ook die inkomste wat hy sou ontvang uit internasionale vredesendings van N$2,2 miljoen oorskat as gevolg van beperkte deelname aan die kant van die weermag.
"Dié verminderde inkomste is hoofsaaklik omdat die ministerie 'n toename in vredesendings van die Verenigde Nasies verwag het en wat die verskaffing van personeelbeamptes en militêre waarnemers sou insluit. Slegs beperkte deelname was egter moontlik tydens oorsigtydperk," lui die verslag.
Die ouditverslag het ook die ministerie se bankrekeninge plaaslik en internasionaal gelys, met August 26 se filiaal, Ndilimani Pyrotechnics Industries, wat ten minste meer as N$100 miljoen in 'n Bank Windhoek-rekening het.
Die ministerie moes in 2021 aan die parlementêre komitee oor openbare rekeninge verduidelik waarom hy N$5 miljoen aan Ndilimani Pyrotechnics Industries oorgeplaas het vir die aankoop van wapens, wat sonder die tesourie se goedkeuring gedoen is.
Ander beduidende belange wat gelys is, sluit in ¥1,42 miljoen (N$3,7 miljoen) en US$318 568 (N$6 miljoen) wat in 'n Bank of China-rekening gehou word, US$119 903 (N$2,27 miljoen) in 'n Uni Credit Bank-rekening in Rusland, BWP1,04 miljoen (N$1,44 miljoen) in 'n FNB Botswana-rekening en 117 557 euro (N$2,4 miljoen) in 'n Banco Metropolitana-rekening in Kuba.
Die ministerie het oor die algemeen 'n ongekwalifiseerde oudit van die ouditeur-generaal ontvang.
– [email protected]
Dit volgens 'n ouditverslag vir die jaar 2023 oor sy finansiële aktiwiteite deur die kantoor van die ouditeur-generaal, wat ook opgemerk het dat die ministerie sy inkomste met meer as N$2 miljoen oorskat het.
Volgens die ouditverslag het die ministerie boetes van
N$207 278 uitgereik aan lede van die weermag wat sonder amptelike verlof afwesig (awol) was.
“Hierdie verminderde inkomste is te wyte aan 'n vermindering van boetes wat voortspruit uit afwesigheid sonder amptelike verlof, tesame met die algehele verhoogde dissipline van militêre personeellede. Gevolglik is minder inkomste uit boetes ingesamel as wat oorspronklik verwag is,” aldus die verslag.
Net in Desember 2023 het wyle president en die destydse opperbevelvoerder van die weermag, Hage Geingob, teen swak dissipline in die NDF gewaarsku en gesê sulke voorvalle moet getakel word sodra dit plaasvind.
"Dissipline is die katalisator vir professionaliteit. Dit is die siel van die weermag. Ek word ingelig dat daar verskeie gevalle van ongedissiplineerdheid in die Namibiese weermag aangemeld word. Sommige van hierdie sake het in die media verskyn. Dit is noodsaaklik dat ons hierdie tipe voorvalle summier in die kiem smoor."
Die ministerie het ook die inkomste wat hy sou ontvang uit internasionale vredesendings van N$2,2 miljoen oorskat as gevolg van beperkte deelname aan die kant van die weermag.
"Dié verminderde inkomste is hoofsaaklik omdat die ministerie 'n toename in vredesendings van die Verenigde Nasies verwag het en wat die verskaffing van personeelbeamptes en militêre waarnemers sou insluit. Slegs beperkte deelname was egter moontlik tydens oorsigtydperk," lui die verslag.
Die ouditverslag het ook die ministerie se bankrekeninge plaaslik en internasionaal gelys, met August 26 se filiaal, Ndilimani Pyrotechnics Industries, wat ten minste meer as N$100 miljoen in 'n Bank Windhoek-rekening het.
Die ministerie moes in 2021 aan die parlementêre komitee oor openbare rekeninge verduidelik waarom hy N$5 miljoen aan Ndilimani Pyrotechnics Industries oorgeplaas het vir die aankoop van wapens, wat sonder die tesourie se goedkeuring gedoen is.
Ander beduidende belange wat gelys is, sluit in ¥1,42 miljoen (N$3,7 miljoen) en US$318 568 (N$6 miljoen) wat in 'n Bank of China-rekening gehou word, US$119 903 (N$2,27 miljoen) in 'n Uni Credit Bank-rekening in Rusland, BWP1,04 miljoen (N$1,44 miljoen) in 'n FNB Botswana-rekening en 117 557 euro (N$2,4 miljoen) in 'n Banco Metropolitana-rekening in Kuba.
Die ministerie het oor die algemeen 'n ongekwalifiseerde oudit van die ouditeur-generaal ontvang.
– [email protected]
Kommentaar
Republikein
Geen kommentaar is op hierdie artikel gelaat nie