Werksgeleenthede in visbedryf verseker

Die minister van visserye en mariene hulpbronne, Derek Klazen, het verlede week Woensdag ooreenkomste met verskeie stokvismaatskappye onderteken om werksgeleenthede vir vissermanne in Walvisbaai te verseker. Dit in ruil vir viskwotas.Volgens die ministerie se woordvoerder, Uaripi Katjiukua, word die regering se program om werksverliese in die visbedryf te herstel deur die verlenging van die ooreenkomste vir 12 maande ondersteun.Ooreenkomste is onder meer met Tunacor, Seaworks, Marlus en Hangana onderteken. Daarvolgens sal Tunacor werk aan 180 vissermanne verskaf, Seaworks aan 119, Marlus aan 92 en Hangana sal nog 290 werksgeleenthede verseker.Die ministerie het ook aangekondig dat nog soortgelyke ooreenkomste met vismaatskappye in die maasbankerbedryf gesluit sal word. Nadat die ooreenkomste gefinaliseer is, sal die ministerie werksgeleenthede aan sowat 1 700 vissermanne verseker, volgens Katjiukua.Hy voeg by die geleenthede is vir voltydse werk en dat dit nie, soos in die verlede, inkomste vir vissermanne wat by die huis sit, sal voorsien nie. Die totale ooreenkomste sal die betrokke maatskappye magtig om 13 600 ton vis hierdie seisoen te vang teen ’n kwota van agt ton per visserman. – augetto@republikein.com.na

Werksgeleenthede in visbedryf verseker

Kommentaar

Republikein 2025-04-03

Meld asseblief aan om kommentaar te lewer

Werksgeleenthede in visbedryf verseker

Kommentaar

Republikein 2025-04-03

Meld asseblief aan om kommentaar te lewer

MELD AAN

Advertensie