Dreigemente laat gereg ingryp

’n Sewe-en-dertigjarige vrou is sedert Saterdag onder polisiebewaking nadat haar ekskêrel gedreig het om haar dood te maak en daarna selfdood te pleeg.’n Saak van gewone aanranding, asook aanranding deur dreigemente, word deur die polisie in die Omusatistreek ondersoek nadat die verdagte na bewering die dreigemente by die Okapya nedersetting in die Oshikuku-kiesafdeling gemaak het.Moses Simaho, koördineerder van Omusati-misdaadondersoek, het aan Namibian Sun gesê die ekskêrel het Cathrina Shiimi glo by haar ouers se opstal gaan ontmoet om verskoning te vra en die lug te suiwer nadat die twee se paaie geskei het.Shiimi het egter geweier. Die twee het hierna handgemeen geraak en die verdagte het haar aan die rug gebyt.“Die slagoffer het ’n bottel gevat en die verdagte teen die voorkop geslaan. Die verdagte het ’n besering opgedoen en glo gedreig om haar dood te maak en homself om die lewe te bring,” het Simaho gesê.Die man moet nog in hegtenis geneem word, terwyl Shiimi vir beskerming by die Oshikuku-polisiestasie gehou word, het hy bygevoeg. POGING TOT MOORDIn ’n afsonderlike voorval word ’n saak van poging tot moord deur die polisie in Omusatistreek ondersoek nadat die 61-jarige David Shangula na bewering by ’n sjebeen met ’n baksteen oor die kop geslaan is.Die voorval het op 28 April tussen 18:00 en 19:00 in die Onandjandja informele nedersetting plaasgevind.Simaho het gesê die saak is eers onlangs by die polisie aangemeld toe familie en gemeenskapslede uitgevind het dat Shangula in ’n kritieke toestand is.Hoewel niemand nog in hegtenis geneem is nie, is die verdagte bekend.“Dit word beweer dat die verdagte op die plek met die slagoffer gestry het en terwyl hy gestry het, het die verdagte die baksteen gevat en die slagoffer teen die kop geslaan,” het Simaho gesê.Hy het bygevoeg die slagoffer is eers by Onesi-gesondheidsentrum behandel voordat hy na die Oshakati-staatshospitaal oorgeplaas is waar hy tans in die waakeenheid opgeneem is.“Geen gesinsgeweld is by die aangeleentheid betrokke nie, maar alkoholmisbruik is wel betrokke,” het Simaho gesê.

Dreigemente laat gereg ingryp

Kommentaar

Republikein 2025-04-04

Meld asseblief aan om kommentaar te lewer

Dreigemente laat gereg ingryp

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie