Fetus in asblik op kampus gevind
Paartjie in Kleine Kuppe oorval en beroof
Volgens die polisie se jongste misdaadverslag is 'n geaborteerde fetus verlede week in 'n asblik gevind, terwyl 'n paartjie is in hulle woonstel in Kleine Kuppe met vuurwapens gedreig en beroof is en 'n drawwer se motor gesteel is.
’n Student van die Internasionale Universiteit van Bestuursake (IUM) is die afgelope week in hegtenis geneem nadat sy na bewering haar ses maande oue fetus in ’n asblik gegooi het. Dit na die 18-jarige glo self die baba in ‘n badkamer op die kampus geaborteer het.
Die fetus is verlede Dinsdag deur ’n sekuriteitswag op die universiteit se hoofkampus in Doradopark gevind.
Voglens die Namibiese polisie se misdaadverslag het die vrou die baba in ’n badkamer geaborteer, waarna sy die fetus in ’n wit plastieksak gesit het. Sy het die plastieksak in ’n pienk handsak weggesteek voordat sy dit in die asblik gegooi het.
“Volgens CCTV-beeldmateriaal het die verdagte omstreeks 11:05 uit die badkamer gekom met 'n pienk handsak. Sy het tot by die asblik naby die studentehek geloop en die handsak in die asblik gegooi en van die kampus af gestap,” lui die verslag.
Die verdagte se pa het haar aan die polisie oorgegee en sy sal na verwagting vandag in hof verskyn.
PAARTJIE BEROOF
‘n Paartjie is Vrydagoggend omstreeks 03:30 in hul woonstel in 'n kompleks in Kleine Kuppe oorval en met gewere aangehou. Hulle is van kontant en ander items ter waarde van N$105 000 beroof.
Die verdagtes het glo stokke gebruik om ‘n geëlektrifiseerde heining op te lig en toegang tot die Imola-kompleks te verkry. Hulle het deur die glasskuifdeure by die woonstel ingekom terwyl die paartjie geslaap het.
Twee van die verdagtes wat met pistole en messe gewapen was, het die man vasgebind.
Volgens die misdaadverslag is ‘n saak van roof en roof met verswarende omstandighede aanhangig gemaak. Die vier verdagtes is weg met vier selfone, ‘n handsak met grimering ter waarde van N$20 000, N$2 000 se kontant, asook 300 euro en ‘n kamera.
Niemand is tot dusver in verband met die voorval in hegtenis geneem nie en geen van die items is teruggevind nie.
DRAWWER SE MOTOR GESTEEL
‘n Drawwer is Donderdagaand omstreeks 19:40 van sy motor en ander items in Olympia, langs die nuwe dubbelpad na die Hosea Kutako-lughawe, beroof.
Die 63-jarige slagoffer het sy motor langs die pad geparkeer om te gaan draf. Langs die pad het hy twee ander mans tëegekom wat klaarblyklik ook kom draf het.
Hulle het egter op hom afgekom en toe hy prober het om sy vuurwapen uit te haal, het die verdagtes sy hande gegryp en agter sy rug vasgehou.
Hulle het sy vuurwapen en motorsleutels gevat en met sy voertuig, ‘n wit Audi A3, weggery.
Die totale waarde van al die gesteelde items, insluitend die voertuig, is na raming N$660 400. Niemand is tot dusver in verband met die voorval in hegtenis geneem nie en die ondersoek duur voort.
[email protected]
Die fetus is verlede Dinsdag deur ’n sekuriteitswag op die universiteit se hoofkampus in Doradopark gevind.
Voglens die Namibiese polisie se misdaadverslag het die vrou die baba in ’n badkamer geaborteer, waarna sy die fetus in ’n wit plastieksak gesit het. Sy het die plastieksak in ’n pienk handsak weggesteek voordat sy dit in die asblik gegooi het.
“Volgens CCTV-beeldmateriaal het die verdagte omstreeks 11:05 uit die badkamer gekom met 'n pienk handsak. Sy het tot by die asblik naby die studentehek geloop en die handsak in die asblik gegooi en van die kampus af gestap,” lui die verslag.
Die verdagte se pa het haar aan die polisie oorgegee en sy sal na verwagting vandag in hof verskyn.
PAARTJIE BEROOF
‘n Paartjie is Vrydagoggend omstreeks 03:30 in hul woonstel in 'n kompleks in Kleine Kuppe oorval en met gewere aangehou. Hulle is van kontant en ander items ter waarde van N$105 000 beroof.
Die verdagtes het glo stokke gebruik om ‘n geëlektrifiseerde heining op te lig en toegang tot die Imola-kompleks te verkry. Hulle het deur die glasskuifdeure by die woonstel ingekom terwyl die paartjie geslaap het.
Twee van die verdagtes wat met pistole en messe gewapen was, het die man vasgebind.
Volgens die misdaadverslag is ‘n saak van roof en roof met verswarende omstandighede aanhangig gemaak. Die vier verdagtes is weg met vier selfone, ‘n handsak met grimering ter waarde van N$20 000, N$2 000 se kontant, asook 300 euro en ‘n kamera.
Niemand is tot dusver in verband met die voorval in hegtenis geneem nie en geen van die items is teruggevind nie.
DRAWWER SE MOTOR GESTEEL
‘n Drawwer is Donderdagaand omstreeks 19:40 van sy motor en ander items in Olympia, langs die nuwe dubbelpad na die Hosea Kutako-lughawe, beroof.
Die 63-jarige slagoffer het sy motor langs die pad geparkeer om te gaan draf. Langs die pad het hy twee ander mans tëegekom wat klaarblyklik ook kom draf het.
Hulle het egter op hom afgekom en toe hy prober het om sy vuurwapen uit te haal, het die verdagtes sy hande gegryp en agter sy rug vasgehou.
Hulle het sy vuurwapen en motorsleutels gevat en met sy voertuig, ‘n wit Audi A3, weggery.
Die totale waarde van al die gesteelde items, insluitend die voertuig, is na raming N$660 400. Niemand is tot dusver in verband met die voorval in hegtenis geneem nie en die ondersoek duur voort.
[email protected]
Kommentaar
Republikein
Geen kommentaar is op hierdie artikel gelaat nie