‘Geestesongestelde man’ in hof ná graf-, lykskending
Familie in skok
Die familie van die man wat van onder meer grafskending en lykskending beskuldig word, het gesê hy ly aan geestesongesteldheid, wat daartoe gelei het dat hy die universiteit verlaat het.
Tuyeimo Haidula
Dit was ’n somber dag toe die familie van mnr. Hango Tuyeni Woensdag moes toekyk hoe die polisie sy oorskot uit sy graf haal nadat dit na bewering deur sy seun, mnr. Tuyeni Reinhold, opgegrawe is.
Tuyeni is vier maande gelede in die Eengolo-begraafplaas begrawe nadat hy op 13 Mei vanjaar dood is.
Komm. Moses Simaho, polisiewoordvoerder in die Omusatistreek, het gesê hy is dood nadat hy twee keer met ’n mes gesteek is, een keer aan sy regterskouer en een keer onder sy linkeroor. Hy is op die toneel dood.
Reinhold (25) het glo vir sy familie gesê hy hoor sedert vroeg in Augustus stemme wat vir hom sê om sy pa se oorskot op te grawe. Hy is na die begraafplaas toe om die graf op te grawe en het na bewering ’n deel van die kakebeen van die oorskot verwyder, wat hy naby die graf verbrand het.
Dit volgens sy ma en die oorledene se weduwee, me. Anna Aindongo. Die voorval het die familie én die inwoners van die gebied in skok gelaat.
Polisiebeamptes het Woensdagoggend die oorskot opgegrawe om vas te stel watter dele vermis word en of dit wel aan die oorledene behoort.
Die linkerdeel van die kakebeen en dele van die voorkop was vermis. Die polisie het die verbrande liggaamsdele gevind nadat die verdagte vir hulle gesê het waar hy dit gelos het. Die familie het die polisie versoek om die oorskot te bewaar totdat hulle ’n nuwe kis kon koop en die oorledene – na verwagting – vandag kan herbegrawe.
WEIER MEDIKASIE
Aindongo het kort ná die voorval met ons susterkoerant Namibian Sun gepraat en gesê haar seun is ’n geestesongestelde pasiënt wat geweier het om sy medikasie te neem, al het hulle hom telkens aangemoedig om dit te doen.
Sy het gesê Reinhold het aan die begin van Augustus vir haar gesê hy sukkel om te slaap en dat hy heeltyd stemme hoor wat vir hom sê om na sy pa se graf toe te gaan en sy oorskot op te grawe.
“Ons het nie veel aandag gegee aan wat hy gesê het nie, maar ek het besluit hy moet teruggaan Omakange toe sodat hy rustiger daar kan wees,” het Aindongo gesê.
Me. Emilia Aindongo, die verdagte se tante, het gesê hulle het glad nie gedink hy sou iets só gruwelik doen soos om die graf op te grawe nie.
Sy het genoem dat Reinhold in 2018 vir ’n baccalaureusgraad in chemie aan die Universiteit van Namibië ingeskryf was, maar siek geword het en nie met sy studies kon voortgaan nie. Hy het daarna teruggekeer huis toe.
“Dit was tóé wat sy geestesongesteldheid begin het. Hy het huis toe gekom en by die Oshakati-kampus vir openbare gesondheid ingeskryf, maar hy het nie beter geword nie. Hy het sy modules gedruip en kon nie meer finansiering kry nie, so hy het uitgeval.”
BRAND ALLES AF
Volgens die verdagte se tante het hy in ’n stadium maroelabome in die veld afgebrand en sou hy nie ophou totdat hy almal vernietig het nie.
Reinhold het in Augustus onwel gevoel en sy siekte het weer begin opvlam, het sy gesê. Hy het glo om dié rede Omakange verlaat.
Sy het vertel sy het onlangs ’n troue bygewoon en haar eie kinders gevra om Reinhold dop te hou.
Dieselfde aand het sy gesien hoe hy ’n mahangu-meelsak dra waarin hy ’n graaf, twee sterk toue en ’n hamer gehad het. Sy het hom daaroor uitgevra en hy het gesê dit behoort aan die bure.
“Die volgende dag is ek saam met hom na die troue toe en hy het nog reg gelyk. Hy het toe later gesê hy wil my die ‘waarheid’ vertel. ‘Die items waarmee jy my gesien het – ek is van plan om my pa se graf te gaan opgrawe,’ het hy gesê.”
Sy het aan Namibian Sun gesê Reinhold het toe verduidelik hoe hy elke stuk gereedskap gaan gebruik – die graaf om die kis op te grawe, die toue om dit uit die graf te lig en vuurhoutjies om die kis te verbrand.
“Ek sukkel om dit alles te begryp. Nadat hy gedoen het wat hy gedoen het, het hy na my huis toe gekom. Ek is steeds in skok. Ek het nie woorde nie,” het sy gesê voordat sy in trane uitgebars het.
VERTEENWOORDIG HOMSELF
“Ons het hom aangemoedig om sy medikasie te drink. Selfs sy dosente was bekommerd omdat hulle kan sien hy is ’n belowende student, maar hy het nee gesê,” het Emilia gesê.
Sy het bygevoeg as ’n mens sien hoe hy met mense omgaan, lyk hy normaal en sal ’n mens nie kan sien dat hy aan ernstige geestesongesteldheid ly nie.
Reinhold het in die Outapi-landdroshof op klagte van grafskending, lykskending en regsverydeling verskyn, waar hy verklaar het dat hy sy eie verdediging sal behartig.
Hy is borgtog geweier en die saak is tot 3 November uitgestel.
– [email protected]
Dit was ’n somber dag toe die familie van mnr. Hango Tuyeni Woensdag moes toekyk hoe die polisie sy oorskot uit sy graf haal nadat dit na bewering deur sy seun, mnr. Tuyeni Reinhold, opgegrawe is.
Tuyeni is vier maande gelede in die Eengolo-begraafplaas begrawe nadat hy op 13 Mei vanjaar dood is.
Komm. Moses Simaho, polisiewoordvoerder in die Omusatistreek, het gesê hy is dood nadat hy twee keer met ’n mes gesteek is, een keer aan sy regterskouer en een keer onder sy linkeroor. Hy is op die toneel dood.
Reinhold (25) het glo vir sy familie gesê hy hoor sedert vroeg in Augustus stemme wat vir hom sê om sy pa se oorskot op te grawe. Hy is na die begraafplaas toe om die graf op te grawe en het na bewering ’n deel van die kakebeen van die oorskot verwyder, wat hy naby die graf verbrand het.
Dit volgens sy ma en die oorledene se weduwee, me. Anna Aindongo. Die voorval het die familie én die inwoners van die gebied in skok gelaat.
Polisiebeamptes het Woensdagoggend die oorskot opgegrawe om vas te stel watter dele vermis word en of dit wel aan die oorledene behoort.
Die linkerdeel van die kakebeen en dele van die voorkop was vermis. Die polisie het die verbrande liggaamsdele gevind nadat die verdagte vir hulle gesê het waar hy dit gelos het. Die familie het die polisie versoek om die oorskot te bewaar totdat hulle ’n nuwe kis kon koop en die oorledene – na verwagting – vandag kan herbegrawe.
WEIER MEDIKASIE
Aindongo het kort ná die voorval met ons susterkoerant Namibian Sun gepraat en gesê haar seun is ’n geestesongestelde pasiënt wat geweier het om sy medikasie te neem, al het hulle hom telkens aangemoedig om dit te doen.
Sy het gesê Reinhold het aan die begin van Augustus vir haar gesê hy sukkel om te slaap en dat hy heeltyd stemme hoor wat vir hom sê om na sy pa se graf toe te gaan en sy oorskot op te grawe.
“Ons het nie veel aandag gegee aan wat hy gesê het nie, maar ek het besluit hy moet teruggaan Omakange toe sodat hy rustiger daar kan wees,” het Aindongo gesê.
Me. Emilia Aindongo, die verdagte se tante, het gesê hulle het glad nie gedink hy sou iets só gruwelik doen soos om die graf op te grawe nie.
Sy het genoem dat Reinhold in 2018 vir ’n baccalaureusgraad in chemie aan die Universiteit van Namibië ingeskryf was, maar siek geword het en nie met sy studies kon voortgaan nie. Hy het daarna teruggekeer huis toe.
“Dit was tóé wat sy geestesongesteldheid begin het. Hy het huis toe gekom en by die Oshakati-kampus vir openbare gesondheid ingeskryf, maar hy het nie beter geword nie. Hy het sy modules gedruip en kon nie meer finansiering kry nie, so hy het uitgeval.”
BRAND ALLES AF
Volgens die verdagte se tante het hy in ’n stadium maroelabome in die veld afgebrand en sou hy nie ophou totdat hy almal vernietig het nie.
Reinhold het in Augustus onwel gevoel en sy siekte het weer begin opvlam, het sy gesê. Hy het glo om dié rede Omakange verlaat.
Sy het vertel sy het onlangs ’n troue bygewoon en haar eie kinders gevra om Reinhold dop te hou.
Dieselfde aand het sy gesien hoe hy ’n mahangu-meelsak dra waarin hy ’n graaf, twee sterk toue en ’n hamer gehad het. Sy het hom daaroor uitgevra en hy het gesê dit behoort aan die bure.
“Die volgende dag is ek saam met hom na die troue toe en hy het nog reg gelyk. Hy het toe later gesê hy wil my die ‘waarheid’ vertel. ‘Die items waarmee jy my gesien het – ek is van plan om my pa se graf te gaan opgrawe,’ het hy gesê.”
Sy het aan Namibian Sun gesê Reinhold het toe verduidelik hoe hy elke stuk gereedskap gaan gebruik – die graaf om die kis op te grawe, die toue om dit uit die graf te lig en vuurhoutjies om die kis te verbrand.
“Ek sukkel om dit alles te begryp. Nadat hy gedoen het wat hy gedoen het, het hy na my huis toe gekom. Ek is steeds in skok. Ek het nie woorde nie,” het sy gesê voordat sy in trane uitgebars het.
VERTEENWOORDIG HOMSELF
“Ons het hom aangemoedig om sy medikasie te drink. Selfs sy dosente was bekommerd omdat hulle kan sien hy is ’n belowende student, maar hy het nee gesê,” het Emilia gesê.
Sy het bygevoeg as ’n mens sien hoe hy met mense omgaan, lyk hy normaal en sal ’n mens nie kan sien dat hy aan ernstige geestesongesteldheid ly nie.
Reinhold het in die Outapi-landdroshof op klagte van grafskending, lykskending en regsverydeling verskyn, waar hy verklaar het dat hy sy eie verdediging sal behartig.
Hy is borgtog geweier en die saak is tot 3 November uitgestel.
– [email protected]
Kommentaar
Republikein
Geen kommentaar is op hierdie artikel gelaat nie