Grusame massamoord ruk Usakos

Die polisie in die Erongostreek het bevestig dat 'n brand Saterdag op Usakos in die vroeë oggendure wat die lewens van ses mense geëis het, 'n massamoord was.Ses lede van dieselfde familie, insluitend vier jong kinders en 'n 90-jarige pensioenaris, is in hul huis in die Hakaseb-nedersetting vermoor, voordat die huis met opset aan die brand gesteek is in 'n klaarblyklike poging om bewyse te vernietig. Volgens die jongste inligting wat deur die streek se woordvoerder hoofinspekteur Ileni Shapumba gister vrygestel is, is die slagoffers na bewering met 'n ysterbyl en 'n knopkierie aangeval en vermoor. Die vermoede is dat die wrede aanval tussen 04:00 en 06:30 Saterdag plaasgevind het. Die slagoffers het noodlottige beserings in die aanval opgedoen, voordat hul liggame aan die brand gesteek is en wat ook tot eerste- en tweedegraadse brandwonde gelei het. Die oorledenes is identifiseer as Elisabeth Naruses (90), Fenny Naruses (18) en 'n graad 11-leerling verbonde aan die Usakos Junior Sekondêre Skool, Ibra Naruses (6), Raunisha Boer (6), Rachel Boer (3) en Emi Naruses (3).Die polisie het 'n 18-jarige verdagte in hegtenis geneem wat na bewering aan die slagoffers verwant is. Hy is op die toneel gevind met beserings aan albei se voete en is na die staatshospitaal op Usakos vir behandeling geneem. 'n Moontlike moordwapen wat vermoedelik die byl is wat in die moorde gebruik is, is op die toneel gevind. Hoofinspekteur Shapumba het bevestig dat 'n saak geregistreer is met klagte van moorde en regsverydeling. Hoewel 'n verdagte in verband met die grumoorde in hegtenis geneem is, het Shapumba gesê die presiese motief vir die aanvalle is nog onduidelik. "Besonderhede wat verband hou met die oorsaak van hierdie wrede voorval is nog vaag." - republikein@republikein.com.na

Grusame massamoord ruk Usakos

Kommentaar

Republikein 2025-04-10

Meld asseblief aan om kommentaar te lewer

Grusame massamoord ruk Usakos

Kommentaar

Republikein 2025-04-10

Meld asseblief aan om kommentaar te lewer

MELD AAN

Advertensie