Hond verloor been ná skietvoorval
Grootfontein-boer nie gearresteer
Hoewel 'n opgeleide spoorsnyhond twee keer geskiet is en sy been geamputeer moes word, is hy in 'n stabiele toestand.
’n Boer van Grootfontein het na bewering Dinsdag tydens ’n soektog na gesteelde goedere van ’n perdryskool in die omgewing ’n opgeleide spoorsnyhond twee keer geskiet.
Troy, ’n Belgiese malinois, se been moes gister geamputeer word en ’n geldinsamelingsveldtog is vir sy behandeling van stapel gestuur.
“Troy se lewe sal nooit weer dieselfde wees nie, nie net omdat hy sy regtervoorbeen verloor het nie, maar die emosionele skade waardeur hy moet gaan,” het Troy se eienaar, Chére van der Merwe, gesê en bygevoeg dat daar ook ’n fraktuur bo in sy rug is waar die ander patroon deurgegaan het.
“Die emosies loop hoog, die trane loop, ons is saam met Troy emosioneel deur hierdie groot trauma geraak.”
SKIETVOORVAL
Volgens ’n plasing op die Civilian Animal Protection Unit (CAPU) se Facebookblad is Troy geskiet terwyl hy aan ’n leiband en tussen sy hanteerder se bene gestaan het. Sy hanteerder is glo ook met die vuurwapen teen sy kop gedreig.
Troy en sy hanteerder was deel van ’n groep vrywilligers wat gehelp het om agt gesteelde perdesale van die Chahanic Equestrian Centre op te spoor.
Die groep het na bewering die plaaseienaars in die omgewing gekontak, hulle van die soektog ingelig en toestemming gevra om hul eiendomme te betree.
Die betrokke boer wat na bewering vir Troy geskiet het, was glo onbereikbaar en die hanteerders het glo die voorman se toestemming gekry vir toegang tot die eiendom.
Die vermeende skieter het glo doodsdreigemente gemaak in ’n poging om hulle van sy eiendom te verwyder.
“Troy het geensins geweet wat met hom gaan gebeur nie en daarom het hy tussen sy hanteerder se bene bly sit soos hy opgelei is, terwyl sy hanteerder bly smeek het,” vertel Van der Merwe.
TROY SE ‘STERT WAAI WEER’
Dr. Theuns Laubscher het die operasie op Troy uitgevoer en volgens hom is sy regtervoorbeen suksesvol geamputeer en is hy in ’n stabiele toestand.
“Dit gaan goed met hom. Sy stert waai weer. Daar was ongelukkig geen manier om die been te red nie, aangesien dit vergruis was. Ons moes dit amputeer,” het hy gesê.
Van der Merwe het teen druktyd gesê hulle wag nog voor hulle op die tweede skietwond opereer.
“Ons sal wag en kyk voordat ons met die operasie voortgaan. Ons wil eers kyk hoe sy liggaam reageer. Ons moet kyk of sy liggaam die versplinterde beentjies aanvaar of verwerp. As die liggaam probeer om dit te verwerp, sal ons ingryp en daardie stukke uithaal.”
Volgens inspekteur Maureen Mbeha van die Namibiese polisie in die Otjozondjupastreek is die vermeende skieter nog nie in hegtenis geneem nie.
– [email protected]
Troy, ’n Belgiese malinois, se been moes gister geamputeer word en ’n geldinsamelingsveldtog is vir sy behandeling van stapel gestuur.
“Troy se lewe sal nooit weer dieselfde wees nie, nie net omdat hy sy regtervoorbeen verloor het nie, maar die emosionele skade waardeur hy moet gaan,” het Troy se eienaar, Chére van der Merwe, gesê en bygevoeg dat daar ook ’n fraktuur bo in sy rug is waar die ander patroon deurgegaan het.
“Die emosies loop hoog, die trane loop, ons is saam met Troy emosioneel deur hierdie groot trauma geraak.”
SKIETVOORVAL
Volgens ’n plasing op die Civilian Animal Protection Unit (CAPU) se Facebookblad is Troy geskiet terwyl hy aan ’n leiband en tussen sy hanteerder se bene gestaan het. Sy hanteerder is glo ook met die vuurwapen teen sy kop gedreig.
Troy en sy hanteerder was deel van ’n groep vrywilligers wat gehelp het om agt gesteelde perdesale van die Chahanic Equestrian Centre op te spoor.
Die groep het na bewering die plaaseienaars in die omgewing gekontak, hulle van die soektog ingelig en toestemming gevra om hul eiendomme te betree.
Die betrokke boer wat na bewering vir Troy geskiet het, was glo onbereikbaar en die hanteerders het glo die voorman se toestemming gekry vir toegang tot die eiendom.
Die vermeende skieter het glo doodsdreigemente gemaak in ’n poging om hulle van sy eiendom te verwyder.
“Troy het geensins geweet wat met hom gaan gebeur nie en daarom het hy tussen sy hanteerder se bene bly sit soos hy opgelei is, terwyl sy hanteerder bly smeek het,” vertel Van der Merwe.
TROY SE ‘STERT WAAI WEER’
Dr. Theuns Laubscher het die operasie op Troy uitgevoer en volgens hom is sy regtervoorbeen suksesvol geamputeer en is hy in ’n stabiele toestand.
“Dit gaan goed met hom. Sy stert waai weer. Daar was ongelukkig geen manier om die been te red nie, aangesien dit vergruis was. Ons moes dit amputeer,” het hy gesê.
Van der Merwe het teen druktyd gesê hulle wag nog voor hulle op die tweede skietwond opereer.
“Ons sal wag en kyk voordat ons met die operasie voortgaan. Ons wil eers kyk hoe sy liggaam reageer. Ons moet kyk of sy liggaam die versplinterde beentjies aanvaar of verwerp. As die liggaam probeer om dit te verwerp, sal ons ingryp en daardie stukke uithaal.”
Volgens inspekteur Maureen Mbeha van die Namibiese polisie in die Otjozondjupastreek is die vermeende skieter nog nie in hegtenis geneem nie.
– [email protected]
Kommentaar
Republikein
Geen kommentaar is op hierdie artikel gelaat nie