Kerkman probeer glo seun verkrag

“Moet tog nie ’n klag gaan lê nie. Dit sal ’n groot skande vir die kerk beteken.”Só het ’n pastoor na bewering aan ’n ma gesê nadat ’n manlike gemeentelid van ’n kerk in Otjomuise na bewering probeer het om haar tienjarige seun te verkrag. Die seun het op Sondag 10 September vanjaar by die pastoor se huis oorgeslaap.Volgens die seun se ma het hy na die pastoor se huis gegaan waar hy gereeld gekuier het aangesien die man ook sy peetpa is.’n Kerkman wat by die pastoor se huis gebly het, het na bewering gedurende die aand vir die seun gesê om by hom te kom slaap.“Hy het sy broek afgetrek en iets gesmeer. My seun het wakker geskrik. Die broer het vir hom gesê om stil te bly en dat hy later geld vir hom sal gee,” het die ma gesê.Die seun kon egter glo weghardloop.Die seun het na bewering die volgende oggend die pastoor van die voorval ingelig en volgens die ma het die pastoor aan die seun gesê om nie daaroor te praat nie.Hy het die seun na bewering by sy ma gaan aflaai en die seun het eers later daardie dag vir sy ma van die voorval vertel.Die pastoor het glo die ma afgeraai om ’n klag te lê.’n Kollega het haar egter glo oorreed om verlede Woensdag ’n klag by die Katutura-polisiekantoor aanhangig te maak. Die seun het glo ook ’n verkragtingstoets ondergaan en sy beserings is aangeteken.Woensdagoggend nadat ’n dokter die seun glo ondersoek en vasgestel het dat die seun amper verkrag is, het die pastoor die ma gebel.“Ek onttrek van die saak, maak wat julle wil.”SKOONVELDDie verdagte is nog nie in hegtenis geneem nie en het volgens die ma reeds uit die pastoor se huis getrek en kan nie opgespoor word nie.KAMPVEGTERDie menseregte-aktivis Rosa Namises het die vermeende voorval ten sterkste veroordeel.Sy het opnuut ’n beroep op die president en enige toekomstige leier gedoen om ’n noodtoestand af te kondig rakende die verkragting van volwassenes en kinders, wat tans seuns insluit.“Ons kinders is nêrens meer veilig nie. Dis nie die eerste keer dat ֹ’n persoon van ’n sogenaamde heilige plek kinders mishandel nie.”“Ek doen ’n beroep op alle kerke om petisies op te stel en te betoog teen hul eie kerkmense, met dieselfde ywer waarmee hulle teen selfdegeslaghuwelike gekant was, om die kinders te beskerm.“Die kerk moet standpunt inneem. Ek weet nie hoekom hulle so stil is wanneer een van hul kinders en veral seuns misbruik word nie.“Dié voorval is nie die eerste nie en die kerk is vreesbevange en veroordeel Namibiërs wat homoseksueel is, maar bly stil wanneer kinders deur kerklede verkrag word.”Namises het ook ’n beroep op burgerlike organisasie gedoen om op te tree.“Ons moet wys dat ons ongelukkig is, want die kerk beteken nie veel nie. Ons moet betoog, nie net vir die beskerming van ons vroue en kinders nie, maar ook teen die dubbelsinnige gedrag van ons kerkleiers en lede.”Volgens haar is die man van die kerk wat die ma gevra het om stil te bly ook nie die uitsondering nie.“Families van verkragters kan vir die ma van ’n kind of die vrou self vra om stil te bly. So word vroue omgekoop om stil te bly. Hulle bly stil omdat hulle bang is om hulle huis, werk of verhouding te verloor en op die ou einde verloor hulle net hul kinders omdat ons in ’n patriargiese wêreld lewe. Patriarge sal altyd seëvier. Ons moet die stilte verbreek.“Ons moet ons kinders en vroue beskerm – ons moet terugveg, maak nie saak wat dit kos nie.”STATISTIEKDie hoof van die eenheid vir geslagsgebaseerde geweld (GBV) in die Oshanastreek, hoofinspekteur Kaarina Shiimi, het onlangs gesê 61 verkragtings is tussen Januarie en Junie vanjaar in dié streek aangemeld, waarvan 25 slagoffers kinders is.Gedurende dieselfde tydperk verlede jaar het die streek 258 GBV- en 41 verkragtingsake aangeteken, waarvan 20 kinders was.

Kerkman probeer glo seun verkrag

Kommentaar

Republikein 2025-04-11

Meld asseblief aan om kommentaar te lewer

Kerkman probeer glo seun verkrag

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie