Man slaan vrou met koevoet dood

'n Man (42) het Saterdag omstreeks 03:00 sy meisie by hul huis in die Soweto-nedersetting in Outjo met 'n koevoet doodgeslaan. Volgens die polisie se jongste misdaadverslag het die man daarna die liggaam van Duffie Bokkie Hanes in 'n kruiwa gelaai en dit in die Sewende Laan-nedersetting by haar ma se huis gaan aflaai. Die man is in hegtenis geneem en verskyn môre in die hof op 'n aanklag van moord.