Polisie lê beslag op N$85 000 se dwelms
Shaldon Johannes – Die polisie in die Erongostreek het vandeesweek twee klopjagte in Walvisbaai uitgevoer waartydens dwelms met ’n gesamentlike waarde van sowat N$85 000 op beslag gelê is.
Adjudant-offisier Tuyenikelao Tashiya het bevestig dat ’n vroueverdagte Dinsdag in hegtenis geneem is nadat dwelms in haar huis in Sam Nujomalaan gevind is.
“Tagtig Mandrax-tablette en 1 336 gram dagga (skunk) ter waarde van sowat N$76 400 is gekonfiskeer. Ons het ’n Namibiese vrou (28) in hegtenis geneem en ’n man (ouderdom onbekend) is steeds op vrye voet,” het die polisie gesê.
Die verdagte sal aangekla word vir die oortreding van die wet teen die handel en/of besit van dwelms.
’n Tweede klopjag is ook Dinsdag by ’n woonstel in Kalahari Courts in Narraville uitgevoer en ’n 34-jarige Namibiese man is in hegtenis geneem
“Hy het na bewering sewe Mandrax-tablette, asook vier helftes, in sy besit gehad. Die polisie het ook 23 eenhede wat vermoedelik kokaïen is en 113 gram dagga gevind. Die beraamde waarde van die dwelms beloop sowat N$9 030,” luidens die polisie se verslag.
– [email protected]
Adjudant-offisier Tuyenikelao Tashiya het bevestig dat ’n vroueverdagte Dinsdag in hegtenis geneem is nadat dwelms in haar huis in Sam Nujomalaan gevind is.
“Tagtig Mandrax-tablette en 1 336 gram dagga (skunk) ter waarde van sowat N$76 400 is gekonfiskeer. Ons het ’n Namibiese vrou (28) in hegtenis geneem en ’n man (ouderdom onbekend) is steeds op vrye voet,” het die polisie gesê.
Die verdagte sal aangekla word vir die oortreding van die wet teen die handel en/of besit van dwelms.
’n Tweede klopjag is ook Dinsdag by ’n woonstel in Kalahari Courts in Narraville uitgevoer en ’n 34-jarige Namibiese man is in hegtenis geneem
“Hy het na bewering sewe Mandrax-tablette, asook vier helftes, in sy besit gehad. Die polisie het ook 23 eenhede wat vermoedelik kokaïen is en 113 gram dagga gevind. Die beraamde waarde van die dwelms beloop sowat N$9 030,” luidens die polisie se verslag.
– [email protected]
Kommentaar
Republikein
Geen kommentaar is op hierdie artikel gelaat nie