Polisie wil nalatige ouers vervolg
Wil optree voor meer kinders sterf
Die polisie het gewaarsku ouers wat hul kinders sonder toesig laat – en die kind sterf as gevolg van hul nalatigheid – sal in hegtenis geneem en aangekla word.
Ouers se nalatigheid het die afgelope paar jaar tot die voortydige dood van minderjariges gelei, ‘n kwessie wat wetstoepassers laat oorweeg het om strenger maatreëls in te stel.
Dit in ‘n poging om te verhoed dat kinders – sommige van die samelewing se mees kwesbares – sterf aan die hande van diegene wat veronderstel is om hulle te versorg.
Die Namibiese polisie (Nampol) het verlede week koppe met die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn bymekaargesit oor hoe om kinders meer doeltreffend teen nalatige ouers te beskerm, en het gesê gevalle waar kinders onder voorkombare omstandighede gesterf het, het toegeneem.
Van kinders wat in emmers of waterputte verdrink terwyl hulle sonder toesig gelaat word, tot babas wat in hutte doodbrand terwyl ouers uitgaan om te drink of kleuters wat by die huis gelos word in die sorg van ander minderjariges; is die polisie bekommerd ouers doen nie genoeg om verseker dat hul kinders veilig is nie.
Volgens die misdaadkoördineerder in die Omusatistreek, adj.komm. Moses Simaho, sal enige ouer wat ‘n kind sonder toesig los, en die kind sterf as gevolg van hul nalatigheid, voortaan in hegtenis geneem word.
“Dit is hoogs onaanvaarbaar. Ons sal enigiemand wat ‘n kind sonder toesig los, in hegtenis neem,” het hy gesê.
Maar, ondanks die oorweldigende kommer van die polisie, staar dié nalatige ouers en versorgers in die meeste gevalle – wat die wet betref – min tot geen strafmaatreëls in die gesig.
‘BLOTE NALATIGHEID’
Skaars twee naweke gelede is die 15 maande oue Royal Fatima Fritz dood aangetref nadat sy in ‘n emmer water verdrink het. Die voorval het by Okalongo in die Omusatistreek gebeur.
Die kleuter het saam met ander kinders in die opstal gespeel terwyl haar ma ‘n middagslapie gevat het.
“Toe haar ma wakker word, het sy haar kind se lewelose liggaam in ‘n emmer water gekry,” het Simaho gesê.
Dit, het hy gesê, is “blote nalatigheid deur ouers”.
“Ouers moet te alle tye weet waar hul kinders is, en hulle moet hul veiligheid verseker deur alle gevaarlike items in die omtrek te verwyder.”
Intussen het die soektog na die negejarige Tuhafeni Malakia in Maart geëindig na sy ouma sy liggaam in ‘n vlak graf in Ondjungulume in die Otamanzi-kiesafdeling ontdek het.
Tot op hede is niemand in dié verband in hegtenis geneem nie.
Die seun se ma het hom glo in sy pa se sorg gelaat, wat na bewering toe aan die slaap geraak het.
VERLOOR KOSBARE LEWENS
Victoria Nambundu is in Januarie by Mutjwarantja in Kavango-Oos dood nadat sy in ‘n emmer water geval en verdrink het. Haar ma het haar na bewering in haar pa se sorg gelaat, wat glo ook aan die slaap geraak het toe die voorval gebeur het.
“Die voorvalle waar kinders sonder toesig gelaat word, is te veel. Ons verloor kosbare lewens deur nalatigheid. Dit behoort nie te gebeur nie,” het Simaho benadruk.
In nog ‘n voorval verlede week is die tweejarige Sakaria Kamutushi Hangula dood nadat hy glo onherkenbaar verbrand het, terwyl twee mense in die brand by Oneputa B in die omgewing van Oshigambo beseer is.
Die bevelvoerder van die Oshikoto-polisie, kommissaris Armas Shivute, het gesê die brand het ontstaan in ‘n kamer met ‘n grasdak waar die oorledene geslaap het.
“Die oorledene se biologiese pa het brandwonde aan sy arms, gesig en bene opgedoen toe hy probeer het om sy babaseuntjie te red,” het hy gesê.
UITBUITING VAN KINDERS
Die geslagsgelykheidministerie het ook ‘n beroep op die publiek gedoen om kinders teen seksuele uitbuiting en mishandeling aanlyn te beskerm.
Simaho het hierdie standpunt beaam toe hy kommer uitgespreek het oor kleuters wat deur volwassenes verkrag word.
Die jongste voorval het verlede Dinsdag omstreeks 12:00 op Omufituwanauyala in die Anamulenge-kiesafdeling plaasgevind toe ‘n huishulp na bewering ‘n vierjarige meisie verkrag het.
“Die verdagte het saam met die slagoffer na ‘n buurman se huis gegaan,” het Simaho gesê en bygevoeg die meisie het met haar terugkeer glo gekla oor pyn tussen haar bene.
Die slagoffer se ma het toe die voorval aangemeld. Volgens Simaho loof die polisie haar vir die feit dat sy nie die verdagte beskerm het nie, aangesien die meeste ouers steeds oor verkragtingvoorvalle stilbly.
Die verdagte, Asser Mpinge, ‘n 17-jarige Angolese burger, het verlede Donderdag in die landdroshof op Outapi verskyn. Hy is borgtog geweier en sy saak is vir verdere polisieondersoek uitgestel. – [email protected]
Dit in ‘n poging om te verhoed dat kinders – sommige van die samelewing se mees kwesbares – sterf aan die hande van diegene wat veronderstel is om hulle te versorg.
Die Namibiese polisie (Nampol) het verlede week koppe met die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn bymekaargesit oor hoe om kinders meer doeltreffend teen nalatige ouers te beskerm, en het gesê gevalle waar kinders onder voorkombare omstandighede gesterf het, het toegeneem.
Van kinders wat in emmers of waterputte verdrink terwyl hulle sonder toesig gelaat word, tot babas wat in hutte doodbrand terwyl ouers uitgaan om te drink of kleuters wat by die huis gelos word in die sorg van ander minderjariges; is die polisie bekommerd ouers doen nie genoeg om verseker dat hul kinders veilig is nie.
Volgens die misdaadkoördineerder in die Omusatistreek, adj.komm. Moses Simaho, sal enige ouer wat ‘n kind sonder toesig los, en die kind sterf as gevolg van hul nalatigheid, voortaan in hegtenis geneem word.
“Dit is hoogs onaanvaarbaar. Ons sal enigiemand wat ‘n kind sonder toesig los, in hegtenis neem,” het hy gesê.
Maar, ondanks die oorweldigende kommer van die polisie, staar dié nalatige ouers en versorgers in die meeste gevalle – wat die wet betref – min tot geen strafmaatreëls in die gesig.
‘BLOTE NALATIGHEID’
Skaars twee naweke gelede is die 15 maande oue Royal Fatima Fritz dood aangetref nadat sy in ‘n emmer water verdrink het. Die voorval het by Okalongo in die Omusatistreek gebeur.
Die kleuter het saam met ander kinders in die opstal gespeel terwyl haar ma ‘n middagslapie gevat het.
“Toe haar ma wakker word, het sy haar kind se lewelose liggaam in ‘n emmer water gekry,” het Simaho gesê.
Dit, het hy gesê, is “blote nalatigheid deur ouers”.
“Ouers moet te alle tye weet waar hul kinders is, en hulle moet hul veiligheid verseker deur alle gevaarlike items in die omtrek te verwyder.”
Intussen het die soektog na die negejarige Tuhafeni Malakia in Maart geëindig na sy ouma sy liggaam in ‘n vlak graf in Ondjungulume in die Otamanzi-kiesafdeling ontdek het.
Tot op hede is niemand in dié verband in hegtenis geneem nie.
Die seun se ma het hom glo in sy pa se sorg gelaat, wat na bewering toe aan die slaap geraak het.
VERLOOR KOSBARE LEWENS
Victoria Nambundu is in Januarie by Mutjwarantja in Kavango-Oos dood nadat sy in ‘n emmer water geval en verdrink het. Haar ma het haar na bewering in haar pa se sorg gelaat, wat glo ook aan die slaap geraak het toe die voorval gebeur het.
“Die voorvalle waar kinders sonder toesig gelaat word, is te veel. Ons verloor kosbare lewens deur nalatigheid. Dit behoort nie te gebeur nie,” het Simaho benadruk.
In nog ‘n voorval verlede week is die tweejarige Sakaria Kamutushi Hangula dood nadat hy glo onherkenbaar verbrand het, terwyl twee mense in die brand by Oneputa B in die omgewing van Oshigambo beseer is.
Die bevelvoerder van die Oshikoto-polisie, kommissaris Armas Shivute, het gesê die brand het ontstaan in ‘n kamer met ‘n grasdak waar die oorledene geslaap het.
“Die oorledene se biologiese pa het brandwonde aan sy arms, gesig en bene opgedoen toe hy probeer het om sy babaseuntjie te red,” het hy gesê.
UITBUITING VAN KINDERS
Die geslagsgelykheidministerie het ook ‘n beroep op die publiek gedoen om kinders teen seksuele uitbuiting en mishandeling aanlyn te beskerm.
Simaho het hierdie standpunt beaam toe hy kommer uitgespreek het oor kleuters wat deur volwassenes verkrag word.
Die jongste voorval het verlede Dinsdag omstreeks 12:00 op Omufituwanauyala in die Anamulenge-kiesafdeling plaasgevind toe ‘n huishulp na bewering ‘n vierjarige meisie verkrag het.
“Die verdagte het saam met die slagoffer na ‘n buurman se huis gegaan,” het Simaho gesê en bygevoeg die meisie het met haar terugkeer glo gekla oor pyn tussen haar bene.
Die slagoffer se ma het toe die voorval aangemeld. Volgens Simaho loof die polisie haar vir die feit dat sy nie die verdagte beskerm het nie, aangesien die meeste ouers steeds oor verkragtingvoorvalle stilbly.
Die verdagte, Asser Mpinge, ‘n 17-jarige Angolese burger, het verlede Donderdag in die landdroshof op Outapi verskyn. Hy is borgtog geweier en sy saak is vir verdere polisieondersoek uitgestel. – [email protected]
Kommentaar
Republikein
Geen kommentaar is op hierdie artikel gelaat nie