Skroewedraaier-moord: Vrou borgtog geweier
Kenya Kambowe – ’n Vrou wat daarvan beskuldig word dat sy haar kêrel met ’n skroewedraaier doodgesteek het, is Maandag borgtog in die Ondangwa-landdroshof geweier.
Epifania Diladileni Teteleni (37), wat as skoonmaker by die Onandjokwe-staatshospitaal werksaam is, het onlangs by die hof gepleit om haar op borgtog vry te laat aangesien sy die broodwinner en ’n ma van drie kinders is. Sy beweer haar aanhouding sal daartoe lei dat sy haar werk sal verloor.
Landdros Nelao Ya France het beslis die staat het ’n sterk saak teen Teteleni en dat die aanklagte teen haar van ’n ernstige aard is.
Ya France het bygevoeg dat daar ’n kommerwekkende hoë aantal voorvalle van geslagsgebaseerde geweld in die land voorkom en dit nie in die belang van geregtigheid sal wees om haar op borgtog vry te laat nie.
Teteleni is op 10 Februarie in hegtenis geneem vir die moord op die 28-jarige Samuel Amutengelo Tuhafeni. Luidens hofstukke het ’n bakleiery oor ’n motor – waarvan beide Teteleni en Tuhafeni eienaarskap geëis het – tot die moord gelei.
HOFVERRIGTINGE
Tydens hofverrigtinge het ’n emosionele Teteleni die hof ingelig dat sy die broodwinner in haar huishouding is en dat sy na haar drie kinders, vyf werklose broers en susters en bejaarde ma omsien.
Teteleni het ook erken dat sy ’n lewe geneem het en bygevoeg dat dit uit selfverdediging was.
“Ek is skuldig dat ek die lewe uit iemand geneem het,” het sy getuig.
Volgens haar het Tuhafeni dié noodlottige oggend omstreeks 03:00 by die huis gekom en sy het vir die sleutels van die motor, wat hy as taxi bestuur het, gevra. Toe hy die sleutels oorhandig het, het Teteleni glo na ’n vriend gegaan, wat haar na die motor vergesel het. Hulle het Tuhafeni en ’n mansvriend langs die pad ontmoet en ’n bakleiery het uitgebreek.
Tuhafeni het na bewering die motor se vensters gebreek en ’n skroewedraaier uit die voertuig gehaal, wat hy na bewering gebruik het om Teteleni mee te steek. Die paartjie het glo met mekaar begin stoei, Teteleni het haar kêrel oorrompel en – toe sy die skroewedraaier in die hande gekry het – het sy hom na bewering in die bors gesteek.
Teteleni en Thuhafeni was glo vir meer as twee jaar in ’n romantiese verhouding.
– [email protected]
Epifania Diladileni Teteleni (37), wat as skoonmaker by die Onandjokwe-staatshospitaal werksaam is, het onlangs by die hof gepleit om haar op borgtog vry te laat aangesien sy die broodwinner en ’n ma van drie kinders is. Sy beweer haar aanhouding sal daartoe lei dat sy haar werk sal verloor.
Landdros Nelao Ya France het beslis die staat het ’n sterk saak teen Teteleni en dat die aanklagte teen haar van ’n ernstige aard is.
Ya France het bygevoeg dat daar ’n kommerwekkende hoë aantal voorvalle van geslagsgebaseerde geweld in die land voorkom en dit nie in die belang van geregtigheid sal wees om haar op borgtog vry te laat nie.
Teteleni is op 10 Februarie in hegtenis geneem vir die moord op die 28-jarige Samuel Amutengelo Tuhafeni. Luidens hofstukke het ’n bakleiery oor ’n motor – waarvan beide Teteleni en Tuhafeni eienaarskap geëis het – tot die moord gelei.
HOFVERRIGTINGE
Tydens hofverrigtinge het ’n emosionele Teteleni die hof ingelig dat sy die broodwinner in haar huishouding is en dat sy na haar drie kinders, vyf werklose broers en susters en bejaarde ma omsien.
Teteleni het ook erken dat sy ’n lewe geneem het en bygevoeg dat dit uit selfverdediging was.
“Ek is skuldig dat ek die lewe uit iemand geneem het,” het sy getuig.
Volgens haar het Tuhafeni dié noodlottige oggend omstreeks 03:00 by die huis gekom en sy het vir die sleutels van die motor, wat hy as taxi bestuur het, gevra. Toe hy die sleutels oorhandig het, het Teteleni glo na ’n vriend gegaan, wat haar na die motor vergesel het. Hulle het Tuhafeni en ’n mansvriend langs die pad ontmoet en ’n bakleiery het uitgebreek.
Tuhafeni het na bewering die motor se vensters gebreek en ’n skroewedraaier uit die voertuig gehaal, wat hy na bewering gebruik het om Teteleni mee te steek. Die paartjie het glo met mekaar begin stoei, Teteleni het haar kêrel oorrompel en – toe sy die skroewedraaier in die hande gekry het – het sy hom na bewering in die bors gesteek.
Teteleni en Thuhafeni was glo vir meer as twee jaar in ’n romantiese verhouding.
– [email protected]
Kommentaar
Republikein
Geen kommentaar is op hierdie artikel gelaat nie