Witrenosterbul in Okahandja-distrik gestroop
'n Witrenosterbul se karkas is gistermiddag op ‘n plaas in die Okahandja-distrik gevind nadat hy aanvanklik deur stropers gekwes is.
Die gekweste bul is verlede week op die plaas ontdek. Twee veeartse het die plaas besoek om die agtjarige renoster te behandel nadat hy deur die stropers in die voorkop geskiet is.
Die eienaar van die plaas het aan NMH gesê hy het nog Sondag omstreeks 18:00 oor die plaas met sy girokopter gevlieg en die bul lewend gesien.
“Maandag omstreeks 12:00 het ek sy karkas - min of meer op dieselfde plek as waar hy Sondagaand was - ontdek, asook die voetspore van die stropers," het die eienaar gesê.
Lede van die Blue Rhino-taakspan is op pad na die plaas om die saak te ondersoek. - [email protected]
Die gekweste bul is verlede week op die plaas ontdek. Twee veeartse het die plaas besoek om die agtjarige renoster te behandel nadat hy deur die stropers in die voorkop geskiet is.
Die eienaar van die plaas het aan NMH gesê hy het nog Sondag omstreeks 18:00 oor die plaas met sy girokopter gevlieg en die bul lewend gesien.
“Maandag omstreeks 12:00 het ek sy karkas - min of meer op dieselfde plek as waar hy Sondagaand was - ontdek, asook die voetspore van die stropers," het die eienaar gesê.
Lede van die Blue Rhino-taakspan is op pad na die plaas om die saak te ondersoek. - [email protected]
Kommentaar
Republikein
Geen kommentaar is op hierdie artikel gelaat nie