21 sterftes, 373 nuwe gevalle

Covid-19-sterftes styg met 21 tot 3 804. Geen van die gevalle was ingeënt nie. Gister is 373 nuwe gevalle aangemeld, 'n positiwiteitskoers van 13,4%. Die meeste gevalle is in Omusati aangemeld (63), gevolg deur Khomas met 44 gevalle. Die aktiewe gevalle staan op 10 291 waarvan 333 in die hospitaal is. Uit laasgenoemde gevalle is 89,2% nie ingeënt nie. Uit die 34 gevalle in die ICU is 94,1% nie ingeënt nie. Tot op hede het 412 455 mense een dosis entstof ontvang, terwyl 349 989 ten volle ingeënt is.