Covid-19: 20 sterftes, 151 nuwe gevalle
Die ministerie van gesondheid en maatskaplike dienste het twintig nuwe Covid-19-sterftes aangemeld, die meeste daarvan op Gobabis (13 sterftes), wat dié sterftesyfer op 3 884 te staan bring.
Terselfdertyd is 151 nuwe Covid-19 gevalle aangemeld uit 1 737 toetse wat oor die afgelope 24 uur uitgevoer is. Dit verteenwoordig ‘n positiwiteitskoers van 8,9%.
Tien van die nuwe gevalle het voorheen Covid-19 gehad, terwyl 16 van hulle ten volle ingeënt is en nog een nie gespesifiseer het hoeveel dosisse entstof sy reeds ontvang het nie. Die meeste gevalle kom nou uit die Otjozondjupa-streek (17 gevalle), gevolg deur die Oshikoto-streek (15 gevalle).
Altesaam 31 van die gevalle is kinders uit verskillende skole, asook vyf onderwysers, twee studente en twee gesondheidsorgwerkers.
Die ministerie sê tans het die land 9 403 aktiewe gevalle van Covid-19, waarvan 260 in die hospitaal opgeneem is. Altesaam 22 persone is tans in die intensiewe sorgeenhede van plaaslike hospitale en geeneen van hulle is ingeënt nie.
Altesaam 412 571 Namibiërs het reeds hul eerste dosis entstof teen Covid-19 ontvang, terwyl 242 560 ten volle ingeënt is. Slegs 12 068 persone het intussen vir ‘n derde inenting gegaan.
Terselfdertyd is 151 nuwe Covid-19 gevalle aangemeld uit 1 737 toetse wat oor die afgelope 24 uur uitgevoer is. Dit verteenwoordig ‘n positiwiteitskoers van 8,9%.
Tien van die nuwe gevalle het voorheen Covid-19 gehad, terwyl 16 van hulle ten volle ingeënt is en nog een nie gespesifiseer het hoeveel dosisse entstof sy reeds ontvang het nie. Die meeste gevalle kom nou uit die Otjozondjupa-streek (17 gevalle), gevolg deur die Oshikoto-streek (15 gevalle).
Altesaam 31 van die gevalle is kinders uit verskillende skole, asook vyf onderwysers, twee studente en twee gesondheidsorgwerkers.
Die ministerie sê tans het die land 9 403 aktiewe gevalle van Covid-19, waarvan 260 in die hospitaal opgeneem is. Altesaam 22 persone is tans in die intensiewe sorgeenhede van plaaslike hospitale en geeneen van hulle is ingeënt nie.
Altesaam 412 571 Namibiërs het reeds hul eerste dosis entstof teen Covid-19 ontvang, terwyl 242 560 ten volle ingeënt is. Slegs 12 068 persone het intussen vir ‘n derde inenting gegaan.
Kommentaar
Republikein
Geen kommentaar is op hierdie artikel gelaat nie