20 Jaar Gelede

Maandag 24 Januarie 2000- Moord, rooftogte en verkragting sypel die versterkte Namibiese veiligheidskordon uit Angola binne met minstens vier moordslagoffers en vyf beseerdes in dade wat met terreur verband hou.- Die Angolese burgeroorlog het die naweek op die hoogste regeringsvlakke in Namibië aandag geniet.- Terwyl reën die volgende dae na verwagting tot die noordooste en ooste van die land beperk sal wees, het verskeie plekke in die Suide Vrydag goeie buie ontvang. Dinsdag 25 Januarie 2000- In wat beskou word as ’n flagrante miskenning van die voorwaardes ooreenkomstig waarvan gratifikasies aan politieke ampsdraers betaal moet word, is die proses aan die gang gesit om nou reeds aan hulle 75% te betaal van die gratifikasies waarvoor hulle kwalifiseer. - Verskeie staatshoofde van lande wat in die konflik in die Demokrattiese Republiek van Kongo (DRK) betrokke is, het gister in New York begin met ’n vergadering van die Veiligheidsraad van die VVO wat na verwagting die hele week sal duur. - Namibië sal minstens nog ’n maand moet wag om te hoor of produksie van die gesluite TCL-myne uiteindelik hervat kan word.Woensdag 26 Januarie 2000- Die Kerk in Namibië het in ’n kultuur van vrees verval waarin foute nie erken word nie en eerder geswyg as gepraat word. - Inwoners van Kamanjab gaan vandag teen die dorpsraad betoog en die afdanking van raadslede eis. - Namibiërs wie se eiendom weens politieke onrus in Kavango beskadig of afgeskryf word, moet self vir die skade opdok.Donderdag 27 Januarie 2000- Meer as 46% van die bykomende begroting van N$373 miljoen wat gister in die Nasionale Vergadering (NV) ter tafel gelê is, word aan die Ministerie van Verdediging toegeken.- Meer as vierhonderd Namibiërs het die afgelope dae uit Oos-Kavango oor Unita-wraakaanvalle na Botswana gevlug waar hulle blykbaar voornemens is om hulle by die Dukwe-vlugtelingkamp by mede-Namibiërs aan te meld. - Namibië se begrotingstekort het gister by die indiening van die bykomende begroting in die Nasionale Vergadering (NV) met nog N$82 miljoen gegroei en die totale tekorte vir dié boekjaar op N$881 gebring. Vrydag 28 Januarie 2000- ’n Seun van Opuwo, dr. Japie van Zyl, is aan die spits van ’n internasionale deurbraak wanneer die bemande Endeavour-pendeltuig Maandag op ruimtevlug STS-99 die grootste struktuur nog – ’n reusagtige dertien ton – in die buitenste ruim gaan ontplooi.- “Die syfers wat uit die bykomende begroting aan die lig gekom het, wys duidelik dat Namibië dit kwalik kan bekostig om in die oorlog in die Demokratiese Republiek van Kongo (DRK) betrokke te wees.” So sê ’n ekonoom en die bestuurder van korporatiewe bankdienste van Bank Windhoek, mnr. Wilhelm Mosehuus.

20 Jaar Gelede

Kommentaar

Republikein 2025-04-18

Meld asseblief aan om kommentaar te lewer

20 Jaar Gelede

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie