20 JAAR GELEDE
MAANDAG 19 MEI 1997
- Nuwe inligting oor beweerde vergrype deur die eertydse Suid-Afrikaanse weermag in Namibië, veral ten opsigte van ’n beplande sluipmoord op die President, mnr. Sam Nujoma, en die dood van adv. Anton Lubowski, sal eersdaags openbaar gemaak word.
- Die Vleisraad-debakel is in nuwe stormwaters nadat verskeie kommersiële boere gesê het hulle weier om enigsins verdere heffings aan die Vleisraad te betaal.
DINSDAG 20 MEI 1997
- ’n Hawe gaan langs die kus op die grens met Suid-Afrika gebou word in ’n stap wat direk verband hou met die ontwikkeling van die Kudugasvelde en wat ’n ernstige terugslag vir Namibië se beoogde deurgangroete van Gauteng na Walvisbaai as uitvoer- en verwerkingshawe vir Suidelike Afrika kan beteken.
- Geen noodlottige uitwerking op die omgewing wat groot genoeg is om die konstruksie van die wateraanvullingskema in die Khanrivier deur Rössingmyn te verhoed, kon tydens die omgewingsimpakstudie (EIA) van dié beoogde skema gevind word.
- ’n Motorkaping gisteroggend in Windhoek wat die vrees laat ontstaan het dat Namibië verander in ’n Gautengse misdaadhel, se nagevolge het meegebring dat alle moontlikhede rondom die voorval nou ondersoek word – selfs die moontlikheid dat slagoffers van die gewapende motorkaping by die misdaad betrokke kan wees.
WOENSDAG 21 MEI 1997
- Valutabeheer is gister vir minstens Jan en Alleman effektief afgeskaf toe die Bank van Namibië ’n reeks verligtingsmaatreëls aangekondig het.
- Noodplanne deur die Namibiese regering om water uit die Kavango-rivier as die hoofvoedingsbron van die omgewingsgevoelige Okavango-delta in Botswana te benut, het op die lange baan beland ná goeie reën die afgelope seisoen in Namibië.
DONDERDAG 22 MEI 1997
- Die derde termyn vir President Sam Nujoma is nou saam met binnekringwoelinge in die Swapo-leierskap ook op die nasionale partypolitieke agenda nadat die DTA van Namibië dié grondwetlike aangeleentheid as die verskil tussen die voortsetting van demokrasie in Namibië en ’n verval in diktatorskap bestempel het.
- Die Unie van voormalige lede van die Gebiedsmag en Koevoet het sy besluit om die wapen teen die Namibiese regering op te neem en met ’n terroristiese bommestryd in die land te begin, verdedig en met verdere eise teen die regering vorendag gekom.
VRYDAG 23 MEI 1997
- Die desentralisasie van sekere magte en funksies van die sentrale regering na streek- en plaaslike owerhede is amptelik geloods met ’n belangwekkende aankondiging oor die vestiging van ’n trustfonds vir Streekontwikkeling en Aandelevoorsiening waaruit alle ontwikkelingsprojekte voortaan gefinansier gaan word.
- Nóg ’n “beleggingskandaal” deur vermeende buitelandse swendelaars is besig om op Namibiese grondgebied te ontvou.
SONDAG 25 MEI 1997
- Karibib se goudvonds is veel groter as wat aanvanklik gemeen is. Nuwe inligting oor die gouddraende ertsliggaam is met opwinding deur die Navachab-mynbestuur begroet en gaan lei tot ’n aansienlike verlenging in die bestaansprojeksie van die myn.
- Bittere koue gepaard met reën het die suidwestelike en suidelike gebiede van Namibië getref.
- Die legendariese wildeperde van die Namib skep nou gevaar op die hoofweg tussen Aus en Lüderitz.
- Nuwe inligting oor beweerde vergrype deur die eertydse Suid-Afrikaanse weermag in Namibië, veral ten opsigte van ’n beplande sluipmoord op die President, mnr. Sam Nujoma, en die dood van adv. Anton Lubowski, sal eersdaags openbaar gemaak word.
- Die Vleisraad-debakel is in nuwe stormwaters nadat verskeie kommersiële boere gesê het hulle weier om enigsins verdere heffings aan die Vleisraad te betaal.
DINSDAG 20 MEI 1997
- ’n Hawe gaan langs die kus op die grens met Suid-Afrika gebou word in ’n stap wat direk verband hou met die ontwikkeling van die Kudugasvelde en wat ’n ernstige terugslag vir Namibië se beoogde deurgangroete van Gauteng na Walvisbaai as uitvoer- en verwerkingshawe vir Suidelike Afrika kan beteken.
- Geen noodlottige uitwerking op die omgewing wat groot genoeg is om die konstruksie van die wateraanvullingskema in die Khanrivier deur Rössingmyn te verhoed, kon tydens die omgewingsimpakstudie (EIA) van dié beoogde skema gevind word.
- ’n Motorkaping gisteroggend in Windhoek wat die vrees laat ontstaan het dat Namibië verander in ’n Gautengse misdaadhel, se nagevolge het meegebring dat alle moontlikhede rondom die voorval nou ondersoek word – selfs die moontlikheid dat slagoffers van die gewapende motorkaping by die misdaad betrokke kan wees.
WOENSDAG 21 MEI 1997
- Valutabeheer is gister vir minstens Jan en Alleman effektief afgeskaf toe die Bank van Namibië ’n reeks verligtingsmaatreëls aangekondig het.
- Noodplanne deur die Namibiese regering om water uit die Kavango-rivier as die hoofvoedingsbron van die omgewingsgevoelige Okavango-delta in Botswana te benut, het op die lange baan beland ná goeie reën die afgelope seisoen in Namibië.
DONDERDAG 22 MEI 1997
- Die derde termyn vir President Sam Nujoma is nou saam met binnekringwoelinge in die Swapo-leierskap ook op die nasionale partypolitieke agenda nadat die DTA van Namibië dié grondwetlike aangeleentheid as die verskil tussen die voortsetting van demokrasie in Namibië en ’n verval in diktatorskap bestempel het.
- Die Unie van voormalige lede van die Gebiedsmag en Koevoet het sy besluit om die wapen teen die Namibiese regering op te neem en met ’n terroristiese bommestryd in die land te begin, verdedig en met verdere eise teen die regering vorendag gekom.
VRYDAG 23 MEI 1997
- Die desentralisasie van sekere magte en funksies van die sentrale regering na streek- en plaaslike owerhede is amptelik geloods met ’n belangwekkende aankondiging oor die vestiging van ’n trustfonds vir Streekontwikkeling en Aandelevoorsiening waaruit alle ontwikkelingsprojekte voortaan gefinansier gaan word.
- Nóg ’n “beleggingskandaal” deur vermeende buitelandse swendelaars is besig om op Namibiese grondgebied te ontvou.
SONDAG 25 MEI 1997
- Karibib se goudvonds is veel groter as wat aanvanklik gemeen is. Nuwe inligting oor die gouddraende ertsliggaam is met opwinding deur die Navachab-mynbestuur begroet en gaan lei tot ’n aansienlike verlenging in die bestaansprojeksie van die myn.
- Bittere koue gepaard met reën het die suidwestelike en suidelike gebiede van Namibië getref.
- Die legendariese wildeperde van die Namib skep nou gevaar op die hoofweg tussen Aus en Lüderitz.
Kommentaar
Republikein
Geen kommentaar is op hierdie artikel gelaat nie