20 Jaar Gelede

Maandag 23 November 1998- Senior staatsamptenare en Swapo-leiers in Caprivi staan sentraal in planne vir Caprivi-onafhanklikheid of aansluiting by Botswana wat in die fase kort voor onafhanklikheid op Katima Mulilo onder leiding van Canu gesmee is.- Die regering se valbyl het sy eerste hoë koppe by Air Namibia geëis in wat na ’n herhaling lyk van gebeurde van enkele jare gelede toe daar op onseremoniële wyse van die totale top-struktuur van die nasionale lugredery ontslae geraak is.- Namibië se hoop op ’n vroeë einde aan die oorlog in die Demokratiese Republiek van Kongo (DRK) is die naweek deur ’n ernstige terugslag getref toe die jongste diplomatieke inisiatief vir ’n skietstilstand nie van die grond kon kom nie.Dinsdag 24 November 1998- Die misdaadspoor van ’n Angolese bende, wat aan weerskante van die grens met Namibië werksaam was, het die naweek ná ’n gewapende rooftog in Luanda waarby vyf miljoen Anerikaanse dollar betrokke was, in Windhoek doodgeloop toe die Namibiese Polisie op die bendelede toegeslaan het.- Die rebellemagte in die Demokratiese Republiek van die Kongo (DRK) is die naweek ’n gevoelige slag toegedien, volgens onafhanklike bronne. - ’n Inligtingsbom dreig om te ontplof ná Swapo-pogings om deur senior amptenare van die regeringsmedia politieke beheer deur die beïnvloeding van die Mafwes, die grootste stam in die Caprivi, te bewerkstellig. Woensdag 25 November 1998- Namibiese en Suid-Afrikaanse prima-uitleenkoerse kan teen Julie volgende jaar agttien persent beloop indien dié twee lande se ekonomieë nie weer deur ’n internasionale finansiële skokgolf getref word nie. - Burgerlugvaart in Namibië het gister ’n chaotiese dag belewe toe twee ligte vliegtuie noodlandings op openbare paaie moes uitvoer. - Die pier op Swakopmund is so goed as gered. Lank leef die pier! Donderdag 26 November 1998- Namibiërs vlug voor hardhandige optrede deur die polisie se Spesiale Veldmag na Botswana.- Watertariewe langs die kus sal met ’n beraamde 100 tot 150 persent styg wanneer die beoogde ontsoutingsaanlegte in die jaar 2000 op Swakopmund in werking gestel word. - Die oorplasing uit Suid-Afrika van biljoene Namibiese dollars aan premie-inkomste van plaaslike polishouers van die drie grootste lewensversekeraars hang in die weegskaal weens die Wet op Herversekering. Vrydag 27 November 1998- ’n Ontploffing waarin minstens een Namibiese soldaat erg vermink is, het Namibië se deelname aan die oostelike offensief teen die rebelle-vestings in die Demokratiese Republiek van die Kongo (DRK) ingelui.- ’n Gevaarlike verdagte, wie gesoek was in verband met ’n beweerde gewapende roof van R1,4 miljoen se pensioengeld in Suid-Afrika en die beweerde diefstal van nagenoeg N$400 000 op Tsumeb, is Woensdag op die Internasionale Lughawe Hosea Kutako in hegtenis geneem. – ’n Seeramp waarby 24 bemanningslede en ’n hoogs gesofistikeerde diamant eksplorasie- en ontginningskip van N$44 mijoen betrokke was, is op Lüderitz afgeweer

20 Jaar Gelede

Kommentaar

Republikein 2025-04-16

Meld asseblief aan om kommentaar te lewer

20 Jaar Gelede

Kommentaar

Republikein 2025-04-16

Meld asseblief aan om kommentaar te lewer

MELD AAN

Advertensie