20 jaar gelede

Maandag 14 Mei 2001- MIV/vigs behoort teen 2020 vir die dood van 26% van die plattelandse werkerskorps in Namibië verantwoordelik te wees.- Ongerymdhede in die polisiemag ná onafhanklikheid het Vrydag sterk op die voorgrond getree toe ’n gewese polisieman en ’n adjunk-kommissaris op verskillende aanklagte op Oshakati verskyn het.- Pres. Sam Nujoma sê dit is belangrik dat Namibië se geskiedenis op ’n feitelike wyse weergegee word en dit is wat hy met die vrystelling van sy outobiografie probeer doen.Dinsdag 15 Mei 2001- Die kerk as bemiddelaar in die Angolese burgeroorlog is die jongste vredestroefkaart van die Unita-rebelleleier, dr. Jonas Savimbi, om die jarelange burgeroorlog in dié land te beëindig.- Morsjorse op see teenoor die Walvisbaaise hawe sal vasgevat word ná ’n opleidingsprogram waarmee kundiges van die Sweedse Kuswag nou besig is.- Midde-in verjaardagwense aan pres. Sam Nujoma het ernstige waarskuwings gekom dat hy die tekens van die tyd sien en nie’n vierde presidensiële termyn oorweeg nie.Woensdag 16 Mei 2001- Twee gevaarlike misdadigers wat Maandag in die vroeë oggendure ná ’n woeste skietery met ’n wag van HAMS Security in hegtenis geneem is, het op geheimsinnige wyse met hul vuurwapen en motor uit polisie-aanhouding in Windhoek ontsnap en was vanoggend steeds voortvlugtig.- ’n Volledige stel kaarte waarop onder meer die verskillende grondtipes van Namibië volgens die reënvalstreke aangedui word, is ná twee jaar se navorsing, veldwerk en dataverwerking gereed.Donderdag 17 Mei 2001- “Howzit”, “Batman”, “Seksie” en “Single” kan eersdaags op Namibiese motorregistrasieplate pryk.- Plaaslike tronke blyk die teelaarde te wees van ’n nuwe misdaadveldtog wat veral op vroue gemik is, en waarin Telecom Namibia en die poswese as dekmantels gebruik word.- Geweldige verliese aan veral sekere sjololadesoorte het die afgelope dae voorgekom toe oosweertoestande op die sentrale kusdorpe, Walvisbaai, Swakopmund en Hentiesbaai, met geweldige hitte gepaard gegaan het.Vrydag 18 Mei 2001- ’n Tweede skietgeveg tussen die Namibiese polisie en ’n groep voortvlugtige misdadigers in minder as ’n week in die westelike dele van die hoofstad het misdaad in Windhoek tot rampokkerstatus verhef.- Die wettiging van prostitusie in Namibië kan die voorkoms van MIV/vigs laat afneem.- Die tien Mej. Namibië 2001-finaliste, voormalige finaliste en voormalige wenners het Woensdagaand ’n swierige modetentoonstelling by die Windhoekse Buitekluboord aangebied.

20 jaar gelede

Kommentaar

Republikein 2025-04-10

Meld asseblief aan om kommentaar te lewer

20 jaar gelede

Kommentaar

Republikein 2025-04-10

Meld asseblief aan om kommentaar te lewer

MELD AAN

Advertensie