20 jaar gelede
Maandag 29 Mei 2000
- Die Herero-opperhoof, Kuaima Riruako, staar dalk kriminele vervolging in die gesig nadat die Hoërhof onlangs bevind het hy het Commercial Bank onder ’n vals indruk gebring en moet aan dié bank N$54 000 plus rente en regskoste terugbetaal.
- Namibië se soewereiniteit is onaantasbaar en die land sal hom nie deur enigiemand van buite laat voorskryf oor hoe om sy grondkwessie aan te spreek nie.
- Kritieke poste wat steeds nie in die Windhoek-onderwysstreek gevul is nie, veroorsaak ondoeltreffende onderrig en ’n bykomende las vir reeds oorlaaide personeellede.
Dinsdag 30 Mei 2000
- ’n Salarisverhoging van 7,3% wag op staatsamptenare ondanks pleidooie van verhogings van tussen vyftien en agttien present.
- Die nuwe Twyfelfontein Country Lodge, vlagskip van Namibia Country Lodges se vyf bestaande hotelle en lodges in Namibië, open vroeg aanstaande maand sy deure in die Uibasen-bewaargebied in die skouspelagtige Damaraland.
- Die mense van Angola en Namibië is die ware slagoffers van die oorlog in Angola en die katastrofe wat besig is om in die noordooste van Namibië te ontvou.
Woensdag 31 Mei 2000
- Die grondkwessie het opposisiepolitiek gister opnuut laat wankel weens ’n skriemende aanval van die DTA van Namibië op een van sy lidpartye, die Republikeinse Party (RP).
- Die Green Cape het gister deel van die Namibiese geskiedenis geword deurdat dié vragdraer van Liberië die eerste boot was wat van ’n dieper Walvisbaaise hawe gebruik gemaak het.
- ’n Prostitusie-skandaal in die middernagtelike ure in Dar-es-Salaam, Tanzanië, is die rede waarom byna die ganse Namibiese nasionale o.20-sokkerspan summier die trekpas gekry het.
Donderdag 1 Junie 2000 (OPENBARE VAKANSIEDAG)
Vrydag 2 Junie 2000
- Agribank, die landbank van Namibië, het pas N$60 miljoen by die Afrika-Ontwikkelingsbank geleen om kommunale boere en hul sukkelende kommersiële eweknieë te help met die koop van plase, groot- en kleinvee, gereedskap, saad en kunsmis, en die oprigting van heinings, damme en boorgate.
- ’n Onafhanklike beheerliggaam gaan gestig word om toe te sien dat waterpryse billik bly.
- Die Kongres van Demokrate (CoD) het onlangse uitlatings deur pres. Robert Mugabe van Zimbabwe op Ondangwa oor die “gryp van grond” as onverantwoordelik veroordeel.
- Die Von Bach-watersuiweringsaanleg naby Okahandja waaruit drinkwater aan Windhoek verskaf word, is verbeter om drie keer meer water per jaar te suiwer ten einde aan ’n toekomstige aanvraag in die stad te voldoen.
- ’n Groep branderryers van Swakopmund vertrek Maandag na Brasilië waar hulle Namibië in die Wêreldbranderryspele gaan verteenwoordig.
- Die Herero-opperhoof, Kuaima Riruako, staar dalk kriminele vervolging in die gesig nadat die Hoërhof onlangs bevind het hy het Commercial Bank onder ’n vals indruk gebring en moet aan dié bank N$54 000 plus rente en regskoste terugbetaal.
- Namibië se soewereiniteit is onaantasbaar en die land sal hom nie deur enigiemand van buite laat voorskryf oor hoe om sy grondkwessie aan te spreek nie.
- Kritieke poste wat steeds nie in die Windhoek-onderwysstreek gevul is nie, veroorsaak ondoeltreffende onderrig en ’n bykomende las vir reeds oorlaaide personeellede.
Dinsdag 30 Mei 2000
- ’n Salarisverhoging van 7,3% wag op staatsamptenare ondanks pleidooie van verhogings van tussen vyftien en agttien present.
- Die nuwe Twyfelfontein Country Lodge, vlagskip van Namibia Country Lodges se vyf bestaande hotelle en lodges in Namibië, open vroeg aanstaande maand sy deure in die Uibasen-bewaargebied in die skouspelagtige Damaraland.
- Die mense van Angola en Namibië is die ware slagoffers van die oorlog in Angola en die katastrofe wat besig is om in die noordooste van Namibië te ontvou.
Woensdag 31 Mei 2000
- Die grondkwessie het opposisiepolitiek gister opnuut laat wankel weens ’n skriemende aanval van die DTA van Namibië op een van sy lidpartye, die Republikeinse Party (RP).
- Die Green Cape het gister deel van die Namibiese geskiedenis geword deurdat dié vragdraer van Liberië die eerste boot was wat van ’n dieper Walvisbaaise hawe gebruik gemaak het.
- ’n Prostitusie-skandaal in die middernagtelike ure in Dar-es-Salaam, Tanzanië, is die rede waarom byna die ganse Namibiese nasionale o.20-sokkerspan summier die trekpas gekry het.
Donderdag 1 Junie 2000 (OPENBARE VAKANSIEDAG)
Vrydag 2 Junie 2000
- Agribank, die landbank van Namibië, het pas N$60 miljoen by die Afrika-Ontwikkelingsbank geleen om kommunale boere en hul sukkelende kommersiële eweknieë te help met die koop van plase, groot- en kleinvee, gereedskap, saad en kunsmis, en die oprigting van heinings, damme en boorgate.
- ’n Onafhanklike beheerliggaam gaan gestig word om toe te sien dat waterpryse billik bly.
- Die Kongres van Demokrate (CoD) het onlangse uitlatings deur pres. Robert Mugabe van Zimbabwe op Ondangwa oor die “gryp van grond” as onverantwoordelik veroordeel.
- Die Von Bach-watersuiweringsaanleg naby Okahandja waaruit drinkwater aan Windhoek verskaf word, is verbeter om drie keer meer water per jaar te suiwer ten einde aan ’n toekomstige aanvraag in die stad te voldoen.
- ’n Groep branderryers van Swakopmund vertrek Maandag na Brasilië waar hulle Namibië in die Wêreldbranderryspele gaan verteenwoordig.
Kommentaar
Republikein
Geen kommentaar is op hierdie artikel gelaat nie