20 jaar gelede
Maandag 7 Mei 2001
- Skokkende statistieke oor misdaad in Namibië is vervat in die jongste verslag van die Suider-Afrikaanse Ontwikkelingsgemeenskap (SADC) oor menslike ontwikkeling.
- Indien die Wêreldvoedselprogram (WVP) nie binnekort geld uit die skenkergemeenskap ontvang nie, bestaan die moontlikheid dat die sowat 20 000 vlugtelinge wat hulself in die Osire-vlugtelingkamp bevind, ’n ernstige hongersnood in die oë staar.
- Die Onderwysersunie van Namibië (TUN) is hoogs ontevrede met die manier waarop die Namibiese Nasionale Onderwysersunie (NANTU) en die Unie vir Namibiese Staatsamptenare (NAPWU) met die Regering oor salarisverhogings onderhandel.
Dinsdag 8 Mei 2001
- Oorloë, burgeronrus, die aanhouding van politieke teenstanders en die herhaaldelike verbreking van vredesooreenkomste sleep die naam van die SADC in die besonder en Afrika in die geheel deur die modder.
- Mediese versterkings uit Windhoek en Otjiwarongo is in die noordweste van die land ontplooi om die malarie-epidemie in bedwang te bring.
- Die reën is voorlopig verby, maar koue is op pad in fronte wat op weerkaarte gesien kan word. Die eerste kouefront sal vanaand uit die suidweste oor die land inbeweeg.
Woensdag 9 Mei 2001
- Regsgeskiedenis word aanstaande maand by die aanvang van die voorverhoor in die Caprivi-afstigtingsaak in die rondgaande Hoërhof op Grootfontein gemaak deurdat drie aanklaers die staat se saak sal behartig.
- Afwesigheid, ’n tekort aan dissipline, vandalisme, bendegevegte en alkoholmisbruik ry steeds Namibiese onderwysdoelwitte in die wiele.
- Sowat 70 persent van kindersterftes in Namibië se noordooste is aan kindersiektes, malaria, wanvoeding of MIV/Vigs.
Donderdag 10 Mei 2001
- Twee honderd ton malariamedisyne word deur die Namibiese Weermag (NDF) uit Harare na Ondangwa vervoer en agthonderd verpleegsters uit die res van die land word na onder meer die Oshikoto- en Ohangwenastreek gestuur vir mediese bystand.
- Goedkeuring is van die Kabinet gekry om ’n formele nedersetting of dorpie in die Aussenkehr-vallei te bou waar tafeldruiwe vir uitvoer geproduseer word.
- Die voorval waarin ’n sportgeleentheid die naweek op Rundu deur Swapo-ondersteuners ontwrig is, kan op die duur nadelige gevolge vir die Kavangostreek as vakansiebestemming hê.
Vrydag 11 Mei 2001
- Huiseienaars in Windhoek kan eersdaags op hul munisipale rekeningstate ’n nare verrassing kry weens verhoogde eiendomsbelasting.
- Namibië speel einde vandeesmaand gasheer vir die internasionale toerismebedryf op die eerste internasionale konferensie in dié millennium oor toerisme en lugvaar in Afrika.
- Die Maatskaplike Voorsorgdiens is besig met ’n grootskaalse veldtog om die private sektor in Namibië te vervolg nadat bykans 50% van die werkgewers versuim het om hul vereiste verslag oor regstellende aksie in te dien.
- Skokkende statistieke oor misdaad in Namibië is vervat in die jongste verslag van die Suider-Afrikaanse Ontwikkelingsgemeenskap (SADC) oor menslike ontwikkeling.
- Indien die Wêreldvoedselprogram (WVP) nie binnekort geld uit die skenkergemeenskap ontvang nie, bestaan die moontlikheid dat die sowat 20 000 vlugtelinge wat hulself in die Osire-vlugtelingkamp bevind, ’n ernstige hongersnood in die oë staar.
- Die Onderwysersunie van Namibië (TUN) is hoogs ontevrede met die manier waarop die Namibiese Nasionale Onderwysersunie (NANTU) en die Unie vir Namibiese Staatsamptenare (NAPWU) met die Regering oor salarisverhogings onderhandel.
Dinsdag 8 Mei 2001
- Oorloë, burgeronrus, die aanhouding van politieke teenstanders en die herhaaldelike verbreking van vredesooreenkomste sleep die naam van die SADC in die besonder en Afrika in die geheel deur die modder.
- Mediese versterkings uit Windhoek en Otjiwarongo is in die noordweste van die land ontplooi om die malarie-epidemie in bedwang te bring.
- Die reën is voorlopig verby, maar koue is op pad in fronte wat op weerkaarte gesien kan word. Die eerste kouefront sal vanaand uit die suidweste oor die land inbeweeg.
Woensdag 9 Mei 2001
- Regsgeskiedenis word aanstaande maand by die aanvang van die voorverhoor in die Caprivi-afstigtingsaak in die rondgaande Hoërhof op Grootfontein gemaak deurdat drie aanklaers die staat se saak sal behartig.
- Afwesigheid, ’n tekort aan dissipline, vandalisme, bendegevegte en alkoholmisbruik ry steeds Namibiese onderwysdoelwitte in die wiele.
- Sowat 70 persent van kindersterftes in Namibië se noordooste is aan kindersiektes, malaria, wanvoeding of MIV/Vigs.
Donderdag 10 Mei 2001
- Twee honderd ton malariamedisyne word deur die Namibiese Weermag (NDF) uit Harare na Ondangwa vervoer en agthonderd verpleegsters uit die res van die land word na onder meer die Oshikoto- en Ohangwenastreek gestuur vir mediese bystand.
- Goedkeuring is van die Kabinet gekry om ’n formele nedersetting of dorpie in die Aussenkehr-vallei te bou waar tafeldruiwe vir uitvoer geproduseer word.
- Die voorval waarin ’n sportgeleentheid die naweek op Rundu deur Swapo-ondersteuners ontwrig is, kan op die duur nadelige gevolge vir die Kavangostreek as vakansiebestemming hê.
Vrydag 11 Mei 2001
- Huiseienaars in Windhoek kan eersdaags op hul munisipale rekeningstate ’n nare verrassing kry weens verhoogde eiendomsbelasting.
- Namibië speel einde vandeesmaand gasheer vir die internasionale toerismebedryf op die eerste internasionale konferensie in dié millennium oor toerisme en lugvaar in Afrika.
- Die Maatskaplike Voorsorgdiens is besig met ’n grootskaalse veldtog om die private sektor in Namibië te vervolg nadat bykans 50% van die werkgewers versuim het om hul vereiste verslag oor regstellende aksie in te dien.
Kommentaar
Republikein
Geen kommentaar is op hierdie artikel gelaat nie