34% van Namibiese kinders leef in armoede

In Namibië leef 34% van kinders volgens die 2012 Kinderarmoedeverslag in armoede, dit in vergeleke met die 29% van die algemene bevolking. Armoede is veral duidelik sigbaar in die hoë vlakke van vertraagde groei en wanvoeding, met vertraagde groei wat 24% van kinders onder vyf in Namibië raak.
Namibië vier vandag saam met die res van die wêreld Kinderregtedag en hoewel die land vooruitgang gemaak het om die regte van kinders te laat seëvier, is daar egter steeds reuse struikelblokke wat die jonger geslag se vooruitgang kortwiek.
Volgens Unicef se verteenwoordiger in die land, me. Rachel Odede, maak dié struikelblokke kinders ‘onsigbaar’ en word hulle nie as gelyke burgers in hul geboorteland erken nie. Dit is veral van toepassing op kinders uit weerlose huishoudings.