41 skote op 6 buffels
Internasionale toeriste is getraumatiseer nadat buffels op die Wabi Game Lodge naby die Waterberg Platopark afgemaai is.
Francoise Steynberg
Dit het vir buitelandse toeriste Dinsdagaand gevoel hulle is in 'n oorlogsone toe ses buffels met 41 skote outomatiese geweervuur uit 'n helikopter op die Wabi Game Lodge doodgeskiet is.
Só sê die mede-eienaar van dié spoglodge naby die Waterberg Platopark in die Otjiwarongo-distrik, me. Christine Egger, wat gister “krisisbeheer” onder haar tien getraumatiseerde toeriste, onder wie kinders, van Duitsland, Switserland, Frankryk en Italië moes toepas wat uit Namibië wou padgee.
“Nadat hulle 'n wonderlike tyd op Wabi gehad het, verlaat hulle nou die land met hierdie afgryslike ervaring.”
Egger sê sy het by die owerhede gesmeek dat die buffels nie in die teenwoordigheid van haar buitelandse toeriste geskiet moes word nie, maar dit het op dowe ore geval.
Die hoof- veeartsenybeampte van die ministerie van landbou, water en bosbou, dr. Milton Maseke, het egter aan Republikein gesê die eienaars van die lodge, mnr. Mark en me. Christine Egger, is vooraf ingelig dat die buffels van kant gemaak gaan word en hulle moes sorg dat die toeriste nie teenwoordig is nie.
Rondloperbuffels
Me. Egger vertel 'n boer in die omgewing het twee weke gelede twee rondloperbuffels gerapporteer en ses buffels is Maandag by die lodge se Hippo-dam opgemerk.
“Soos wetsgehoorsame burgers het ons die teenwoordigheid van die buffels aan natuurbewaarders van Waterberg en veeartsenydienste op Okakara gerapporteer. Een van die buffels het 'n geel oormerk gehad,” sê Egger.
“Omdat die buffels van Waterberg siektevry is, het ons gesê dit is nie nodig om hulle van kant te maak nie. Ons het aangebied om hulle te vang en in ons boma by Wabi aan te hou, maar veeartsenydienste het gesê die diere moet van kant gemaak word en ons plaas is onder kwarantyn geplaas.”
Maseke het Dinsdag 'n amptelike brief oor die lot van die buffels aan Wabi Game Lodge gestuur, maar volgens Egger is die plaasnommer 340 in die brief nie korrek nie; dit is 291.
Egger sê die owerhede sou Dinsdagoggend na die lodge kom, maar meer as 20 beamptes, onder wie natuurbewaarders, polisielede en veeartsenybeamptes, het glo eers die middag sonder 'n lasbrief om die plaas te deursoek, voor die hek opgedaag.
“Teen 16:30 het dinge begin lelik raak. Ek het as een vrou teen sowat meer as 20 mans geïntimideer gevoel. Twee voertuie het ingery en 'n helikopter het dawerend oor my gaste gevlieg.”
Sy sê dit het soos 'n oorlog geklink toe die skietery uit die helikopter begin, en die gaste was ontsenu.
“Ons het vir 20 minute 41 skote uit outomatiese vuurwapens, glo R1-aanvalsgewere, gehoor. Om 17:35 was die slagting verby en die helikopter is weg. Boonop wou die owerhede die ses buffelkarkasse van twee groot bulle, een koei en die res jong buffels, op Wabi uitbrand.”
OWERHEDE REAGEER
Die permanente sekretaris van die omgewing en toerisme, dr. Malan Lindeque, het bevestig ondersoek sou gister na die voorval ingestel word en die ministerie sal later terugvoering gee.
Maseke meen Egger ruk die voorval uit verband uit en “weens een vrou se emosionele betrokkenheid by die wild kan ek nie die hele land onder 'n risiko plaas nie”. Hy sê sy wou van die begin af nie haar samewerking gee nie en het “haar persoonlike belange voor dié van die land geplaas”.
Maseke sê dit is volgens wetgewing duidelik dat enige buffel buite 'n park onmiddellik van kant gemaak moet word.
Hy vra verskoning dat die skietery in die teenwoordigheid van die toeriste plaasgevind het, “maar Egger was ingelig en sy kon die nodige gedoen het om hulle weg te hou”.
Maseke het bevestig die toetse van die nadoodse ondersoek op die buffels toon dat hulle nie bek-en-klouseer onder lede gehad het nie.
Dit het vir buitelandse toeriste Dinsdagaand gevoel hulle is in 'n oorlogsone toe ses buffels met 41 skote outomatiese geweervuur uit 'n helikopter op die Wabi Game Lodge doodgeskiet is.
Só sê die mede-eienaar van dié spoglodge naby die Waterberg Platopark in die Otjiwarongo-distrik, me. Christine Egger, wat gister “krisisbeheer” onder haar tien getraumatiseerde toeriste, onder wie kinders, van Duitsland, Switserland, Frankryk en Italië moes toepas wat uit Namibië wou padgee.
“Nadat hulle 'n wonderlike tyd op Wabi gehad het, verlaat hulle nou die land met hierdie afgryslike ervaring.”
Egger sê sy het by die owerhede gesmeek dat die buffels nie in die teenwoordigheid van haar buitelandse toeriste geskiet moes word nie, maar dit het op dowe ore geval.
Die hoof- veeartsenybeampte van die ministerie van landbou, water en bosbou, dr. Milton Maseke, het egter aan Republikein gesê die eienaars van die lodge, mnr. Mark en me. Christine Egger, is vooraf ingelig dat die buffels van kant gemaak gaan word en hulle moes sorg dat die toeriste nie teenwoordig is nie.
Rondloperbuffels
Me. Egger vertel 'n boer in die omgewing het twee weke gelede twee rondloperbuffels gerapporteer en ses buffels is Maandag by die lodge se Hippo-dam opgemerk.
“Soos wetsgehoorsame burgers het ons die teenwoordigheid van die buffels aan natuurbewaarders van Waterberg en veeartsenydienste op Okakara gerapporteer. Een van die buffels het 'n geel oormerk gehad,” sê Egger.
“Omdat die buffels van Waterberg siektevry is, het ons gesê dit is nie nodig om hulle van kant te maak nie. Ons het aangebied om hulle te vang en in ons boma by Wabi aan te hou, maar veeartsenydienste het gesê die diere moet van kant gemaak word en ons plaas is onder kwarantyn geplaas.”
Maseke het Dinsdag 'n amptelike brief oor die lot van die buffels aan Wabi Game Lodge gestuur, maar volgens Egger is die plaasnommer 340 in die brief nie korrek nie; dit is 291.
Egger sê die owerhede sou Dinsdagoggend na die lodge kom, maar meer as 20 beamptes, onder wie natuurbewaarders, polisielede en veeartsenybeamptes, het glo eers die middag sonder 'n lasbrief om die plaas te deursoek, voor die hek opgedaag.
“Teen 16:30 het dinge begin lelik raak. Ek het as een vrou teen sowat meer as 20 mans geïntimideer gevoel. Twee voertuie het ingery en 'n helikopter het dawerend oor my gaste gevlieg.”
Sy sê dit het soos 'n oorlog geklink toe die skietery uit die helikopter begin, en die gaste was ontsenu.
“Ons het vir 20 minute 41 skote uit outomatiese vuurwapens, glo R1-aanvalsgewere, gehoor. Om 17:35 was die slagting verby en die helikopter is weg. Boonop wou die owerhede die ses buffelkarkasse van twee groot bulle, een koei en die res jong buffels, op Wabi uitbrand.”
OWERHEDE REAGEER
Die permanente sekretaris van die omgewing en toerisme, dr. Malan Lindeque, het bevestig ondersoek sou gister na die voorval ingestel word en die ministerie sal later terugvoering gee.
Maseke meen Egger ruk die voorval uit verband uit en “weens een vrou se emosionele betrokkenheid by die wild kan ek nie die hele land onder 'n risiko plaas nie”. Hy sê sy wou van die begin af nie haar samewerking gee nie en het “haar persoonlike belange voor dié van die land geplaas”.
Maseke sê dit is volgens wetgewing duidelik dat enige buffel buite 'n park onmiddellik van kant gemaak moet word.
Hy vra verskoning dat die skietery in die teenwoordigheid van die toeriste plaasgevind het, “maar Egger was ingelig en sy kon die nodige gedoen het om hulle weg te hou”.
Maseke het bevestig die toetse van die nadoodse ondersoek op die buffels toon dat hulle nie bek-en-klouseer onder lede gehad het nie.
Kommentaar
Republikein
Geen kommentaar is op hierdie artikel gelaat nie