Aanslag op Mosoel: gasmaskers vir inwoners
Meer as 25 000 soldate is deur Irak gemobiliseer vir die aanslag op Mosoel, ''n massiewe operasie wat weke, indien nie maande nie, sal duur.
Gasmaskers word gereed gekry vir die 1,5 miljoen inwoners van Mosoel in Irak wat gevaar loop om deur die terreurgroep Isis met chemiese wapens aangeval te word.
Irakse en Koerdiese magte sê hulle het sowat 20 dorpies om Mosoel beveilig in die eerste dag van optrede om die terreurgroep uit sy laaste ware vesting te dryf.
Die Internasionale Organisasie vir Migrasie (IOM) sê hy kry die gasmaskers gereed omdat Isis vantevore sulke wapens teen Irakse en Koerdiese magte gebruik het.
Mosoel is Irak se tweede grootste stad en die grootste stedelike gebied wat deur militante van die Islamitiese Staat-groep (IS) beset word.
Die val van Mosoel sal 'n belangrike oorwinning teen die Soenni-djihadiste in Irak wees, maar kan ook lei tot grondgrype tussen groepe wat in 'n stryd teen mekaar gewikkel is sedert die regering van Saddam Hoesein in 2003 omvergewerp is.
Die jongste aanval op IS is 'n berekende skuif vir pres. Barack Obama van die VSA.
Amerikaanse amptenare erken daar is geen tasbare plan vir die regering van die gebied rondom Mosoel sodra Isis oorwin is nie.
Die Irakse weermag en Pesjmerga-magte van Irakse Koerdistan het eergister na Mosoel begin beweeg. Meer as 25 000 soldate is vir die veldtog ontplooi wat na verwagting weke indien nie maande nie kan duur.
Hulle ontvang lugbystand van 'n Amerikaans-geleide koalisie wat gestig is toe Isis in 2014 van Sirië na Irak beweeg het.
Hoshjijar Zebari, 'n senior Koerdiese amptenaar, sê die eerste operasies het geslaag danksy noue samewerking tussen die Irakse regering en Koerdiese Pesjmerga-vegters en Isis kon uit tien dorpies oos van Mosoel verdryf word.
“Isis is verward. Hulle weet nie of hulle 'n aanval uit die ooste of die weste of die noorde moet verwag nie,” sê hy.
Gister se aanval het 'n ander fase bereik, sê hy.
“Daar sal nie 'n skouspelagtige aanval op Mosoel self wees nie. Dit sal baie versigtig gedoen word. Dit is 'n hoë risiko-operasie vir almal.”
Aboe Bakr al-Baghdadi, Isis-leier, en Fawzi Ali Noeimeh, plofstofdeskundige, is albei in Mosoel, sê Zebari.
Dit beteken Isis sal sterk weerstand bied.
Isis het eergister gesê sy vegters het die aanvalsmag met tien selfmoordbomme aangeval en die aanvalsmag het vyf dorpies omsingel, maar nie oorgeneem het.
Die bewerings kon nie onafhanklik bevestig word nie.
Die aanvalsmag is nog tussen 20 km en 50 km van Mosoel. Amptenare sê dit is 'n “vormingsoperasie” om die aanvalsmag se posisie te verstewig.
Haider al-Abadi, Irakse premier, het die aanval eergister bevestig, sowat twee jaar nadat Irak se naasgrootste stad in Isis se beheer beland het.
Die operasie is al sedert Julie met die VSA beplan.
Die Verenigde Nasies sê tot een miljoen mense kan uit Mosoel vlug.
Die eerste groep vlugtelinge word binne vyf of ses dae verwag.
- Nampa/Reuters
Irakse en Koerdiese magte sê hulle het sowat 20 dorpies om Mosoel beveilig in die eerste dag van optrede om die terreurgroep uit sy laaste ware vesting te dryf.
Die Internasionale Organisasie vir Migrasie (IOM) sê hy kry die gasmaskers gereed omdat Isis vantevore sulke wapens teen Irakse en Koerdiese magte gebruik het.
Mosoel is Irak se tweede grootste stad en die grootste stedelike gebied wat deur militante van die Islamitiese Staat-groep (IS) beset word.
Die val van Mosoel sal 'n belangrike oorwinning teen die Soenni-djihadiste in Irak wees, maar kan ook lei tot grondgrype tussen groepe wat in 'n stryd teen mekaar gewikkel is sedert die regering van Saddam Hoesein in 2003 omvergewerp is.
Die jongste aanval op IS is 'n berekende skuif vir pres. Barack Obama van die VSA.
Amerikaanse amptenare erken daar is geen tasbare plan vir die regering van die gebied rondom Mosoel sodra Isis oorwin is nie.
Die Irakse weermag en Pesjmerga-magte van Irakse Koerdistan het eergister na Mosoel begin beweeg. Meer as 25 000 soldate is vir die veldtog ontplooi wat na verwagting weke indien nie maande nie kan duur.
Hulle ontvang lugbystand van 'n Amerikaans-geleide koalisie wat gestig is toe Isis in 2014 van Sirië na Irak beweeg het.
Hoshjijar Zebari, 'n senior Koerdiese amptenaar, sê die eerste operasies het geslaag danksy noue samewerking tussen die Irakse regering en Koerdiese Pesjmerga-vegters en Isis kon uit tien dorpies oos van Mosoel verdryf word.
“Isis is verward. Hulle weet nie of hulle 'n aanval uit die ooste of die weste of die noorde moet verwag nie,” sê hy.
Gister se aanval het 'n ander fase bereik, sê hy.
“Daar sal nie 'n skouspelagtige aanval op Mosoel self wees nie. Dit sal baie versigtig gedoen word. Dit is 'n hoë risiko-operasie vir almal.”
Aboe Bakr al-Baghdadi, Isis-leier, en Fawzi Ali Noeimeh, plofstofdeskundige, is albei in Mosoel, sê Zebari.
Dit beteken Isis sal sterk weerstand bied.
Isis het eergister gesê sy vegters het die aanvalsmag met tien selfmoordbomme aangeval en die aanvalsmag het vyf dorpies omsingel, maar nie oorgeneem het.
Die bewerings kon nie onafhanklik bevestig word nie.
Die aanvalsmag is nog tussen 20 km en 50 km van Mosoel. Amptenare sê dit is 'n “vormingsoperasie” om die aanvalsmag se posisie te verstewig.
Haider al-Abadi, Irakse premier, het die aanval eergister bevestig, sowat twee jaar nadat Irak se naasgrootste stad in Isis se beheer beland het.
Die operasie is al sedert Julie met die VSA beplan.
Die Verenigde Nasies sê tot een miljoen mense kan uit Mosoel vlug.
Die eerste groep vlugtelinge word binne vyf of ses dae verwag.
- Nampa/Reuters
Kommentaar
Republikein
Geen kommentaar is op hierdie artikel gelaat nie