A.I. Steenkamp onder ministerie se toesig
Maria Eiseb
Die Sekondêre Skool Immanuel Shifidi se skoolsaal is onlangs deur ouers van die Primêre Skool A.I. Steenkamp volgepak.
'n Vergadering is met die direkteur van onderwys, kuns en kultuur, mnr. Gerard Vries, en kringinspekteurs van die Khomasstreek gehou oor die situasie by die skool.
Vries het gesê ouers wou antwoorde hê oor hoekom die ministerie gesloer het met die oplos van probleme by die skool, ten spyte daarvan dat hulle reeds sedert 2015 van die skool se probleme bewus is. Gereelde vergaderings met die skoolbestuur was glo vrugteloos.
Volgens Vries moes die ministerie eers die skool ondersoek voor oplossings gevind kon word.
Vries het gesê die skoolbestuur is summier afgedank, en het drie ouers aangewys waarvan een deur die minister van onderwys, kuns en kultuur, me. Katrina Hanse-Himarwa, gekies sal word as administrateur.Die administrateur sal dan vir die volgende drie maande saam met 'n personeellid van die ministerie se kantoor toesig hou oor verwikkelinge by die skool.
Onderwysers het teruggekeer klasse toe en het bevestig hulle verstaan wat die ministerie van hulle verwag, het Vries gesê.
'n Beampte van die ministerie het gesê van die onderwysers is steeds ontevrede. Hulle glo nie daar sal teen me. Rudolfine Kamahene opgetree word nie.
Die Sekondêre Skool Immanuel Shifidi se skoolsaal is onlangs deur ouers van die Primêre Skool A.I. Steenkamp volgepak.
'n Vergadering is met die direkteur van onderwys, kuns en kultuur, mnr. Gerard Vries, en kringinspekteurs van die Khomasstreek gehou oor die situasie by die skool.
Vries het gesê ouers wou antwoorde hê oor hoekom die ministerie gesloer het met die oplos van probleme by die skool, ten spyte daarvan dat hulle reeds sedert 2015 van die skool se probleme bewus is. Gereelde vergaderings met die skoolbestuur was glo vrugteloos.
Volgens Vries moes die ministerie eers die skool ondersoek voor oplossings gevind kon word.
Vries het gesê die skoolbestuur is summier afgedank, en het drie ouers aangewys waarvan een deur die minister van onderwys, kuns en kultuur, me. Katrina Hanse-Himarwa, gekies sal word as administrateur.Die administrateur sal dan vir die volgende drie maande saam met 'n personeellid van die ministerie se kantoor toesig hou oor verwikkelinge by die skool.
Onderwysers het teruggekeer klasse toe en het bevestig hulle verstaan wat die ministerie van hulle verwag, het Vries gesê.
'n Beampte van die ministerie het gesê van die onderwysers is steeds ontevrede. Hulle glo nie daar sal teen me. Rudolfine Kamahene opgetree word nie.
Kommentaar
Republikein
Geen kommentaar is op hierdie artikel gelaat nie