Al-Sjabaab dood sewe in Somalië
Al-Sjabaab het van sy gewone teikens afgewyk en 'n aanval in die Puntlandstreek van Somalië uitgevoer.
Islamitiese Al-Sjabaab-militante het gisteroggend vroeg 'n deursoekingspunt van die polisie in Somalië se semi-outonome Puntlandstreek aangeval.
Minstens sewe mense is dood, het die polisie gesê.
Die militante het offisiere wat hul kollegas te hulp gesnel het, in 'n hinderlaag aan die buitewyke van die stad Bosaso laat beland, het die polisie gesê.
Al-Sjabaab sê hulle het die deursoekingspunt ingeneem en toe vertrek. Die polisie sê egter hulle het teruggeveg en die aanvallers verjaag.
Al-Sjabaab het 'n rits aanvalle op die Somaliese hoofstad, Mogadisjoe, en ander gebiede onder beheer van die federale regering van stapel gestuur in 'n poging om die Westersgesteunde regering omver te werp en 'n streng interpretasie van Islamitiese wetgewing af te dwing.
Aanvalle in Puntland is redelik skaars, waar 'n eie regering in beheer is en veiligheidsmagte die noordoostelike punt van die horing van Afrika patrolleer wat in die Golf van Aden en die Arabiese See in strek.
Drie polisiemanne en vier burgerlikes is in die aanval dood en minstens 13 ander is in die gevegte gewond.
Puntland is ook die tuiste van 'n splintergroep van Al-Sjabaab wat trou aan die Islamitiese Staat-groep (IS) gesweer het.
– Nampa/Reuters
Minstens sewe mense is dood, het die polisie gesê.
Die militante het offisiere wat hul kollegas te hulp gesnel het, in 'n hinderlaag aan die buitewyke van die stad Bosaso laat beland, het die polisie gesê.
Al-Sjabaab sê hulle het die deursoekingspunt ingeneem en toe vertrek. Die polisie sê egter hulle het teruggeveg en die aanvallers verjaag.
Al-Sjabaab het 'n rits aanvalle op die Somaliese hoofstad, Mogadisjoe, en ander gebiede onder beheer van die federale regering van stapel gestuur in 'n poging om die Westersgesteunde regering omver te werp en 'n streng interpretasie van Islamitiese wetgewing af te dwing.
Aanvalle in Puntland is redelik skaars, waar 'n eie regering in beheer is en veiligheidsmagte die noordoostelike punt van die horing van Afrika patrolleer wat in die Golf van Aden en die Arabiese See in strek.
Drie polisiemanne en vier burgerlikes is in die aanval dood en minstens 13 ander is in die gevegte gewond.
Puntland is ook die tuiste van 'n splintergroep van Al-Sjabaab wat trou aan die Islamitiese Staat-groep (IS) gesweer het.
– Nampa/Reuters
Kommentaar
Republikein
Geen kommentaar is op hierdie artikel gelaat nie